Delhi Metro Timing: ਜੇਕਰ ਤੁਸੀਂ ਦਿੱਲੀ ਮੈਟਰੋ ਦੀ ਯੈਲੋ ਲਾਈਨ 'ਤੇ ਸਫਰ ਕਰਦੇ ਹੋ ਤਾਂ ਵੱਡੀ ਖਬਰ ਹੈ। ਖ਼ਬਰ ਹੈ ਕਿ ਮੈਟਰੋ ਦੀ 'ਯੈਲੋ ਲਾਈਨ' ਦੇ ਚੌਥੇ ਪੜਾਅ ਦੇ ਜਨਕਪੁਰੀ ਪੱਛਮੀ ਤੋਂ ਆਰਕੇ ਆਸ਼ਰਮ ਕੋਰੀਡੋਰ 'ਤੇ 490 ਮੀਟਰ ਸੈਕਸ਼ਨ 'ਤੇ ਚੱਲ ਰਹੇ ਨਿਰਮਾਣ ਕਾਰਜ ਦੇ ਮੱਦੇਨਜ਼ਰ ਐਤਵਾਰ ਨੂੰ ਆਖਰੀ ਅਤੇ ਪਹਿਲੀ ਰੇਲਗੱਡੀ ਦੇ ਸਮੇਂ 'ਚ ਬਦਲਾਅ ਕੀਤਾ ਗਿਆ ਹੈ। ਅਤੇ ਸੋਮਵਾਰ ਨੂੰ ਕ੍ਰਮਵਾਰ ਅਖੀਰਲੀ ਅਤੇ ਪਹਿਲੀ ਟ੍ਰੇਨ ਦੇ ਸਮੇਂ ਵਿੱਚ ਬਦਲਾਅ ਕੀਤੇ ਗਏ ਹਨ। ਜੋ ਕਿ ਤੁਹਾਡੇ ਲਈ ਜਾਣਨਾ ਜ਼ਰੂਰੀ ਹੈ। ਇਸ ਦੀ ਜਾਣਕਾਰੀ ਨਾ ਹੋਣ 'ਤੇ ਤੁਹਾਨੂੰ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਦਰਅਸਲ, ਦਿੱਲੀ ਮੈਟਰੋ ਰੇਲ ਕਾਰਪੋਰੇਸ਼ਨ (DMRC) ਦੇ ਮੁੱਖ ਕਾਰਜਕਾਰੀ ਨਿਰਦੇਸ਼ਕ (ਕਾਰਪੋਰੇਟ ਸੰਚਾਰ) ਅਨੁਜ ਦਿਆਲ ਨੇ ਕਿਹਾ ਕਿ ਐਤਵਾਰ ਨੂੰ ਸਮੈਪੁਰ ਬਾਦਲੀ ਤੋਂ ਮਿਲੇਨੀਅਮ ਸਿਟੀ ਸੈਂਟਰ, ਗੁਰੂਗ੍ਰਾਮ ਲਈ ਆਖਰੀ ਰੇਲਗੱਡੀ 11 ਵਜੇ ਦੀ ਬਜਾਏ ਰਾਤ 10:45 ਵਜੇ ਰਵਾਨਾ ਹੋਵੇਗੀ ਅਤੇ ਮਿਲੇਨੀਅਮ ਸਿਟੀ ਸੈਂਟਰ ਗੁਰੂਗ੍ਰਾਮ ਤੋਂ ਸਮੈਪੁਰ ਬਾਦਲੀ ਲਈ ਆਖਰੀ ਰੇਲਗੱਡੀ ਰਾਤ 11 ਵਜੇ ਦੀ ਬਜਾਏ ਰਾਤ 9:30 ਵਜੇ ਰਵਾਨਾ ਹੋਵੇਗੀ।
ਇਹ ਵੀ ਪੜ੍ਹੋ: Water Crisis: ਅੱਤ ਦੀ ਗਰਮੀ ਕਰਕੇ ਪੰਜਾਬ 'ਚ ਪਾਣੀ ਦਾ ਸੰਕਟ, ਅਬੋਹਰ ਦੇ ਲੋਕ ਜੂਝ ਰਹੇ ਨੇ ਪਾਣੀ ਦੀ ਕਿੱਲਤ ਨਾਲ
ਉਨ੍ਹਾਂ ਦੱਸਿਆ ਕਿ ਸੋਮਵਾਰ ਨੂੰ ਸਮੈਪੁਰ ਬਾਦਲੀ ਤੋਂ ਮਿਲੇਨੀਅਮ ਸਿਟੀ ਸੈਂਟਰ ਗੁਰੂਗ੍ਰਾਮ ਤੱਕ ਪਹਿਲੀ ਰੇਲ ਸੇਵਾ ਸਵੇਰੇ 6 ਵਜੇ ਦੀ ਬਜਾਏ ਸਵੇਰੇ 7 ਵਜੇ ਤੋਂ ਸ਼ੁਰੂ ਹੋਵੇਗੀ। ਅਨੁਜ ਦਿਆਲ ਨੇ ਕਿਹਾ ਕਿ ਯੈਲੋ ਲਾਈਨ 'ਤੇ ਸਮੈਪੁਰ ਬਾਦਲੀ ਅਤੇ ਜਹਾਂਗੀਰਪੁਰੀ ਦੇ ਛੋਟੇ ਹਿੱਸੇ ਦੇ ਵਿਚਕਾਰ ਐਤਵਾਰ ਰਾਤ 11 ਵਜੇ ਤੋਂ ਬਾਅਦ ਅਤੇ ਸੋਮਵਾਰ ਸਵੇਰੇ 7 ਵਜੇ ਤੋਂ ਪਹਿਲਾਂ ਕੋਈ ਰੇਲ ਸੇਵਾ ਉਪਲਬਧ ਨਹੀਂ ਹੋਵੇਗੀ। ਦਿਆਲ ਦੇ ਅਨੁਸਾਰ, ਇਸ ਸਮੇਂ ਦੌਰਾਨ ਜਹਾਂਗੀਰਪੁਰੀ ਤੋਂ ਮਿਲੇਨੀਅਮ ਸਿਟੀ ਸੈਂਟਰ ਗੁਰੂਗ੍ਰਾਮ ਤੱਕ ਯੈਲੋ ਲਾਈਨ ਦੇ ਬਾਕੀ ਵੱਡੇ ਭਾਗਾਂ 'ਤੇ ਆਮ ਰੇਲ ਸੇਵਾਵਾਂ ਉਪਲਬਧ ਹੋਣਗੀਆਂ।
ਡੀਐਮਆਰਸੀ ਦੇ ਮੁੱਖ ਕਾਰਜਕਾਰੀ ਨਿਰਦੇਸ਼ਕ ਅਨੁਜ ਦਿਆਲ ਮੁਤਾਬਕ ਐਤਵਾਰ ਅਤੇ ਸੋਮਵਾਰ ਨੂੰ ਛੁੱਟੀ ਹੈ। ਇਹ ਯਕੀਨੀ ਬਣਾਉਣ ਲਈ ਕਿ ਸਵੇਰੇ ਅਤੇ ਦੇਰ ਰਾਤ ਲੋਕਾਂ ਨੂੰ ਅਸੁਵਿਧਾ ਦਾ ਸਾਹਮਣਾ ਨਾ ਕਰਨਾ ਪਵੇ, ਇਸ ਦੌਰਾਨ ਯੈਲੋ ਲਾਈਨ 'ਤੇ ਸਟੇਸ਼ਨ ਅਤੇ ਰੇਲਗੱਡੀ ਦੇ ਅੰਦਰ ਇਸ ਦੀ ਮੰਜ਼ਿਲ ਬਾਰੇ ਘੋਸ਼ਣਾ ਕੀਤੀ ਜਾਵੇਗੀ।
ਇਹ ਵੀ ਪੜ੍ਹੋ: Indian railway: ਕੀ ਭਾਰਤੀ ਰੇਲਵੇ ਖਤਮ ਕਰਨ ਜਾ ਰਿਹੈ ਜਨਰਲ ਕੋਚ? ਰੇਲ ਮੰਤਰੀ ਅਸ਼ਵਿਨੀ ਵੈਸ਼ਨਵ ਨੇ ਦੱਸੀ ਪੂਰੀ ਯੋਜਨਾ