ਖੱਟਰ ਦੀ ਕੈਬਿਨਟ, ਮੰਤਰੀਆਂ ਨੇ ਸੰਭਾਲੇ ਮਹਿਕਮੇ, ਜਾਣੋ ਕਿਸ ਕੋਲ ਕਿਹੜਾ ਮੰਤਰਾਲਾ

ਮਨੋਹਰ ਲਾਲ ਖੱਟਰ ਨੇ ਹਰਿਆਣਾ ਦੇ ਮੁੱਖ ਮੰਤਰੀ ਵਜੋਂ ਸਹੁੰ ਚੁੱਕਣ ਤੋਂ 18 ਦਿਨ ਬਾਅਦ ਵੀਰਵਾਰ ਨੂੰ ਪਹਿਲਾ ਕੈਬਿਨਟ ਦਾ ਵਿਸਥਾਰ ਕੀਤਾ। 6 ਕੈਬਨਿਟ ਤੇ 4 ਰਾਜ ਮੰਤਰੀਆਂ ‘ਚ ਖੱਟਰ ਨੇ ਹਰ ਵਰਗ ਨੂੰ ਅੱਗੇ ਰੱਖਣ ਦੀ ਕੋਸ਼ਿਸ਼ ਕੀਤੀ ਹੈ।

ਚੰਡੀਗੜ੍ਹ: ਮਨੋਹਰ ਲਾਲ ਖੱਟਰ ਨੇ ਹਰਿਆਣਾ ਦੇ ਮੁੱਖ ਮੰਤਰੀ ਵਜੋਂ ਸਹੁੰ ਚੁੱਕਣ ਤੋਂ 18 ਦਿਨ ਬਾਅਦ ਵੀਰਵਾਰ ਨੂੰ ਪਹਿਲਾ ਕੈਬਿਨਟ ਦਾ ਵਿਸਥਾਰ ਕੀਤਾ। 6 ਕੈਬਨਿਟ ਤੇ 4 ਰਾਜ ਮੰਤਰੀਆਂ ‘ਚ ਖੱਟਰ ਨੇ ਹਰ ਵਰਗ ਨੂੰ ਅੱਗੇ ਰੱਖਣ ਦੀ ਕੋਸ਼ਿਸ਼ ਕੀਤੀ ਹੈ। ਤਿੰਨ ਮੰਤਰੀ ਜਾਟ, ਦੋ ਪੰਜਾਬੀ, 2 ਅਨੁਸੂਚਿਤ ਜਾਤ, ਇੱਕ ਯਾਦਵ ਤੇ ਇੱਕ ਗੁਰਜਰ ਭਾਈਚਾਰੇ ਤੋਂ ਹੈ।

ਸਾਰੇ ਕੈਬਨਿਟ ਤੇ ਰਾਜ ਮੰਤਰੀਆਂ ਨੇ ਸ਼ੁੱਕਰਵਾਰ ਨੂੰ ਆਪਣੇ-ਆਪਣੇ ਮਹਿਕਮੇ ਦਾ ਕਾਰਜਭਾਰ ਸੰਭਾਲ ਲਿਆ। ਖੱਟਰ ਨੇ ਮੂੰਹ ਮਿੱਠਾ ਕਰਵਾ ਸਭ ਤੋਂ ਪਹਿਲਾਂ ਗ੍ਰਹਿ ਮੰਤਰੀ ਅਨਿਲ ਵਿੱਜ ਨੂੰ ਸੀਟ ‘ਤੇ ਬੈਠਾਇਆ। ਕਿਸ ਪਾਰਟੀ ਦੇ ਕਿੰਨੇ ਮੰਤਰੀ ਹਨ: ਭਾਜਪਾ: ਅਨਿਲ ਵਿਜ (ਕੈਬਨਿਟ ਮੰਤਰੀ), ਕੰਵਰਪਾਲ ਗੁਰਜਰ (ਕੈਬਨਿਟ ਮੰਤਰੀ), ਮੂਲਚੰਦ ਸ਼ਰਮਾ (ਕੈਬਨਿਟ ਮੰਤਰੀ), ਜੇਪੀ ਦਲਾਲ (ਕੈਬਨਿਟ ਮੰਤਰੀ), ਬਨਵਾਰੀ ਲਾਲ (ਕੈਬਨਿਟ ਮੰਤਰੀ), ਓਮ ਪ੍ਰਕਾਸ਼ ਯਾਦਵ (ਰਾਜ ਮੰਤਰੀ), ਸ੍ਰੀਮਤੀ ਕਮਲੇਸ਼ ਢਾਂਡਾ (ਰਾਜ ਮੰਤਰੀ), ਸੰਦੀਪ ਸਿੰਘ (ਰਾਜ ਮੰਤਰੀ)। ਜੇਜੇਪੀ: ਅਨੂਪ ਧਾਨਕ (ਰਾਜ ਮੰਤਰੀ) ਆਜ਼ਾਦ: ਰਣਜੀਤ ਸਿੰਘ (ਕੈਬਨਿਟ ਮੰਤਰੀ)

ਮੰਤਰੀ	ਵਿਭਾਗ
ਮਨੋਹਰ ਲਾਲ ਖੱਟਰ, ਮੁੱਖ ਮੰਤਰੀ	ਵਿੱਤ ਮੰਤਰਾਲੇ ਸਮੇਤ ਸਾਰੇ ਵਿਭਾਗ ਜੋ ਕਿਸੇ ਮੰਤਰੀ ਨੂੰ ਨਹੀਂ ਦਿੱਤੇ ਗਏ।
ਦੁਸ਼ਯੰਤ ਚੌਟਾਲਾ, ਉਪ ਮੁੱਖ ਮੰਤਰੀ	ਮਾਲੀਆ ਤੇ ਆਫ਼ਤ ਪ੍ਰਬੰਧਨ, ਆਬਕਾਰੀ ਤੇ ਕਰ, ਵਿਕਾਸ ਤੇ ਪੰਚਾਇਤਾਂ, ਉਦਯੋਗ ਤੇ ਵਣਜ, ਲੋਕ ਨਿਰਮਾਣ, ਖੁਰਾਕ ਸਿਵਲ ਸਪਲਾਈ ਤੇ ਖਪਤਕਾਰ ਮਾਮਲੇ, ਲੇਬਰ ਤੇ ਰੁਜ਼ਗਾਰ, ਸਿਵਲ ਹਵਾਬਾਜ਼ੀ, ਮੁੜ ਵਸੇਬਾ, ਇਕਜੁੱਟਤਾ
ਅਨਿਲ ਵਿਜ	ਘਰ, ਸ਼ਹਿਰੀ ਪ੍ਰਸ਼ਾਸਨ, ਸਿਹਤ, ਮੈਡੀਕਲ ਸਿੱਖਿਆ, ਆਯੂਸ਼, ਤਕਨੀਕੀ ਸਿੱਖਿਆ, ਵਿਗਿਆਨ ਤੇ ਤਕਨਾਲੋਜੀ
ਕੰਵਰਪਾਲ ਗੁਰਜਰ	ਸਿੱਖਿਆ, ਜੰਗਲਾਤ, ਸੈਰ-ਸਪਾਟਾ, ਸੰਸਦੀ ਕੰਮ
ਮੂਲ ਚੰਦਰ ਸ਼ਰਮਾ	ਆਵਾਜਾਈ, ਖਨਨ, ਹੁਨਰ ਵਿਕਾਸ, ਕਲਾ ਤੇ ਸੱਭਿਆਚਾਰ
ਰਣਜੀਤ ਸਿੰਘ	ਊਰਜਾ, ਨਵੀਨ ਤੇ ਨਵਿਆਉਣਯੋਗ ਊਰਜਾ, ਜੇਲ੍ਹ
ਜੇਪੀ ਦਲਾਲ	ਖੇਤੀਬਾੜੀ ਤੇ ਕਿਸਾਨ ਵਿਕਾਸ, ਪਸ਼ੂ ਪਾਲਣ ਤੇ ਡੇਅਰੀ, ਮੱਛੀ ਪਾਲਣ, ਕਾਨੂੰਨ ਤੇ ਨਿਆਂ
ਬਨਵਾਰੀ ਲਾਲ	ਸਹਿਕਾਰਤਾ, ਅਨੁਸੂਚਿਤ ਜਾਤੀਆਂ ਤੇ ਪੱਛੜੀਆਂ ਸ਼੍ਰੇਣੀਆਂ ਦੀ ਭਲਾਈ
ਓਮਪ੍ਰਕਾਸ਼ ਯਾਦਵ (ਸੁਤੰਤਰ ਚਾਰਜ)	ਸਮਾਜਿਕ ਨਿਆਂ ਤੇ ਅਧਿਕਾਰਤਾ, ਸੈਨਿਕ ਤੇ ਪੈਰਾ ਮਿਲਟਰੀ ਵੈਲਫੇਅਰ
ਸ੍ਰੀਮਤੀ ਕਮਲੇਸ਼ ਢਾਂਡਾ	ਮਹਿਲਾ ਤੇ ਬਾਲ ਵਿਕਾਸ, ਪੁਰਾਲੇਖ
ਅਨੂਪ ਧਾਨਕ	ਪੁਰਾਤੱਤਵ ਤੇ ਅਜਾਇਬ ਘਰ (ਸੁਤੰਤਰ ਚਾਰਜ), ਕਿਰਤ ਤੇ ਰੁਜ਼ਗਾਰ
ਸੰਦੀਪ ਸਿੰਘ	ਖੇਡਾਂ ਤੇ ਯੁਵਾ ਮਾਮਲੇ, ਪ੍ਰਕਾਸ਼ਨ ਤੇ ਪ੍ਰਿੰਟਿੰਗ