ਰਿਪੋਰਟ ਦਾ ਖੁਲਾਸਾ, ਹੋਰ ਵਧੇਗੀ ਮਹਿੰਗਾਈ

ਨਵੀਂ ਦਿੱਲੀ : ਅਕਤੂਬਰ 'ਚ 7 ਮਹੀਨਿਆਂ 'ਚ ਉੱਚੇ ਲੈਵਲ 'ਤੇ ਪਹੁੰਚੇ ਰਿਟੇਲ ਇਨਫਲੈਸ਼ਨ ਆਉਣ ਵਾਲੇ ਮਹੀਨਿਆਂ 'ਚ ਹੋਰ ਵਧ ਸਕਦਾ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਸਬਜ਼ੀਆਂ ਤੇ ਕੱਚੇ ਤੇਲ ਦੇ ਰੇਟਾਂ 'ਚ ਤੇਜ਼ੀ ਦੇ ਚਲਦੇ ਨਵਬੰਰ 'ਚ ਮਹਿੰਗਾਈ 4 ਫ਼ੀਸਦੀ ਦਾ ਅੰਕੜਾ ਪਾਰ ਕਰ ਸਕਦੀ ਹੈ। ਨੋਮੁਰਾ, ਬੈਂਕ ਆਫ਼ ਅਮਰੀਕਾ, ਮੇਰਲਿ ਲਿੰਚ ਤੇ ਮੋਰਗਨ ਸਟੈਨਲੀ ਵਰਗੀ ਦਿੱਗਜ਼ ਫਾਈਨੈਂਸ਼ਲ ਸਰਵਸਿਜ ਫਰਮ ਦਾ ਕਹਿਣਾ ਹੈ ਕਿ ਇਕੋਨਾਮੀ 'ਚ ਸਾਈਕਲਸ ਰਿਕਵਰੀ ਦੇ ਨਾਲ ਸਬਜ਼ੀਆਂ ਤੇ ਕੱਚੇ ਤੇਲ ਦੇ ਰੇਟ 'ਚ ਉਛਾਲ ਨਾਲ ਆਉਣ ਵਾਲੇ ਮਹੀਨਿਆਂ 'ਚ ਮਹਿੰਗਾਈ ਦੀ ਮਾਰ ਵਧ ਸਕਦੀ ਹੈ। ਨੋਮੁਰਾ ਨੇ ਆਪਣੇ ਰਿਸਰਚ ਨੋਟ 'ਚ ਲਿਖਿਆ ਹੈ ਕਿ ਸਾਡੇ ਹਿਸਾਬ ਨਾਲ ਕੰਜ਼ਿਊਮਰ ਪ੍ਰਾਈਸ ਇੰਡੈਕਸ ਵੈਸਟ ਇੰਨਫਲੈਕਸ਼ਨ ਨਵੰਬਰ 'ਚ 4 ਫ਼ੀਸਦੀ ਤੋਂ ਉੱਪਰ ਜਾ ਸਕਦਾ ਹੈ ਤੇ ਅਗਲੇ ਪੂਰੇ ਸਾਲ ਇਹ ਆਰਬੀਆਈ ਦੇ 4 ਫ਼ੀਸਦੀ ਦੇ ਟਾਰਗੈਟ ਤੋਂ ਉੱਪਰ ਬਣਿਆ ਰਹਿ ਸਕਦਾ ਹੈ। ਫੂਡ ਤੇ ਫਿਊਲ ਦੇ ਰੇਟ 'ਚ ਉਛਾਲ ਆਉਣ ਦੀ ਵਜ੍ਹਾ ਨਾਲ ਸੀਪੀਆਈ ਵੈਸਡ ਇਨਫਲੇਸ਼ਨ ਅਕਤੂਬਰ 'ਚ 7 ਮਹੀਨਿਆਂ ਦੇ ਉੱਚ ਭਾਵ 3.58 ਫ਼ੀਸਦੀ 'ਤੇ ਪਹੁੰਚ ਗਿਆ ਸੀ। ਬੈਂਕ ਆਫ ਅਮਰੀਕਾ ਮੇਰਿਲ ਲਿੰਚ ਦੇ ਮੁਤਾਬਕ ਨਵੰਬਰ 'ਚ ਸੀਬੀਆਈ ਵੇਸਡ ਇਨਫਲੈਕਸ਼ਨ ਲਗਪਗ 4.5 ਫ਼ੀਸਦੀ ਰਹਿ ਸਕਦਾ ਹੈ। ਉਸ 'ਚ ਇਹ ਵੀ ਕਿਹਾ ਗਿਆ ਹੈ ਕਿ ਪਿਆਜ਼ ਇੰਪੋਟ ਕਰਨ ਦੀ ਇਜਾਜ਼ਤ ਦੇਣ ਦੇ ਨਾਲ ਹੀ ਜਮ੍ਹਾਖੋਰੀ 'ਤੇ ਲਗਾਮ ਲਾਉਣ ਵਰਗੇ ਸਰਕਾਰੀ ਉਪਾਵਾਂ ਨਾਲ ਖਾਣ-ਪੀਣ ਦੇ ਸਾਮਾਨ ਦੇ ਰੇਟ 'ਤੇ ਕਾਬੂ 'ਚ ਰੱਖਣ 'ਚ ਬਹੁਤ ਮਦਦ ਮਿਲੇਗੀ। ਮਾਰਗਨ ਸਟੈਨਲੀ ਦੇ ਅਰਥ ਸ਼ਾਸ਼ਤਰੀਆਂ ਦਾ ਕਹਿਣਾ ਹੈ ਕਿ ਫੂਡ ਤੇ ਤੇਲ ਦੇ ਰੇਟ 'ਚ ਉਛਾਲ ਤੋਂ ਇਲਾਵਾ ਐੱਚਆਰਏ ਵਾਧਾ ਲਾਗੂ ਕਰਨ ਵਾਲੇ ਸੂਬਿਆਂ ਅਤੇ ਸੈਕਟਰਸ ਦੀ ਗਿਣਤੀ 'ਚ ਵਾਧਾ ਹੋਣ ਨਾਲ ਵੀ ਮਹਿੰਗਾਈ ਦਾ ਦਬਾਅ ਵਧੇਗਾ।