ਚੰਡੀਗੜ੍ਹ: ਅੱਜ ਪੱਤਰਕਾਰ ਮਿਲਣੀ ਦੌਰਾਨ ਪੰਜਾਬ ਪੁਲਿਸ ਦੇ ਅਧਿਕਾਰੀਆਂ ਵੱਲੋਂ ਹਨੀਪ੍ਰੀਤ ਨੂੰ ਮਦਦ ਦੇਣ ਦੇ ਮਾਮਲੇ 'ਤੇ ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟਰ ਨੇ ਕਿਹਾ ਮਾਮਲਾ ਹਾਲੇ ਅਦਾਲਤ ਵਿੱਚ ਹੈ। ਉਨ੍ਹਾਂ ਕਿਹਾ ਕਿ ਇਸ ਬਾਰੇ ਸਹੀ ਸਮੇਂ 'ਤੇ ਬੋਲਣਗੇ। ਖੱਟਰ ਨੂੰ ਇਹ ਸਵਾਲ ਕੀਤਾ ਗਿਆ ਸੀ ਕਿ ਉਹ ਕਿਹੜੇ ਅਧਿਕਾਰੀ ਹਨ ਜਿਨ੍ਹਾਂ ਨੇ ਹਨੀਪ੍ਰੀਤ ਦੀ ਮਦਦ ਕੀਤੀ ਸੀ ਤੇ ਕੈਪਟਨ ਨੇ ਤੁਹਾਡੇ ਇਨ੍ਹਾਂ ਇਲਜ਼ਾਮਾਂ ਨੂੰ ਨਕਾਰਿਆ ਸੀ। ਪੁੱਛੇ ਗਏ ਸਵਾਲਾਂ ਦੇ ਜਵਾਬ ਨਾਲੋਂ ਖੱਟਰ ਨੇ SYL ਦਾ ਪਾਣੀ ਮਿਲਣ ਨਾਲ ਹਰਿਆਣਾ ਨੂੰ ਬਹੁਤ ਫਾਇਦਾ ਮਿਲਣ ਦੀ ਗੱਲ 'ਤੇ ਜ਼ਿਆਦਾ ਜ਼ੋਰ ਦਿੱਤਾ। ਪੰਚਕੁਲਾ ਹਿੰਸਾ ਬਾਰੇ ਸਵਾਲਾਂ 'ਤੇ ਖੱਟਰ ਨੇ ਕਿਹਾ ਕਿ ਅਧਿਕਾਰੀਆਂ ਦੀ ਭੂਮਿਕਾ ਬਹੁਤ ਵਧੀਆ ਰਹੀ। ਉਨ੍ਹਾਂ ਕਿਹਾ ਕਿ ਜੋ ਹਿੰਸਾ ਫੈਲਾਉਣ ਦੇ ਦੋਸ਼ੀ ਹਨ ਉਹ ਜੇਲ੍ਹ ਦੇ ਅੰਦਰ ਹਨ।