ਬਰਫ ਹੇਠ ਦੱਬ ਪੰਜਾਬੀ ਫੌਜੀ ਦੀ ਮੌਤ, ਅੱਜ ਅੰਮ੍ਰਿਤਸਰ ਪੁੱਜੇਗੀ ਲਾਂਸ ਨਾਇਕ ਦੀ ਦੇਹ

ਚੰਡੀਗੜ੍ਹ: ਜ਼ਿਲ੍ਹਾ ਅੰਮ੍ਰਿਤਸਰ ਵਿੱਚ ਹਲਕਾ ਮਜੀਠਾ ਦੇ ਪਿੰਡ ਕਲੇਰ ਬਾਲਾ ਪਾਈ ਦੇ ਵਸਨੀਕ ਲਾਂਸ ਨਾਇਕ ਕੁਲਦੀਪ ਸਿੰਘ 5 ਸਿੱਖ ਰੈਜਮੈਂਟ ਦੀ ਕਾਰਗਿਲ ਗਲੇਸ਼ੀਅਰ ਵਿੱਚ ਆਏ ਬਰਫ਼ ਦੇ ਤੂਫਾਨ ਹੇਠਾਂ ਆਉਣ ਕਰਕੇ ਮੌਤ ਹੋ ਗਈ। ਅੱਜ ਉਨ੍ਹਾਂ ਦੀ ਮ੍ਰਿਤਕ ਦੇਹ ਉਨ੍ਹਾਂ ਦੇ ਪਿੰਡ ਪਹੁੰਚੇਗੀ। ਇੱਥੇ ਉਨ੍ਹਾਂ ਦਾ ਸਰਕਾਰੀ ਸਨਮਾਨਾਂ ਨਾਲ ਸਸਕਾਰ ਕੀਤਾ ਜਾਏਗਾ। ਉਹ ਆਪਣੇ ਪਿੱਛੇ ਪਤਨੀ ਪਵਨਪ੍ਰੀਤ ਕੌਰ ਤੇ 5 ਸਾਲ ਦੇ ਲੜਕੇ ਜਸਨੂਰ ਪ੍ਰੀਤ ਸਿੰਘ ਨੂੰ ਛੱਡ ਗਏ ਹਨ। ਕੁਲਦੀਪ ਸਿੰਘ ਪਿਛਲੇ 16 ਸਾਲ ਤੋਂ ਫੌਜ ਵਿੱਚ ਸੇਵਾ ਨਿਭਾ ਰਹੇ ਸਨ। ਬੀਤੀ ਸ਼ਾਮ ਗਲੇਸ਼ੀਅਰ ਵਿੱਚ 15 ਫ਼ੌਜੀਆਂ ਦਾ ਇੱਕ ਦਸਤਾ ਗਸ਼ਤ ਲਕਰ ਰਿਹੀ ਸੀ। ਲਾਂਸ ਨਾਇਕ ਕੁਲਦੀਪ ਸਿੰਘ ਇਸ ਦਸਤੇ ਦੀ ਅਗਵਾਈ ਕਰ ਰਹੇ ਸਨ। ਅਚਾਨਕ ਬਰਫ਼ ਦਾ ਤੂਫਾਨ ਆਇਆ ਤੇ ਬਰਫ਼ ਵਿੱਚ ਦੱਬਣ ਕਰਕੇ ਕੁਲਦੀਪ ਸਿੰਘ ਦੀ ਮੌਤ ਹੋ ਗਈ।