ਚੰਡੀਗੜ੍ਹ: ਦੇਸ਼ ਵਿਆਪੀ ਲੌਕਡਾਉਨ ਕਾਰਨ ਤੁਸੀਂ ਹਰ ਜਗ੍ਹਾ ਸਕੂਲ, ਦਫ਼ਤਰ ਬੰਦ ਹੋਣ ਕਾਰਨ ਘਰੋਂ ਕੰਮ ਕਰ ਰਹੇ ਹੋਵੋਗੇ। ਇਸ ਕਾਰਨ ਤੁਹਾਡੇ ਕੋਲ ਪਹਿਲਾਂ ਨਾਲੋਂ ਜ਼ਿਆਦਾ ਸਮਾਂ ਹੈ। ਇਨ੍ਹਾਂ ਦਿਨਾਂ 'ਚ ਜਦੋਂ ਸਾਰੇ ਪਰਿਵਾਰਕ ਮੈਂਬਰ ਘਰ ਵਿੱਚ ਵਧੇਰੇ ਸਮਾਂ ਬਤੀਤ ਕਰ ਰਹੇ ਹਨ। ਇਸ ਨਾਲ ਘਰੇਲੂ ਕੰਮ ਹੋਰ ਵੀ ਵੱਧ ਜਾਂਦੇ ਹਨ। ਇਸ ਲਈ, ਇਸ ਸਥਿਤੀ ਵਿੱਚ, ਇਹ ਬਿਹਤਰ ਹੋਵੇਗਾ ਕਿ ਤੁਸੀਂ ਖਾਲੀ ਬੈਠ ਕੇ ਆਪਣਾ ਭਾਰ ਵਧਾਓ ਨਾਲੋਂ ਆਪਣੇ ਖਾਲੀ ਸਮੇਂ ਵਿੱਚ ਆਪਣੇ ਪਾਰਟਨਰ ਦੀ ਮਦਦ ਕਰੋ ਤੇ ਆਪਣੇ ਰਿਸ਼ਤੇ ਨੂੰ ਹੋਰ ਮਜ਼ਬੂਤ ਕਰੋ।
ਰਸੋਈ 'ਚ ਮਦਦ ਕਰੋ-
ਭਾਵੇਂ ਤੁਸੀਂ ਪਕਾਉਣਾ ਨਹੀਂ ਜਾਣਦੇ ਹੋ, ਤੁਸੀਂ ਆਪਣੇ ਸਾਥੀ ਨੂੰ ਬਹੁਤ ਸਾਰੀਆਂ ਛੋਟੀਆਂ ਚੀਜ਼ਾਂ ਵਿੱਚ ਸਹਾਇਤਾ ਕਰ ਸਕਦੇ ਹੋ ਜਿਵੇਂ ਸਬਜ਼ੀਆਂ ਕੱਟਣੀਆਂ, ਬਰਤਨ ਧੋਣੇ, ਰਸੋਈ ਦੇ ਸਿੰਕ ਨੂੰ ਸਾਫ਼ ਕਰਨਾ ਜਾਂ ਤਿਆਰ ਕੀਤੇ ਰਾਸ਼ਨ ਤੇ ਮਸਾਲੇ ਦੇ ਡੱਬਿਆਂ ਵਿੱਚ ਨਵੇਂ ਰਾਸ਼ਨ ਤੇ ਮਸਾਲੇ ਭਰਨਾ ਆਦਿ। ਇਹ ਕੰਮ ਛੋਟੇ ਹੁੰਦੇ ਹਨ, ਪਰ ਤੁਹਾਡੇ ਸਾਥੀ ਨੂੰ ਇਨ੍ਹਾਂ ਕੰਮਾਂ ਵਿੱਚ ਵੀ ਬਹੁਤ ਸਾਰਾ ਸਮਾਂ ਲੱਗਦਾ ਹੈ। ਇਸ ਲਈ ਤੁਸੀਂ ਉਨ੍ਹਾਂ ਦੀ ਇਸ ਤਰੀਕੇ ਨਾਲ ਮਦਦ ਕਰੋ।
ਸਫਾਈ 'ਚ ਸਹਾਇਤਾ ਕਰੋ-
ਘਰ ਦੀ ਸਫਾਈ ਕਰਨਾ ਬਹੁਤ ਮਿਹਨਤ ਵਾਲਾ ਕੰਮ ਹੈ ਪਰ ਇਹ ਖਾਣਾ ਬਣਾਉਣਾ ਵਰਗਾ ਕਲਾਤਮਕ ਕੰਮ ਨਹੀਂ ਹੈ, ਇਸ ਲਈ ਤੁਸੀਂ ਸਫਾਈ ਆਸਾਨੀ ਨਾਲ ਕਰ ਸਕਦੇ ਹੋ। ਤੁਸੀਂ ਘਰ ਵਿੱਚ ਬਹੁਤ ਸਾਰੀਆਂ ਚੀਜ਼ਾਂ ਕਰ ਸਕਦੇ ਹੋ ਜਿਵੇਂ ਕਿ ਝਾੜੂ ਮਾਰਨਾ ਪੋਚਾ ਲਗਾਉਣਾ, ਅਲਮਾਰੀਆਂ ਸਾਫ਼ ਕਰਨਾ, ਟੇਬਲ ਸਾਫ਼ ਕਰਨਾ ਤੇ ਬਿਸਤਰੇ ਠੀਕ ਕਰਨਾ ਆਦਿ। ਇਸ ਨਾਲ ਤੁਹਾਡੇ ਸਾਥੀ ਦੀ ਬਹੁਤ ਚੰਗੀ ਮਦਦ ਹੋ ਸਕਦੀ ਹੈ।
ਬੱਚਿਆਂ ਨੂੰ ਸੰਭਲਣਾ-
ਜੇ ਤੁਹਾਡੇ ਬੱਚੇ ਬਹੁਤ ਛੋਟੇ ਹਨ, ਤਾਂ ਉਨ੍ਹਾਂ ਦੀ ਦੇਖਭਾਲ ਦੀ ਜ਼ਿੰਮੇਵਾਰੀ ਲੈਂਦੇ ਹੋਏ, ਤੁਸੀਂ ਆਪਣੇ ਸਾਥੀ ਦਾ ਮਾਨਸਿਕ ਬੋਝ ਵੀ ਘੱਟ ਕਰ ਸਕਦੇ ਹੋ। ਜੇ ਤੁਹਾਡੇ ਬੱਚੇ ਵੱਡੇ ਹੁੰਦੇ ਹਨ, ਤਾਂ ਤੁਸੀਂ ਘਰੇਲੂ ਕੰਮਾਂ ਵਿੱਚ ਉਨ੍ਹਾਂ ਤੋਂ ਮਦਦ ਵੀ ਲੈ ਸਕਦੇ ਹੋ। ਇਸ ਲਈ, ਅਜਿਹੇ ਕੰਮਾਂ ਦੀ ਚੋਣ ਕਰੋ ਤੇ ਉਨ੍ਹਾਂ ਨੂੰ ਬੱਚਿਆਂ ਨੂੰ ਦਿਓ, ਤਾਂ ਜੋ ਉਹ ਵੀ ਹੌਲੀ ਹੌਲੀ ਘਰ ਦੇ ਕੰਮਾਂ ਨੂੰ ਆਪਣੀ ਜ਼ਿੰਮੇਵਾਰੀ ਸਮਝਣ ਲੱਗ ਪੈਣ।
ਪਾਰਟਨਰ ਲਈ ਕੁਕਿੰਗ ਕਰੋ-
ਜੇ ਤੁਸੀਂ ਖਾਣਾ ਪਕਾਉਣ ਵਿੱਚ ਦਿਲਚਸਪੀ ਰੱਖਦੇ ਹੋ, ਤਾਂ ਇਹ ਤਜਰਬਾ ਕਰਨ ਦਾ ਸਭ ਤੋਂ ਵਧੀਆ ਸਮਾਂ ਹੈ। ਕਿਸੇ ਦਿਨ, ਸਾਥੀ ਨੂੰ ਰਸੋਈ ਦੇ ਕੰਮਕਾਜ ਤੋਂ ਮੁਕਤ ਕਰੋ ਤੇ ਕੁਝ ਵਧੀਆ ਭੋਜਨ ਖੁਦ ਪਕਾਓ। ਯਕੀਨ ਕਰੋ ਕਿ, ਉਹ ਸਾਥੀ ਜੋ ਆਪਣੇ ਮਹਿਲਾ ਪਾਰਟਨਰ ਨੂੰ ਖਾਣਾ ਪਕਾ ਕਿ ਖਵਾਉਂਦੇ ਹਨ ਵਧੇਰੇ ਭਰੋਸੇਯੋਗ ਤੇ ਰੋਮਾਂਟਿਕ ਲੱਗਦੇ ਹਨ।