PM Narendra Modi Viksit Bharat Sampark: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵਲੋਂ 'ਵਿਕਾਸ ਭਾਰਤ ਸੰਪਰਕ' ਮੁਹਿੰਮ ਤਹਿਤ ਲੋਕਾਂ ਦੇ ਨੰਬਰਾਂ ‘ਤੇ ਮੈਸੇਜ ਭੇਜ ਕੇ ਫੀਡਬੈਕ ਮੰਗਣ ਨੂੰ ਲੈਕੇ ਵਿਵਾਦ ਖੜ੍ਹਾ ਹੋ ਗਿਆ ਹੈ।
ਵਿਰੋਧੀ ਪਾਰਟੀ ਦੇ ਆਗੂਆਂ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 'ਤੇ ਸਿਆਸੀ ਪ੍ਰਚਾਰ ਲਈ ਸਰਕਾਰੀ ਡਾਟਾਬੇਸ ਅਤੇ ਮੈਸੇਜਿੰਗ ਐਪਸ ਦੀ ਦੁਰਵਰਤੋਂ ਕਰਨ ਦਾ ਦੋਸ਼ ਲਗਾਇਆ ਹੈ।
ਕੇਰਲ ਕਾਂਗਰਸ ਨੇ ਵਾਟਸਐਪ ਦੀ ਪੇਰੈਂਟ ਕੰਪਨੀ ਮੇਟਾ ਨੂੰ ਐਕਸ (ਪਹਿਲਾਂ ਟਵਿੱਟਰ) 'ਤੇ ਟੈਗ ਕੀਤਾ ਅਤੇ ਵਿਕਾਸਸ਼ੀਲ ਭਾਰਤ ਸੰਪਰਕ ਨਾਮ ਦੇ ਵੈਰੀਫਾਈਡ ਬਿਜ਼ਨਸ ਅਕਾਊਂਟ ਤੋਂ ਆਟੋਮੈਟਿਡ ਮੈਸੇਜ ਦੇ ਬਾਰੇ ਵਿੱਚ ਦੱਸਿਆ।
‘ਇਹ ਸਿਆਸੀ ਪ੍ਰਚਾਰ ਤੋਂ ਇਲਾਵਾ ਕੁੱਝ ਹੋਰ ਨਹੀਂ’
ਮੈਸੇਜ ਵਿੱਚ ਕੇਰਲ ਕਾਂਗਰਸ ਨੇ ਲਿਖਿਆ ਹੈ, “ਇਹ ਮੈਸੇਜ ਲੋਕਾਂ ਤੋਂ ਫੀਡਬੈਕ ਲੈਣ ਦੀ ਗੱਲ ਕਰਦਾ ਹੈ, ਪਰ ਮੈਸੇਜ ਨਾਲ ਜੁੜੀ ਪੀਡੀਐਫ ਸਿਆਸੀ ਪ੍ਰਚਾਰ ਤੋਂ ਇਲਾਵਾ ਕੁਝ ਨਹੀਂ ਹੈ। ਫੀਡਬੈਕ ਦੀ ਆੜ ਵਿੱਚ, ਪੀਐਮ ਮੋਦੀ ਆਉਣ ਵਾਲੀਆਂ ਲੋਕ ਸਭਾ ਚੋਣਾਂ ਲਈ ਆਪਣੀ ਮੁਹਿੰਮ ਦੇ ਹਿੱਸੇ ਵਜੋਂ ਆਪਣੀ ਸਰਕਾਰ ਬਾਰੇ ਸਰਕਾਰੀ ਡੇਟਾਬੇਸ ਦੀ ਦੁਰਵਰਤੋਂ ਕਰ ਰਹੇ ਹਨ।
ਇਹ ਵੀ ਪੜ੍ਹੋ: Gangwar In Punjab: ਆਪਸ 'ਚ ਭਿੜ ਗਏ ਦੋ ਗੈਂਗ! ਇੱਕ ਨੌਜਵਾਨ ਦੀ ਮੌਤ
ਵਾਟਸਐਪ ਨੂੰ ਚੇਤੇ ਕਰਵਾਈ ਕੰਪਨੀ ਦੀ ਪਾਲਿਸੀ
ਕੇਰਲ ਕਾਂਗਰਸ ਨੇ ਵਾਟਸਐਪ ਨੂੰ ਉਸ ਦੀ ਪਾਲਿਸੀ ਦਾ ਇੱਕ ਸਕ੍ਰੀਨਸ਼ਾਟ ਵੀ ਟੈਗ ਕੀਤਾ ਹੈ। ਜਿਸ ਵਿੱਚ ਇਹ ਕਿਹਾ ਗਿਆ ਹੈ ਕਿ ਕੰਪਨੀ ਰਾਜਨੀਤਿਕ ਪਾਰਟੀਆਂ, ਰਾਜਨੇਤਾਵਾਂ, ਸਿਆਸੀ ਉਮੀਦਵਾਰਾਂ ਅਤੇ ਸਿਆਸੀ ਮੁਹਿੰਮਾਂ ਵਲੋਂ ਮੈਸੇਜਿੰਗ ਐਪਸ ਦੀ ਵਰਤੋਂ ਦੀ ਆਗਿਆ ਨਹੀਂ ਦਿੰਦੀ ਹੈ।
ਕਾਂਗਰਸ ਨੇ ਸਵਾਲ ਕੀਤਾ ਹੈ ਕਿ ਜੇਕਰ ਇਹ ਪਾਲਿਸੀ ਹੈ ਤਾਂ ਤੁਸੀਂ ਕਿਸੇ ਸਿਆਸੀ ਆਗੂ ਨੂੰ ਆਪਣੇ ਪਲੇਟਫਾਰਮ 'ਤੇ ਪ੍ਰਚਾਰ ਕਰਨ ਦੀ ਇਜਾਜ਼ਤ ਕਿਵੇਂ ਦਿੰਦੇ ਹੋ? ਕੀ ਭਾਜਪਾ ਲਈ ਤੁਹਾਡੀ ਕੋਈ ਵੱਖਰੀ ਪਾਲਿਸੀ ਹੈ?
ਕੀ ਹੈ ਵਿਵਾਦ ਦਾ ਕਾਰਨ?
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸ਼ੁੱਕਰਵਾਰ ਨੂੰ ਕੇਂਦਰ ਸਰਕਾਰ ਦੇ “ਵਿਕਸਿਤ ਭਾਰਤ” ਏਜੰਡੇ ਨੂੰ ਆਕਾਰ ਦੇਣ ਲਈ ਲੋਕਾਂ ਦੇ ਇੱਕ ਹਿੱਸੇ ਤੋਂ ਸੁਝਾਅ ਮੰਗੇ ਹਨ। ਆਮ ਚੋਣਾਂ ਦੇ ਐਲਾਨ ਦੀ ਪੂਰਵ ਸੰਧਿਆ 'ਤੇ ਜਾਰੀ ਇੱਕ ਪੱਤਰ ਵਿੱਚ ਪ੍ਰਧਾਨ ਮੰਤਰੀ ਨੇ ਕਿਹਾ: "ਮੈਨੂੰ ਤੁਹਾਡੇ ਵਿਚਾਰਾਂ, ਸੁਝਾਵਾਂ ਅਤੇ ਸਮਰਥਨ ਦੀ ਲੋੜ ਹੈ ਕਿਉਂਕਿ ਅਸੀਂ ਇੱਕ ਵਿਕਸਤ ਭਾਰਤ ਦੇ ਨਿਰਮਾਣ ਦੇ ਆਪਣੇ ਸੰਕਲਪ ਨੂੰ ਪੂਰਾ ਕਰਨ ਲਈ ਕੰਮ ਕਰ ਰਹੇ ਹਾਂ।"
ਇਹ ਵੀ ਪੜ੍ਹੋ: Grapes Farming: ਅੰਗੂਰ ਦੀ ਖੇਤੀ ਕਰਕੇ ਕਿਸਾਨ ਕਮਾ ਸਕਦੇ ਚੰਗੇ ਮੁਨਾਫ਼ਾ,ਖੇਤੀ ਕਰਨ ਤੋਂ ਪਹਿਲਾਂ ਕਰ ਲਓ ਮਿੱਟੀ ਦੀ ਜਾਂਚ