ਸੋਸ਼ਲ ਮੀਡੀਆ 'ਤੇ ਆਏ ਦਿਨ ਕੋਈ ਨਾ ਕੋਈ ਫੋਟੋ ਜਾਂ ਵੀਡੀਓ ਵਾਇਰਲ ਹੁੰਦੀ ਹੈ। ਅਜਿਹੇ 'ਚ ਇਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ ਜਿਸ ਨੂੰ ਦੇਖ ਕੇ ਤਹਾਨੂੰ ਗੁੱਸਾ ਆਵੇਗਾ। ਸੋਸ਼ਲ ਮੀਡੀਆ 'ਤੇ ਜੰਮ ਕੇ ਸ਼ੇਅਰ ਕੀਤੇ ਜਾਣ ਵਾਲੇ ਵੀਡੀਓ 'ਚ ਇਕ ਗੋਲਗੱਪੇ ਵਾਲੇ ਨੂੰ ਪਾਣੀ 'ਚ ਪਿਸ਼ਾਪ ਮਿਵਾਉਂਦਿਆਂ ਦੇਖਿਆ ਜਾ ਸਕਦਾ ਹੈ। ਇਹ ਹੈਰਾਨ ਕਰਨ ਵਾਲੀ ਘਟਨਾ ਗੁਹਾਟੀ 'ਚ ਗੋਲਗੱਪੇ ਵਾਲੇ ਦਾ ਮੱਗ 'ਚ ਪਿਸ਼ਾਪ ਕਰਦਿਆਂ ਤੇ ਉਸ ਨੂੰ ਪਾਣੀ 'ਚ ਮਿਲਾਉਂਦਿਆਂ ਵੀਡੀਓ ਵਾਇਰਲ ਹੋ ਰਿਹਾ ਹੈ।
ਮੱਗ 'ਚ ਪਿਸ਼ਾਪ ਕਰਨ ਤੋਂ ਬਾਅਦ ਗੋਲਗੱਪਿਆਂ ਵਾਲੇ ਨੇ ਉਸ ਬਰਤਨ ਦਾ ਇਸਤੇਮਾਲ ਖਾਣਾ ਪਰੋਸਣ ਲਈ ਕੀਤਾ। ਵੀਡੀਓ ਅਪਲੋਡ ਹੁੰਦਿਆਂ ਹੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਿਆ। ਵੀਡੀਓ ਦੇਖ ਕੇ ਹਰ ਕੋਈ ਹੈਰਾਨ ਹੈ ਕਿ ਆਖਿਰ ਉਹ ਏਨਾ ਘਟੀਆ ਕੰਮ ਕਿਉਂ ਕਰ ਰਿਹਾ ਹੈ। ਉਸ ਨੂੰ ਇਸ ਤਰ੍ਹਾਂ ਪਾਣੀ 'ਚ ਪਿਸ਼ਾਪ ਮਿਲਾਉਣ ਦੀ ਕੀ ਲੋੜ ਹੈ।
ਰਿਪੋਰਟਾਂ ਮੁਤਾਬਕ ਇਹ ਵੈਂਡਰ ਗੁਹਾਟੀ ਦੇ ਅਠਗਾਂਵ ਇਲਾਕੇ 'ਚ ਸਟੌਲ ਲਾਉਂਦਾ ਹੈ। ਘਟਨਾ ਦੇ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਣ ਤੋਂ ਬਾਅਦ ਪੁਲਿਸ ਨੇ ਵਿਕਰੇਤਾ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਪੁਲਿਸ ਨੇ ਉਸ ਦੇ ਖਿਲਾਫ ਸਖਤ ਕਾਰਵਾਈ ਦਾ ਭਰੋਸਾ ਦਿੱਤਾ ਹੈ।