GST on CAPF Canteen: ਕੇਂਦਰ ਸਰਕਾਰ ਨੇ ਅਰਧ ਸੈਨਿਕ ਬਲਾਂ ਨੂੰ ਵੱਡਾ ਤੋਹਫਾ ਦਿੱਤਾ ਹੈ। ਹੁਣ ਉਨ੍ਹਾਂ ਨੂੰ ਕੰਟੀਨ ਦੀਆਂ ਚੀਜ਼ਾਂ 'ਤੇ ਸਿਰਫ਼ 50 ਫੀਸਦੀ GST ਦੇਣਾ ਹੋਵੇਗਾ। ਇਸ ਫੈਸਲੇ ਕਾਰਨ ਪੈਰਾ ਮਿਲਟਰੀ ਫੋਰਸ ਦੇ ਜਵਾਨ ਹੁਣ ਕੰਟੀਨ ਤੋਂ ਸਸਤਾ ਸਾਮਾਨ ਲੈ ਸਕਣਗੇ।
ਇਸ ਦਾ ਸਿੱਧਾ ਲਾਭ ਨੀਮ ਫੌਜੀ ਬਲ ਦੇ 11 ਲੱਖ ਤੋਂ ਵੱਧ ਜਵਾਨਾਂ ਨੂੰ ਹੋਵੇਗਾ। ਗ੍ਰਹਿ ਮੰਤਰਾਲੇ ਨੇ CAPF ਕੰਟੀਨ ਯਾਨੀ ਕੇਂਦਰੀ ਪੁਲਿਸ ਕਲਿਆਣ ਭੰਡਾਰ (KPKB) 'ਤੇ ਉਪਲਬਧ ਉਤਪਾਦਾਂ 'ਤੇ 50 ਪ੍ਰਤੀਸ਼ਤ GST ਛੋਟ ਦਿੱਤੀ ਹੈ।
ਗ੍ਰਹਿ ਮੰਤਰਾਲੇ ਨੇ ਸੋਮਵਾਰ ਨੂੰ ਇਸ ਫੈਸਲੇ ਦੀ ਜਾਣਕਾਰੀ ਦਿੰਦੇ ਹੋਏ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ। ਇਸ ਵਿਚ ਦੱਸਿਆ ਗਿਆ ਹੈ ਕਿ ਕੇਂਦਰੀ ਪੁਲਿਸ ਕਲਿਆਣ ਭੰਡਾਰ ਤੋਂ ਸਾਮਾਨ ਦੀ ਖਰੀਦ 'ਤੇ 50 ਫੀਸਦੀ GST 1 ਅਪ੍ਰੈਲ, 2024 ਤੋਂ ਲਾਗੂ ਹੋਵੇਗੀ।
ਇਹ ਸਹਾਇਤਾ ਬਜਟ ਰਾਹੀਂ ਦਿੱਤੀ ਜਾਵੇਗੀ। ਕਨਫੈਡਰੇਸ਼ਨ ਆਫ ਐਕਸ-ਪੈਰਾਮਿਲਟਰੀ ਫੋਰਸਿਜ਼ ਸ਼ਹੀਦ ਵੈਲਫੇਅਰ ਐਸੋਸੀਏਸ਼ਨ ਲੰਬੇ ਸਮੇਂ ਤੋਂ ਇਸ ਲਈ ਆਵਾਜ਼ ਉਠਾ ਰਹੀ ਸੀ। ਐਸੋਸੀਏਸ਼ਨ ਨੇ ਕਈ ਕੇਂਦਰੀ ਮੰਤਰੀਆਂ ਨੂੰ ਮੰਗ ਪੱਤਰ ਵੀ ਸੌਂਪੇ ਸਨ। ਪ੍ਰਧਾਨ ਮੰਤਰੀ ਦਫ਼ਤਰ (ਪੀਐਮਓ) ਨੂੰ ਵੀ ਪੱਤਰ ਭੇਜੇ ਗਏ ਹਨ।
ਐਸੋਸੀਏਸ਼ਨ ਨੇ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਤੋਂ ਮੰਗ ਕੀਤੀ ਸੀ ਕਿ ਉਹ ਅੰਤਰਿਮ ਬਜਟ ਵਿੱਚ ਸੀਏਪੀਐਫ ਕੰਟੀਨ ਉਤਪਾਦਾਂ 'ਤੇ 50 ਪ੍ਰਤੀਸ਼ਤ GST ਛੋਟ ਦਾ ਐਲਾਨ ਕਰੇ। ਕੰਟੀਨਾਂ 'ਤੇ ਲਗਾਏ ਗਏ GST ਕਾਰਨ ਲੱਖਾਂ ਅਰਧ ਸੈਨਿਕ ਪਰਿਵਾਰਾਂ ਦਾ ਬਜਟ ਵਿਗੜ ਜਾਂਦਾ ਹੈ। ਇਸ ਲਈ ਆਰਮੀ ਕੰਟੀਨ ਦੀ ਤਰਜ਼ 'ਤੇ ਸੀਏਪੀਐਫ ਕੰਟੀਨ ਲਈ ਜੀਐਸਟੀ ਵਿੱਚ ਛੋਟ ਦੀ ਮੰਗ ਕੀਤੀ ਜਾ ਰਹੀ ਹੈ।
ਕੇਂਦਰੀ ਪੁਲਿਸ ਕੰਟੀਨ ਦੀ ਸਥਾਪਨਾ ਸਾਲ 2006 ਵਿੱਚ ਅਰਧ ਸੈਨਿਕ ਬਲ ਦੇ ਜਵਾਨਾਂ ਦੀ ਮਦਦ ਲਈ ਕੀਤੀ ਗਈ ਸੀ। ਇਸ ਤੋਂ ਪਹਿਲਾਂ ਫੌਜ ਦੀ CSD ਕੰਟੀਨ ਤੋਂ ਸਾਮਾਨ ਖਰੀਦਿਆ ਜਾਂਦਾ ਸੀ। ਦੇਸ਼ ਭਰ ਵਿੱਚ ਲਗਭਗ 119 ਮਾਸਟਰ ਕੰਟੀਨਾਂ ਅਤੇ 1778 ਸੀਪੀਸੀ ਕੰਟੀਨਾਂ ਹਨ।
ਸੀਪੀਸੀ ਕੰਟੀਨ ਦਾ ਨਾਂ ਬਦਲ ਕੇ ਕੇਂਦਰੀ ਪੁਲੀਸ ਕਲਿਆਣ ਭੰਡਾਰ ਕਰ ਦਿੱਤਾ ਗਿਆ ਹੈ। GST ਲਾਗੂ ਹੋਣ ਤੋਂ ਪਹਿਲਾਂ ਕਈ ਰਾਜਾਂ ਨੇ ਕੰਟੀਨਾਂ ਵਿੱਚ ਉਪਲਬਧ ਵਸਤੂਆਂ 'ਤੇ ਵੈਲਿਊ ਐਡਿਡ ਟੈਕਸ (ਵੈਟ) ਤੋਂ ਛੋਟ ਦਿੱਤੀ ਸੀ। ਪਰ, ਜੀਐਸਟੀ ਲਾਗੂ ਹੋਣ ਤੋਂ ਬਾਅਦ ਕੋਈ ਰਾਹਤ ਨਹੀਂ ਮਿਲੀ।
ABP Sanjha ਦੇ WhatsApp Channel ਨਾਲ ਵੀ ਤੁਸੀਂ ਇਸ ਲਿੰਕ ਰਾਹੀਂ ਜੁੜ ਸਕਦੇ ਹੋ - https://whatsapp.com/channel/0029Va7Nrx00VycFFzHrt01l
Join Our Official Telegram Channel: https://t.me/abpsanjhaofficial