ਮਾਹਿਰਾਂ ਦਾ ਕਹਿਣਾ ਹੈ ਕਿ 2018-19 ਦੀ ਚੌਥੀ ਤਿਮਾਹੀ ‘ਚ ਆਰਥਿਕ ਵਾਧੇ ਦੀ ਦਰ ਪਿਛਲ਼ੇ ਪੰਜ ਸਾਲਾ ‘ਚ ਹੇਠਲੇ ਪੱਥਰ ‘ਤੇ ਆ ਗਈ ਹੈ ਜਿਸ ਕਰਕੇ ਆਰਬੀਆਈ ਵਲੋਂ ਬਿਆਜ਼ ਦਰਾਂ ‘ਚ ਕਮੀ ਕਰਨ ਦੀ ਉਮੀਦ ਆਈ ਹੈ। ਗ੍ਰੋਥ ਰੇਟ ਦੀ ਚਿੰਤਾ ‘ਚ ਕੇਂਦਰੀ ਬੈਂਕ ਵੱਲੋਂ ਦਰਾਂ ‘ਚ ਕਮੀ ਦੀ ਉਮੀਦ ਜਤਾਈ ਜਾ ਰਹੀ ਹੈ।
ਮਾਰਚ ਤਿਮਾਹੀ ‘ਚ ਜੀਡੀਪੀ ਦੀ ਗ੍ਰੋਥ ਰੇਟ ਘੱਟਕੇ 5.8 ਫੀਸਦ ‘ਤੇ ਆ ਗਈ ਹੈ ਜੋ 5 ਸਾਲ ‘ਚ ਸਭ ਤੋਂ ਘੱਟ ਹੈ। ਜਦਕਿ ਅਪ੍ਰੈਲ 'ਚ ਮੁਦਰਾਸਫੀਤੀ ਵਿਚ 2.92 ਫੀਸਦੀ ਵਾਧਾ ਹੋਇਆ ਹੈ। ਰਿਜ਼ਰਵ ਬੈਂਕ ਸਵੇਰੇ 11.45 ਵਜੇ ਰੈਪੋ ਦਰ 'ਤੇ ਆਪਣੇ ਫੈਸਲੇ ਦਾ ਐਲਾਨ ਕਰੇਗਾ।