ਪੀਐਮ ਮੋਦੀ ਦਾ ਇਹ ਸਮਾਗਮ ਇਸਲਈ ਵੀ ਖਾਸ ਹੋ ਗਿਆ ਹੈ ਕਿਉਂਕਿ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੀ ਇਸ ਸਮਾਗਮ ‘ਚ ਮੋਦੀ ਦੇ ਨਾਲ ਮੰਚ ਨੂੰ ਸਾਂਝਾ ਕਰਨਗੇ। ਇਹ ਪਹਿਲਾ ਮੌਕਾ ਹੋਵੇਗਾ ਜਦੋਂ ਅਮਰੀਕਾ ਦਾ ਕੋਈ ਰਾਸ਼ਟਰਪਤੀ ਕਿਸੇ ਦੂਜੇ ਦੇਸ਼ ਦੇ ਭਾਈਚਾਰੇ ਦੇ ਸਮਾਗਮ ‘ਚ ਮੰਚ ਸਾਂਝਾ ਕਰਣਗੇ। ਅਮਰੀਕਾ ਦੇ ਇਤਿਹਾਸ ‘ਚ ਵੀ ਇਹ ਇਤਿਹਾਸਕ ਮੌਕਾ ਹੋਵੇਗਾ।
ਪ੍ਰਧਾਨ ਮੰਤਰੀ ਮੋਦੀ ਦਾ ਅਮਰੀਕਾ ‘ਚ ਭਾਰਤੀ ਭਾਈਚਾਰੇ ਨੂੰ ਸੰਬੋਧਨ ਕਰਨ ਦਾ ਤੀਜਾ ਸਮਾਗਮ ਹੈ। ਸਾਲ 2014 ‘ਚ ਮੋਦੀ ਨੇ ਨਿਊਯਾਰਕ ਦੇ ਮੇਡੀਸਨ ਗਾਰਡਨ ‘ਚ ਸਭ ਤੋਂ ਪਹਿਲਾਂ ਭਾਰਤੀ ਭਾਈਚਾਰੇ ਨੂੰ ਸੰਬੋਧਿਤ ਕੀਤਾ ਸੀ। ਦੂਜੀ ਵਾਰ ਸਿਲੀਕੌਨ ਵੈਲੀ ਦੇ ਸੇਨ ਹੋਜ਼ੇ ‘ਚ ਭਾਰਤੀ ਭਾਈਚਾਰੇ ਦੇ ਵੱਡੇ ਸਮਾਗਮ ਨੂੰ ਸੰਬੋਧਿਤ ਕੀਤਾ ਸੀ। ਇਸ ਸਮਾਗਮ ‘ਚ ਇੱਕ ਦਰਜਨ ਅਮਰੀਕੀ ਸੇਨੇਟਰ ਯਾਨੀ ਅਮਰੀਕੀ ਸਾਂਸਦ ਵੀ ਮੌਜੂਦ ਸੀ।