Mumbai Drugs Case: ਮਹਾਰਾਸ਼ਟਰ ਸਰਕਾਰ ਦੇ ਮੰਤਰੀ ਨਵਾਬ ਮਲਿਕ ਨੇ ਇੱਕ ਵਾਰ ਫਿਰ NCB ਦੇ ਸਮੀਰ ਵਾਨਖੇੜੇ ਦੀ ਇਮਾਨਦਾਰੀ 'ਤੇ ਸਵਾਲ ਚੁੱਕੇ ਹਨ। ਇਸ ਦੇ ਨਾਲ ਹੀ ਉਸ ਨੇ ਸਮੀਰ ਵਾਨਖੇੜੇ 'ਤੇ ਪ੍ਰਾਈਵੇਟ ਆਰਮੀ ਰਾਹੀਂ ਜ਼ਬਰਦਸਤੀ ਵਸੂਲੀ ਕਰਨ ਦਾ ਦੋਸ਼ ਲਾਇਆ। ਨਵਾਬ ਮਲਿਕ ਨੇ ਮੰਗਲਵਾਰ ਨੂੰ ਮਹਾਰਾਸ਼ਟਰ ਦੇ ਸਾਬਕਾ ਗ੍ਰਹਿ ਮੰਤਰੀ ਅਨਿਲ ਦੇਸ਼ਮੁਖ ਦੀ ਗ੍ਰਿਫ਼ਤਾਰੀ 'ਤੇ ਵੀ ਭਾਜਪਾ 'ਤੇ ਨਿਸ਼ਾਨਾ ਸਾਧਿਆ। ਇੱਥੇ ਪੜ੍ਹੋ ਨਵਾਬ ਮਲਿਕ ਦੇ 10 ਵੱਡੇ ਇਲਜ਼ਾਮ :-
- ਸਮੀਰ ਵਾਨਖੇੜੇ 10 ਕਰੋੜ ਦੇ ਕੱਪੜੇ ਪਾਉਂਦੇ ਹਨ। ਉਹ 70 ਹਜ਼ਾਰ ਦੀ ਕਮੀਜ਼ ਅਤੇ 50 ਲੱਖ ਦੀ ਘੜੀ ਪਹਿਣਦੇ ਹਨ। ਉਹ ਹਰ ਰੋਜ਼ ਨਵੇਂ ਕੱਪੜੇ ਪਾਉਂਦੇ ਹਨ। ਵਾਨਖੇੜੇ ਦੇ ਜੁੱਤੇ ਦੀ ਕੀਮਤ 2.5 ਲੱਖ ਰੁਪਏ ਦੇ ਹਨ। ਵਾਨਖੇੜੇ ਦੇ ਕੱਪੜਿਆਂ ਦੀ ਕੀਮਤ ਪੀਐਮ ਮੋਦੀ ਤੋਂ ਵੀ ਮਹਿੰਗੀ ਹੈ।
- ਸਮੀਰ ਵਾਨਖੇੜੇ ਦੇ ਪੇਂਟ ਦੀ ਕੀਮਤ 1 ਲੱਖ ਰੁਪਏ ਹੈ। ਮੈਂ ਇਸ ਗੱਲ 'ਤੇ ਕਾਇਮ ਹਾਂ ਕਿ ਸਮੀਰ ਵਾਨਖੇੜੇ ਨੇ ਰਿਕਵਰੀ ਕੀਤੀ ਹੈ ਅਤੇ ਇਸ ਦੀ ਜਾਂਚ ਹੋਣੀ ਚਾਹੀਦੀ ਹੈ। ਨਸ਼ਿਆਂ ਦੀ ਖੁੱਲ੍ਹੀ ਖੇਡ ਸਿਆਸੀ ਸਰਪ੍ਰਸਤੀ ਤੋਂ ਬਿਨਾਂ ਨਹੀਂ ਚੱਲ ਸਕਦੀ।
- ਜਿਨ੍ਹਾਂ ਨੂੰ ਨਸ਼ੇ ਰੋਕਣ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਸੀ, ਜੇਕਰ ਉਹ ਨਿੱਜੀ ਫ਼ੌਜ ਬਣਾ ਕੇ ਜ਼ਬਰੀ ਵਸੂਲੀ ਦਾ ਕੰਮ ਕਰਦੇ ਹਨ ਤਾਂ ਇਹ ਬਹੁਤ ਖਤਰਨਾਕ ਹੈ।
- ਮਹਾਰਾਸ਼ਟਰ ਦੇ ਸਾਬਕਾ ਗ੍ਰਹਿ ਮੰਤਰੀ ਅਨਿਲ ਦੇਸ਼ਮੁਖ ਨੂੰ ਫਸਾਇਆ ਗਿਆ ਹੈ, ਜਦਕਿ ਦੋਸ਼ ਲਗਾਉਣ ਵਾਲਾ ਫਰਾਰ ਹੈ ਤੇ ਭਾਰਤੀ ਜਨਤਾ ਪਾਰਟੀ ਨੂੰ ਇਸ ਦਾ ਜਵਾਬ ਦੇਣਾ ਹੋਵੇਗਾ। ਇਹ ਸਾਰੀ ਕਾਰਵਾਈ ਸਿਆਸਤ ਤੋਂ ਪ੍ਰੇਰਿਤ ਹੈ। ਧਮਕਾਉਣ ਤੇ ਸ਼ਕਤੀ ਦੀ ਦੁਰਵਰਤੋਂ ਦੀ ਕਾਰਵਾਈ ਹੋਣੀ ਚਾਹੀਦੀ ਹੈ।
- ਜਾਂਚ 'ਚ ਸਹਿਯੋਗ ਕਰਨ ਵਾਲੇ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਭਾਜਪਾ ਨੂੰ ਵੀ ਜਵਾਬ ਦੇਣਾ ਪਵੇਗਾ ਕਿ ਪਰਮਬੀਰ ਸਿੰਘ ਨੂੰ ਕਿਸ ਗੱਲ ਤੋਂ ਬਚਾਇਆ ਗਿਆ, ਕੀ ਝੂਠੇ ਦੋਸ਼ ਲਾਏ ਗਏ। ਉਨ੍ਹਾਂ ਕਿਹਾ ਕਿ ਯੂਪੀ, ਬਿਹਾਰ ਅਤੇ ਉਤਰਾਖੰਡ ਤੋਂ ਹੋ ਕੇ ਨੇਪਾਲ ਜਾਣ ਦੇ ਰਸਤੇ ਹਨ, ਇਨ੍ਹਾਂ ਤਿੰਨਾਂ ਰਾਜਾਂ ਵਿੱਚ ਭਾਜਪਾ ਦੀ ਸਰਕਾਰ ਹੈ।
- ਮੇਰਾ ਅੰਡਰਵਰਲਡ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ। ਮੇਰੇ ਜਵਾਈ ਦੇ ਘਰੋਂ ਕੋਈ ਗਾਂਜਾ ਨਹੀਂ ਮਿਲਿਆ, ਉਸ ਦਾ ਪੰਚਨਾਮਾ ਵੀ ਮੌਜੂਦ ਹੈ।
- ਨਵਾਬ ਮਲਿਕ ਚਾਰਜਸ਼ੀਟ ਨੂੰ ਕਮਜ਼ੋਰ ਕਰਨ ਲਈ ਸਮੀਰ ਵਾਨਖੇੜੇ 'ਤੇ ਹਮਲਾ ਕਰ ਰਿਹਾ ਹੈ, ਫੜਨਵੀਸ ਨੇ ਕਿਹਾ ਸੀ ਜੋ ਕਿ ਬਿਲਕੁਲ ਗਲਤ ਹੈ।
- ਜਦੋਂ ਫੜਨਵੀਸ ਮੁੱਖ ਮੰਤਰੀ ਸਨ ਤਾਂ ਫੋਰ ਸੀਜ਼ਨਜ਼ ਹੋਟਲ ਵਿੱਚ ਪਾਰਟੀਆਂ ਹੁੰਦੀਆਂ ਸਨ। 15-15 ਲੱਖ ਰੁਪਏ 'ਚ ਹੋਟਲ ਬੁੱਕ ਕਰਵਾਏ ਗਏ। ਪਾਰਟੀ 'ਚ ਕੌਣ ਹੁੰਦਾ ਸੀ ਅਤੇ ਜੇਕਰ ਅਸੀਂ ਫੁਟੇਜ ਦਿਖਾਉਂਦੇ ਹਾਂ ਤਾਂ ਫੜਨਵੀਸ ਆਪਣਾ ਚਿਹਰਾ ਨਹੀਂ ਦਿਖਾ ਸਕਣਗੇ।
- ਸਮੀਰ ਵਾਨਖੇੜੇ ਦੁਬਈ ਅਤੇ ਮਾਲਦੀਵ ਵਿੱਚ ਵੱਡੇ ਹੋਏ ਹਨ।
- ਸੈਮ ਡਿਸੂਜ਼ਾ ਨੇ ਆਰੀਅਨ ਖਾਨ ਮਾਮਲੇ 'ਚ ਸਾਡੇ 'ਤੇ ਪੈਸਿਆਂ ਦਾ ਸੌਦਾ ਕਰਨ ਦੇ ਦੋਸ਼ਾਂ ਦੇ ਸੰਦਰਭ 'ਚ ਕੱਲ੍ਹ ਗੱਲਾਂ ਜਨਤਕ ਕੀਤੀਆਂ ਹਨ।
ਇਹ ਵੀ ਪੜ੍ਹੋ: Federal Holiday : ਸੰਸਦ ਮੈਂਬਰ ਕੈਰੋਲਿਨ ਮੈਲੋਨੀ ਅਮਰੀਕਾ ਵਿੱਚ ਦੀਵਾਲੀ ਨੂੰ ਸੰਘੀ ਛੁੱਟੀ ਬਣਾਉਣ ਲਈ ਪੇਸ਼ ਕਰੇਗੀ ਬਿੱਲ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/