ਵਾਸ਼ਿੰਗਟਨ: ਅਮਰੀਕਾ 'ਚ ਰਹਿਣ ਵਾਲੇ ਭਾਰਤੀਆਂ ਨੂੰ ਜਲਦ ਹੀ ਵੱਡਾ ਤੋਹਫਾ ਮਿਲਣ ਵਾਲਾ ਹੈ। ਜੇਕਰ ਸੰਭਵ ਹੋਇਆ ਤਾਂ ਅਮਰੀਕਾ 'ਚ ਦੀਵਾਲੀ ਨੂੰ ਪ੍ਰਸ਼ਾਸਨਿਕ ਛੁੱਟੀ ਐਲਾਨ ਕੀਤਾ ਜਾ ਸਕਦਾ ਹੈ। ਦੱਸ ਦਈਏ ਕਿ ਇਸ ਐਲਾਨ ਦਾ ਭਾਰਤੀਆਂ ਲਈ ਬਹੁਤ ਮਾਅਨੇ ਹੈ। ਹਾਲਾਂਕਿ, ਦੀਵਾਲੀ ਨੂੰ ਪ੍ਰਸ਼ਾਸਨਿਕ ਛੁੱਟੀ ਵਜੋਂ ਮਾਨਤਾ ਬੁੱਧਵਾਰ ਨੂੰ ਪੇਸ਼ ਕੀਤੇ ਜਾਣ ਵਾਲੇ ਬਿੱਲ 'ਤੇ ਨਿਰਭਰ ਕਰਦੀ ਹੈ।
ਦਰਅਸਲ, ਦੀਵਾਲੀ ਨੂੰ ਸੰਘੀ ਛੁੱਟੀ ਐਲਾਨ ਕਰਨ ਵਾਲਾ ਬਿੱਲ ਅਮਰੀਕੀ ਕਾਂਗਰਸ ਦੀ ਮੈਂਬਰ ਕੈਰੋਲਿਨ ਮੈਲੋਨੀ ਵਲੋਂ ਬੁੱਧਵਾਰ ਨੂੰ ਅਮਰੀਕੀ ਕਾਂਗਰਸ ਦੇ ਸਾਹਮਣੇ ਪੇਸ਼ ਕੀਤਾ ਜਾਵੇਗਾ। ਬੁੱਧਵਾਰ ਨੂੰ ਪੇਸ਼ ਕੀਤੇ ਜਾਣ ਵਾਲੇ ਇਸ ਬਿੱਲ ਦੇ ਸਮਰਥਨ 'ਚ ਡੈਮੋਕ੍ਰੇਟਿਕ ਕਾਂਗਰਸ ਦੇ ਮੈਂਬਰਾਂ ਦੇ ਨਾਲ-ਨਾਲ ਇੰਡੀਆ ਕਾਕਸ ਦੇ ਮੈਂਬਰ, ਕਾਂਗਰਸ ਮੈਂਬਰ ਰੋ ਖੰਨਾ, ਰਾਜਾ ਕ੍ਰਿਸ਼ਨਮੂਰਤੀ ਅਤੇ ਹੋਰ ਵਕੀਲ ਵੀ ਸ਼ਾਮਲ ਹੋਣਗੇ।
ਜੇਕਰ ਇਹ ਬਿੱਲ ਮਨਜ਼ੂਰ ਹੋ ਜਾਂਦਾ ਹੈ ਤਾਂ ਅਮਰੀਕਾ ਵਿਚ ਰਹਿੰਦੇ ਭਾਰਤੀਆਂ ਨੂੰ ਦੀਵਾਲੀ ਮਨਾਉਣ ਦਾ ਮੌਕਾ ਮਿਲੇਗਾ ਅਤੇ ਭਾਰਤੀ ਅਮਰੀਕੀਆਂ ਦੀ ਸੱਭਿਆਚਾਰਕ ਵਿਰਾਸਤ ਦਾ ਵੀ ਸਨਮਾਨ ਹੋਵੇਗਾ। ਬਿੱਲ ਨੂੰ ਮਨਜ਼ੂਰੀ ਮਿਲਦੇ ਹੀ ਅਮਰੀਕਾ 'ਚ ਕਈ ਦਫਤਰਾਂ 'ਚ ਦੀਵਾਲੀ 'ਤੇ ਛੁੱਟੀ ਹੋ ਜਾਵੇਗੀ।
ਅਮਰੀਕੀ ਕਾਂਗਰਸ ਮੈਂਬਰ ਕੈਰੋਲਿਨ ਮੈਲੋਨੀ ਲੰਬੇ ਸਮੇਂ ਤੋਂ ਭਾਰਤੀ ਵਕੀਲਾਂ ਨਾਲ ਸਰਗਰਮ ਹੈ। ਉਨ੍ਹਾਂ ਨੇ ਭਾਰਤੀ ਤਿਉਹਾਰ ਦੀਵਾਲੀ ਦੇ ਸਨਮਾਨ ਲਈ ਜਾਰੀ ਕੀਤੀ ਡਾਕ ਟਿਕਟ ਹਾਸਲ ਕੀਤੀ ਸੀ, ਇਹ ਡਾਕ ਟਿਕਟ 2016 ਤੋਂ ਪ੍ਰਚਲਿਤ ਹੈ।
ਅਮਰੀਕਾ 'ਚ ਮੌਜੂਦਾ ਸਮੇਂ 'ਚ ਭਾਰਤੀਆਂ ਦੀ ਭਾਰੀ ਆਬਾਦੀ ਦੇ ਮੱਦੇਨਜ਼ਰ ਸੰਸਦ ਮੈਂਬਰ ਕੈਰੋਲਿਨ ਮੈਲੋਨੀ ਅਮਰੀਕਾ 'ਚ ਦੀਵਾਲੀ ਨੂੰ ਸੰਘੀ ਛੁੱਟੀ ਬਣਾਉਣ ਦੇ ਉਦੇਸ਼ ਨਾਲ ਕਾਂਗਰਸ 'ਚ ਇਕ ਬਿੱਲ ਪੇਸ਼ ਕਰੇਗੀ। ਨਿਊਜ਼ ਏਜੰਸੀ ਏਐਨਆਈ ਦੇ ਅਨੁਸਾਰ, ਨਿਊਯਾਰਕ ਤੋਂ ਡੈਮੋਕਰੇਟ ਕਾਂਗਰਸ ਨੇਤਾ ਬੁੱਧਵਾਰ ਨੂੰ ਕਾਨੂੰਨ ਪੇਸ਼ ਕਰਨ ਲਈ ਜਾਣਗੇ।
ਇਹ ਵੀ ਪੜ੍ਹੋ: Coronavirus Cases Update: ਦੇਸ਼ 'ਚ ਕੋਵਿਡ ਦੇ 10423 ਨਵੇਂ ਕੇਸ ਦਰਜ, ਪਿਛਲੇ 24 ਘੰਟਿਆਂ 'ਚ 443 ਮਰੀਜ਼ਾਂ ਦੀ ਮੌਤ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/