NIA ਨੇ ਸੋਮਵਾਰ (20 ਫਰਵਰੀ) ਨੂੰ ਗੁਜਰਾਤ ਦੇ ਮੁੰਦਰਾ ਪੋਰਟ 'ਤੇ ਕਰੀਬ 3000 ਕਿਲੋਗ੍ਰਾਮ ਹੈਰੋਇਨ ਜ਼ਬਤ ਕਰਨ ਦੇ ਮਾਮਲੇ 'ਚ ਦੂਜੀ ਸਪਲੀਮੈਂਟਰੀ ਚਾਰਜਸ਼ੀਟ ਦਾਇਰ ਕੀਤੀ। ਇਹ ਚਾਰਜਸ਼ੀਟ 22 ਦੋਸ਼ੀਆਂ ਖਿਲਾਫ ਦਾਇਰ ਕੀਤੀ ਗਈ ਹੈ। ਜਿਸ ਵਿੱਚ ਸੱਤ ਅਫਗਾਨ ਨਾਗਰਿਕ ਅਤੇ ਸੱਤ ਕੰਪਨੀਆਂ ਸ਼ਾਮਲ ਹਨ। ਐਨਆਈਏ ਨੇ ਕਿਹਾ ਕਿ ਇਹ ਖੇਪ ਈਰਾਨ ਸਥਿਤ ਅੰਦਾਰ ਅੱਬਾਸ ਰਾਹੀਂ ਅਫਗਾਨਿਸਤਾਨ ਭੇਜੀ ਗਈ ਸੀ। ਐਨਆਈਏ ਨੇ ਕਿਹਾ ਕਿ ਇਹ ਪਾਇਆ ਗਿਆ ਕਿ ਅੰਤਰਰਾਸ਼ਟਰੀ ਵਪਾਰ ਮਾਰਗਾਂ ਰਾਹੀਂ ਅਫਗਾਨਿਸਤਾਨ ਤੋਂ ਭਾਰਤ ਵਿੱਚ ਹੈਰੋਇਨ ਦੀ ਗੈਰ-ਕਾਨੂੰਨੀ ਖੇਪ ਦੀ ਤਸਕਰੀ ਕਰਨ ਦੀ ਇੱਕ ਸੰਗਠਿਤ ਅਪਰਾਧਿਕ ਸਾਜ਼ਿਸ਼ ਹੈ। ਜਾਂਚ ਏਜੰਸੀ ਨੇ ਕਿਹਾ ਕਿ ਜਾਂਚ 'ਚ ਪਾਇਆ ਗਿਆ ਹੈ ਕਿ ਇਹ ਪੈਸਾ ਹੈਰੋਇਨ ਵੇਚ ਕੇ ਇਕੱਠਾ ਕੀਤਾ ਗਿਆ ਸੀ ਜੋ ਲਸ਼ਕਰ-ਏ-ਤੋਇਬਾ ਦੇ ਮੈਂਬਰਾਂ ਨੂੰ ਭਾਰਤ 'ਚ ਅੱਤਵਾਦੀ ਗਤੀਵਿਧੀਆਂ ਨੂੰ ਉਤਸ਼ਾਹਿਤ ਕਰਨ ਲਈ ਮੁਹੱਈਆ ਕਰਵਾਈ ਜਾਂਦੀ ਸੀ।
NIA ਨੇ ਚਾਰਜਸ਼ੀਟ 'ਚ ਕੀ ਕਿਹਾ?
ਏਜੰਸੀ ਨੇ ਕਿਹਾ ਕਿ ਹਰਪ੍ਰੀਤ ਸਿੰਘ ਉਰਫ਼ ਕਬੀਰ ਤਲਵਾਰ, ਵਾਈਟ ਕਲੱਬ (ਪਹਿਲਾਂ ਪਲੇਬੁਆਏ ਵਜੋਂ ਜਾਣਿਆ ਜਾਂਦਾ ਸੀ), ਜਜ਼ਬਾ ਅਤੇ ਆਰਐਸਵੀਪੀ ਸਮੇਤ ਦਿੱਲੀ ਦੇ ਪ੍ਰਸਿੱਧ ਨਾਈਟ ਕਲੱਬਾਂ ਦਾ ਮਾਲਕ, ਜਿਸ ਨੂੰ ਪਿਛਲੇ ਸਾਲ ਅਗਸਤ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸੀ। ਉਹ ਭਾਰਤ ਵਿੱਚ ਅਫਗਾਨ ਹੈਰੋਇਨ ਦੀ ਤਸਕਰੀ ਦੇ ਲਈ ਕਮਰਸ਼ੀਅਲ ਟ੍ਰੇਡ ਰੂਟ ਦੀ ਗਲਤ ਤਰੀਕੇ ਨਾਲ ਵਰਤੋਂ ਕਰਨ ਲਈ ਦੁਬਈ ਗਿਆ ਸੀ। ਐਨਆਈਏ ਦੇ ਬੁਲਾਰੇ ਨੇ ਕਿਹਾ ਕਿ ਉਹ ਨਵੀਂ ਦਿੱਲੀ ਵਿੱਚ ਕਈ ਕਾਰੋਬਾਰਾਂ ਜਿਵੇਂ ਕਿ ਕਲੱਬ, ਰਿਟੇਲ ਸ਼ੋਅਰੂਮ ਅਤੇ ਆਯਾਤ ਕੰਪਨੀਆਂ ਵਿੱਚ ਸ਼ਾਮਲ ਸੀ।
ਤਲਵਾਰ ਨੇ ਇਹ ਕੰਪਨੀਆਂ ਆਪਣੇ ਕਰਮਚਾਰੀਆਂ, ਦੋਸਤਾਂ ਅਤੇ ਰਿਸ਼ਤੇਦਾਰਾਂ ਦੇ ਨਾਂ 'ਤੇ ਖੋਲ੍ਹੀਆਂ ਹਨ, ਪਰ ਉਹ ਇਨ੍ਹਾਂ ਨੂੰ ਇਕੱਲਾ ਹੀ ਚਲਾਉਂਦਾ ਹੈ। ਇਨ੍ਹਾਂ ਕੰਪਨੀਆਂ ਦੀ ਵਰਤੋਂ ਨਸ਼ੀਲੇ ਪਦਾਰਥਾਂ ਅਤੇ ਪਾਬੰਦੀਸ਼ੁਦਾ ਵਸਤੂਆਂ ਦੀ ਦਰਾਮਦ ਲਈ ਕੀਤੀ ਜਾਂਦੀ ਸੀ। ਐਨਆਈਏ ਨੇ ਕਿਹਾ ਕਿ ਮੈਸਰਜ਼ ਮੈਗੇਂਟ ਇੰਡੀਆ ਸਮੇਤ ਦਰਜਨ ਤੋਂ ਵੱਧ ਅਜਿਹੀਆਂ ਕੰਪਨੀਆਂ ਦੀ ਪਛਾਣ ਕੀਤੀ ਗਈ ਹੈ ਅਤੇ ਜਾਂਚ ਕੀਤੀ ਗਈ ਹੈ, ਜਿਨ੍ਹਾਂ ਦਾ ਨਾਮ ਚਾਰਜਸ਼ੀਟ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਇਹ ਕੰਪਨੀ ਅਫਗਾਨਿਸਤਾਨ ਤੋਂ ਭਾਰਤ ਵਿੱਚ ਅਰਧ-ਪ੍ਰੋਸੈਸਡ ਸਿਲਖੜੀ ਪੱਥਰ ਦੀ ਦਰਾਮਦ ਦੀ ਆੜ ਵਿੱਚ ਹੈਰੋਇਨ ਦੀ ਦਰਾਮਦ ਕਰਨ ਵਿੱਚ ਸ਼ਾਮਲ ਸੀ।
ਇਹ ਵੀ ਪੜ੍ਹੋ: Air India Flight: ਏਅਰ ਇੰਡੀਆ ਦੀ ਨਿਊਯਾਰਕ-ਦਿੱਲੀ ਫਲਾਈਟ ਨੂੰ ਲੰਡਨ ਵੱਲ ਕੀਤਾ ਗਿਆ ਡਾਇਵਰਟ, ਮੈਡੀਕਲ ਐਮਰਜੈਂਸੀ ਤੋਂ ਬਾਅਦ ਫੈਸਲਾ
ਚਾਰਜਸ਼ੀਟ 'ਚ ਇਨ੍ਹਾਂ ਲੋਕਾਂ ਦੇ ਨਾਂ ਸ਼ਾਮਲ
ਤਲਵਾਰ ਤੋਂ ਇਲਾਵਾ ਹੋਰ ਸਪਲੀਮੈਂਟਰੀ ਚਾਰਜਸ਼ੀਟ 'ਚ ਰਾਹ ਮਤੁੱਲਾਹ ਕੱਕੜ, ਸ਼ਾਹੀਨਸ਼ਾਹ ਜ਼ਹੀਰ, ਫਰੀਦੂਨ ਅਮਾਨੀ ਉਰਫ ਜਾਵੇਦ ਅਮਾਨੀ, ਅਬਦੁਲ ਸਲਾਮ ਨੂਰਜਈ, ਮੁਹੰਮਦ ਹੁਸੈਨ ਦਾਦ ਅਤੇ ਮੁਹੰਮਦ ਹਸਨ ਸ਼ਾਹ ਦੇ ਨਾਂ ਸ਼ਾਮਲ ਹਨ ਅਤੇ ਇਹ ਸਾਰੇ ਅਫਗਾਨਿਸਤਾਨ ਦੇ ਨਿਵਾਸੀ ਹਨ। ਹੋਰ ਮੁਲਜ਼ਮਾਂ ਵਿੱਚ ਕਸ਼ਮੀਰ ਦੇ ਉਰੀ (ਮੌਜੂਦਾ ਸਮੇਂ ਵਿੱਚ ਪਾਕਿਸਤਾਨ ਦੇ ਕਬਜ਼ੇ ਵਾਲੇ ਕਸ਼ਮੀਰ ਵਿੱਚ) ਦਾ ਵਸਨੀਕ ਮੁਹੰਮਦ ਇਕਬਾਲ ਅਵਾਨ, ਦਿੱਲੀ ਦਾ ਵਿਤਿਆਸ਼ ਕੋਸਰ ਉਰਫ਼ ਰਾਜੂ ਦੁਬਈ ਅਤੇ ਜਸਬੀਰ ਸਿੰਘ, ਹਰਿਆਣਾ ਦਾ ਇਸ਼ਵਿੰਦਰ ਸਿੰਘ, ਪੱਛਮੀ ਬੰਗਾਲ ਦਾ ਸੁਸ਼ਾਂਤ ਸਰਕਾਰ ਅਤੇ ਮਚਾਵਰਮ ਸੁਧਾਕਰ ਅਤੇ ਰਾਜਕੁਮਾਰ ਪੇਰੂਲਮ ਸ਼ਾਮਲ ਹਨ।
ਐਨਆਈਏ ਦੇ ਬੁਲਾਰੇ ਨੇ ਕਿਹਾ ਕਿ ਭਾਰਤ ਆਧਾਰਿਤ ਕੰਪਨੀਆਂ ਆਸ਼ੀ ਟਰੇਡਿੰਗ ਕੰਪਨੀ, ਮੈਸਰਜ਼ ਜੀਸਸ ਕ੍ਰਾਈਸਟ ਇੰਪੈਕਸ, ਮੈਗੈਂਟ ਇੰਡੀਆ, ਮੈਸਰਜ਼ ਵੀ/ਕੇ ਇੰਟਰਪ੍ਰਾਈਜਿਜ਼ ਅਤੇ ਮੈਸਰਜ਼ ਵਿਓਮ ਫੈਸ਼ਨ ਨੂੰ ਚਾਰਜਸ਼ੀਟ ਵਿੱਚ ਨਾਮਜ਼ਦ ਕੀਤਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਇਸੇ ਤਰ੍ਹਾਂ ਅਫਗਾਨਿਸਤਾਨ ਦੀਆਂ ਕਈ ਕੰਪਨੀਆਂ ਦੇ ਨਾਂ ਇਸ ਵਿੱਚ ਹਨ।
ਸਤੰਬਰ 2021 ਵਿੱਚ ਫੜੀ ਗਈ ਸੀ ਹੈਰੋਇਨ ਦੀ ਖੇਪ
ਐਨਆਈਏ ਨੇ ਪਿਛਲੇ ਸਾਲ 14 ਮਾਰਚ ਨੂੰ ਇਸ ਮਾਮਲੇ ਵਿੱਚ 16 ਵਿਅਕਤੀਆਂ ਖ਼ਿਲਾਫ਼ ਚਾਰਜਸ਼ੀਟ ਦਾਖ਼ਲ ਕੀਤੀ ਸੀ। ਇਸ ਤੋਂ ਬਾਅਦ 29 ਅਗਸਤ 2022 ਨੂੰ 9 ਨੌਂ ਦੋਸ਼ੀਆਂ ਖਿਲਾਫ ਪਹਿਲੀ ਸਪਲੀਮੈਂਟਰੀ ਚਾਰਜਸ਼ੀਟ ਦਾਇਰ ਕੀਤੀ ਗਈ ਸੀ। 13 ਸਤੰਬਰ, 2021 ਨੂੰ ਮੁੰਦਰਾ ਫੋਰਟ (Mundra fort) 'ਤੇ 2,988 ਕਿਲੋ ਅਫਗਾਨ ਹੈਰੋਇਨ ਦੀ ਖੇਪ ਜ਼ਬਤ ਕੀਤੀ ਗਈ ਸੀ।
ਇਹ ਵੀ ਪੜ੍ਹੋ: ਦਿੱਲੀ ਦੇ ਹਸਪਤਾਲ ਦਾ ਸ਼ਰਮਨਾਕ ਵੀਡੀਓ ਹੋਇਆ ਵਾਇਰਲ, ਜ਼ਿੰਦਾ ਬੱਚੀ ਨੂੰ ਡੱਬੇ 'ਚ ਪੈਕ ਕਰ ਭੇਜਿਆ!