ਨਵੀਂ ਦਿੱਲੀ: ਭਾਰਤੀ ਹਵਾਈ ਫ਼ੌਜ ਦੇ ਵਿੰਗ ਕਮਾਂਡਰ ਅਭਿਨੰਦਨ ਵਰਤਮਾਨ ਦਾ ਪਿਸਤੌਲ ਪਾਕਿਸਤਾਨ ਨੇ ‘ਦੱਬ’ ਲਿਆ ਹੈ। ਪਾਕਿਸਤਾਨ ਨੇ ਪਾਇਲਟ ਨੂੰ ਸ਼ੁੱਕਰਵਾਰ ਦੇਰ ਸ਼ਾਮ ਭਾਰਤ ਹਵਾਲੇ ਕੀਤਾ ਸੀ, ਪਰ ਉਦੋਂ ਉਸ ਦਾ ਸਰਕਾਰੀ ਪਿਸਤੌਲ ਵਾਪਸ ਨਹੀਂ ਕੀਤਾ ਗਿਆ।
ਅਭਿਨੰਦਨ ਦੇ ਹੋਰ ਦਸਤਾਵੇਜ਼ ਜਿਵੇਂ ਘੜੀ, ਮੁੰਦਰੀ ਤੇ ਐਨਕਾਂ ਤਾਂ ਵਾਪਸ ਕਰ ਦਿੱਤੀਆਂ ਪਰ ਉਸ ਦਾ ਪਿਸਤੌਲ ਉਸ ਨੂੰ ਜਾਂ ਕਿਸੇ ਵੀ ਭਾਰਤੀ ਅਧਿਕਾਰੀ ਨੂੰ ਨਹੀਂ ਸੌਂਪਿਆ ਗਿਆ। ਇਹ ਸਭ ਪਾਇਲਟ ਦੇ ਸਪੁਰਦਗੀ ਪੱਤਰ ‘ਤੇ ਦਰਜ ਹੈ।
ਬੀਤੀ 27 ਫਰਵਰੀ ਨੂੰ ਵਿੰਗ ਕਮਾਂਡਰ ਦਾ ਮਿੱਗ-21 ਕ੍ਰੈਸ਼ ਹੋ ਗਿਆ ਸੀ ਤੇ ਉਹ ਪੈਰਾਸ਼ੂਟ ਰਾਹੀਂ ਪਾਕਿਸਤਾਨ ਵਾਲੇ ਪਾਸੇ ਡਿੱਗ ਗਏ ਸਨ। ਉਸ ਸਮੇਂ ਅਭਿਨੰਦਨ ਕੋਲ ਪਿਸਤੌਲ, ਜੀਊਂਦੇ ਰਹਿਣ ਲਈ ਲੋੜੀਂਦੀ ਸਮੱਗਰੀ ਤੇ ਕੁਝ ਗੁਪਤ ਦਸਤਾਵੇਜ਼ ਮੌਜੂਦ ਸਨ।