ਮੀਡੀਆ ਰਿਪੋਰਟਾਂ ਮੁਤਾਬਕ ਪਾਕਿਸਤਾਨ ਵੱਲੋਂ ਕੀਤੀ ਫਾਇਰਿੰਗ ਦੌਰਾਨ ਅੱਠ ਲੋਕ ਮਾਰੇ ਗਏ ਤੇ ਕਈ ਜ਼ਖ਼ਮੀ ਹੋ ਗਏ। ਭਾਰਤ ਨੇ ਦਾਅਵਾ ਕੀਤਾ ਹੈ ਕਿ ਬੀ.ਐਸ.ਐਫ. ਵੱਲੋਂ ਕੀਤੀ ਜਵਾਬੀ ਕਾਰਵਾਈ ਵਿੱਚ 14 ਪਾਕਿ ਚੌਕੀਆਂ ਤਬਾਹ ਹੋ ਗਈਆਂ ਹਨ। ਭਾਰਤ ਨੇ ਦੋ ਰੇਂਜਰਾਂ ਨੂੰ ਵੀ ਮਾਰਨ ਦਾ ਦਾਅਵਾ ਕੀਤਾ ਹੈ।
ਮਿਲੀ ਜਾਣਕਾਰੀ ਮੁਤਾਬਕ ਫਾਇਰਿੰਗ ਦੌਰਾਨ ਰਾਜੌਰੀ ਵਿੱਚ ਸੱਸ ਤੇ ਨੂੰਹ ਦੀ ਮੌਤ ਹੋ ਗਈ। ਪਾਕਿ ਰੇਂਜ਼ਰਾਂ ਨੇ ਰਾਜੌਰੀ ਦੇ ਮੰਜਾਕੋਟ ਸੈਕਟਰ ਦੇ ਨਿਆਕਾ ਨੂੰ ਨਿਸ਼ਾਨਾ ਬਣਾਇਆ। ਇੱਕ ਮੋਰਟਾਰ ਗੋਲਾ ਸੁਲਤਾਨ ਬੇਗਮ ਤੇ ਮਕਬੂਲ ਬੇਗਮ 'ਤੇ ਆ ਡਿੱਗਿਆ। ਉਨ੍ਹਾਂ ਦੋਹਾਂ ਦੀ ਮੌਤ ਹੋ ਗਈ। ਇਸੇ ਤਰ੍ਹਾਂ ਸਾਂਬਾ ਸੈਕਟਰ ਵਿੱਚ 19 ਸਾਲ ਦੀ ਰਾਜਿੰਦਰ ਕੌਰ ਦੀ ਵੀ ਫਾਇਰਿੰਗ ਦੌਰਾਨ ਮੌਤ ਹੋ ਗਈ।