ਸੂਤਰਾਂ ਮੁਤਾਬਕ, ਇਸ ਘਟਨਾ ਦੇ ਸਾਹਮਣੇ ਆਉਂਦੇ ਹੀ ਨਾਰਥ ਡਿਸਟ੍ਰਿਕਟ ਪੁਲਿਸ ਨਾਲ ਸਪੈਸ਼ਲ ਸਟਾਫ, ਕ੍ਰਾਈਮ ਬ੍ਰਾਂਚ, ਸਪੈਸ਼ਲ ਸੈੱਲ ਵੀ ਇਸ ਕੰਮ ‘ਚ ਮੁਲਜ਼ਮਾਂ ਦੀ ਭਾਲ ਕਰਨ ‘ਚ ਲੱਗੀ ਸੀ ਕਿਉਂਕਿ ਇਸ ਹਾਈ ਪ੍ਰੋਫਾਈਲ ਕੇਸ ‘ਚ ਜਿਹੜੀ ਵੀ ਯੂਨਿਟ ਕਾਮਯਾਬ ਹੁੰਦੀ, ਉਸ ਨੂੰ ਸ਼ਾਬਾਸ਼ੀ ਮਿਲਣੀ ਤਾਂ ਲਾਜ਼ਮੀ ਸੀ।
ਨਾਰਥ ਡਿਸਟ੍ਰਿਕਟ ਜਿੱਥੇ ਇਹ ਘਟਨਾ ਹੋਈ ਹੈ, ਉੱਥੇ ਪੂਰੀ ਫੋਰਸ ਨੂੰ ਬਦਮਾਸ਼ਾਂ ਦੀ ਤਲਾਸ਼ ‘ਚ ਲਾ ਦਿੱਤਾ ਗਿਆ ਸੀ। ਇਸ ਮਾਮਲੇ ‘ਚ 20 ਟੀਮਾਂ ਬਣਾਈਆਂ ਗਈ, ਕਈ ਵ੍ਹੱਟਸਐਪ ਗਰੁੱਪ ਬਣਾਏ ਗਏ ਜਿਨ੍ਹਾਂ ‘ਚ ਸੀਸੀਟੀਵੀ ਫੁਟੇਜ ਪੁਲਿਸ ਕਰਮੀਆਂ ਨੂੰ ਸ਼ੇਅਰ ਕੀਤੀ ਗਈ। ਇਸ ਤਰ੍ਹਾਂ ਸੈਂਕੜੇ ਪੁਲਿਸ ਮੁਲਾਜ਼ਮ ਇਸ ਮਾਮਲੇ ਨੂੰ ਸੁਲਝਾਉਣ ‘ਚ ਲਾਏ ਗਏ।
ਸੀਸੀਟੀਵ ਦੇ ਆਧਾਰ ‘ਤੇ ਦੋਵਾਂ ਬਦਮਾਸ਼ਾਂ ਦੀ ਪਛਾਣ ਹੋ ਗਈ ਸੀ। ਪੁਲਿਸ ਅਧਿਕਾਰੀ ਮੋਨਿਕਾ ਨੇ ਦੱਸਿਆ ਕਿ 21 ਸਾਲ ਦੇ ਗੌਰਵ ਤੇ 22 ਸਾਲ ਦੇ ਸ਼ਾਮ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।