ਸ਼ਾਹਜਹਾਨਪੁਰ ਰੇਲਵੇ ਥਾਣੇ ਦੇ ਇੰਚਾਰਜ ਏਕੇ ਪਾਂਡੇ ਨੇ ਦੱਸਿਆ ਕਿ ਚਿਨਤ ਦੇਵੀ (45) ਆਪਣੇ ਪਰਿਵਾਰ ਸਮੇਤ ਜਨਰਲ ਡੱਬੇ ’ਚ ਸਫਰ ਕਰ ਰਹੀ ਸੀ। ਉਸ ਨੇ ਆਪਣੇ ਨਾਲ ਸਫਰ ਕਰ ਰਹੇ ਸੋਨੂ ਯਾਦਵ ਨਾਂ ਦੇ ਵਿਅਕਤੀ ਨੂੰ ਸਿਗਰਟ ਪੀਣ ਤੋਂ ਰੋਕਿਆ।
ਗੁੱਸੇ ਵਿੱਚ ਆਏ ਮੁਲਜ਼ਮ ਨੇ ਮਹਿਲਾ ਨੂੰ ਧੱਕਾ ਦੇ ਦਿੱਤਾ ਤੇ ਉਸ ’ਤੇ ਬੈਠ ਗਿਆ। ਇਸ ਖਿੱਚ-ਧੂਹ ਵਿੱਚ ਔਰਤ ਦੀ ਹਾਲਤ ਵਿਗੜ ਗਏ। ਸਟੇਸ਼ਨ ’ਤੇ ਰੇਲ ਰੁਕਣ ਮਗਰੋਂ ਮਹਿਲਾ ਨੂੰ ਹਸਪਤਾਲ ਲਿਜਾਇਆ ਗਿਆ ਜਿੱਥੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ। ਬਾਅਦ ਵਿੱਚ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ।