ਪੁੱਤ ਨੇ ਇਹ ਲਿਖ ਕੇ ਦੇ ਦਿੱਤਾ ਕਿ ਪੀਪੀਈ ਕਿੱਟ ਪਹਿਣਨੀ ਤੇ ਉਤਾਰਨੀ ਨਹੀਂ ਆਉਂਦੀ। ਪਤੀ ਨੂੰ ਗਵਾ ਚੁੱਕੀ ਮਾਂ ਨੇ ਵੀ ਪੁੱਤ ਦਾ ਫ਼ਿਕਰ ਕਰਦਿਆਂ ਅਫ਼ਸਰਾਂ ਨੂੰ ਕਹਿ ਦਿੱਤਾ ਤਹਾਨੂੰ ਸਭ ਕੁਝ ਆਉਂਦਾ ਹੈ ਤੁਸੀਂ ਵੀ ਮੇਰੇ ਪੁੱਤ ਹੋ। ਨਤੀਜਾ ਉੱਥੋਂ ਦੇ ਤਹਿਸੀਲਦਾਰ ਗੁਲਾਬ ਸਿੰਘ ਬਘੇਲ ਨੇ ਅੰਤਿਮ ਸਸਕਾਰ ਕੀਤਾ।
ਮ੍ਰਿਤਕ ਦਾ ਪਰਿਵਾਰ 50 ਮੀਟਰ ਦੂਰ ਤੋਂ ਹੀ ਸਸਕਾਰ ਦੇਖਦਾ ਰਿਹਾ। ਕੋਰੋਨਾ ਕਾਰਨ ਰਿਸ਼ਤਿਆਂ 'ਚ ਪਈ ਦੂਰੀ ਦੀ ਇਹ ਕਹਾਣੀ ਸ਼ੁਜਾਲਪੁਰ ਦੇ ਰਹਿਣ ਵਾਲੇ ਵਿਅਕਤੀ ਦੀ ਹੈ। ਹਾਲਾਂਕਿ ਇਹ ਅਜਿਹਾ ਪਹਿਲਾ ਮਾਮਲਾ ਨਹੀਂ ਹੈ ਇਸ ਤੋਂ ਪਹਿਲਾਂ ਵੀ ਅਕਸਰ ਅਜਿਹੇ ਮਾਮਲੇ ਸਾਹਮਣੇ ਆ ਚੁੱਕੇ ਹਨ ਜਿੱਥੇ ਕੋਰੋਨਾ ਵਾਇਰਸ ਕਾਰਨ ਜਾਨ ਗਵਾ ਚੁੱਕੇ ਲੋਕਾਂ ਦੇ ਆਪਣਿਆਂ ਨੇ ਵੀ ਜ਼ਿੰਦਗੀ ਦੇ ਨਾਲ ਉਨ੍ਹਾਂ ਤੋਂ ਮੂੰਹ ਫੇਰ ਲਿਆ।