ਸਰਕਾਰ ਬਣਨ ਤੋਂ ਪਹਿਲਾਂ ਹੀ ਜੇਜੇਪੀ ‘ਚ ਉੱਠੇ ਬਗਾਵਤੀ ਸੁਰ, ਤੇਜ ਬਹਾਦੁਰ ਨੇ ਕੀਤਾ ਵੱਡਾ ਐਲਾਨ

ਨਨਾਇਕ ਪਾਰਟੀ ਦੇ ਉਮੀਦਵਾਰ ਤੇਜ ਬਹਾਦੁਰ ਇਸ ਹਰਿਆਣਾ ਚੋਣਾਂ ‘ਚ ਸੀਐਮ ਮਨੋਹਰ ਲਾਲ ਖੱਟਰ ਦੇ ਖਿਲਾਫ ਚੋਣ ਲੜ ਰਹੇ ਸੀ ਜਿੱਥੇ ਉਨ੍ਹਾਂ ਨੇ ਹਾਰ ਦਾ ਸਾਹਮਣਾ ਕੀਤਾ। ਪਰ ਹੁਣ ਉਨ੍ਹਾਂ ਨੇ ਵੱਡਾ ਐਲਾਨ ਕੀਤਾ ਹੈ ਕਿ ਪਾਰਟੀ ਦਾ ਸਾਥ ਛੱਡ ਰਹੇ ਹਨ।

ਨਵੀਂ ਦਿੱਲੀ: ਜਨਨਾਇਕ ਪਾਰਟੀ ਦੇ ਉਮੀਦਵਾਰ ਤੇਜ ਬਹਾਦੁਰ ਇਸ ਹਰਿਆਣਾ ਚੋਣਾਂ ‘ਚ ਸੀਐਮ ਮਨੋਹਰ ਲਾਲ ਖੱਟਰ ਦੇ ਖਿਲਾਫ ਚੋਣ ਲੜ ਰਹੇ ਸੀ ਜਿੱਥੇ ਉਨ੍ਹਾਂ ਨੇ ਹਾਰ ਦਾ ਸਾਹਮਣਾ ਕੀਤਾ। ਪਰ ਹੁਣ ਉਨ੍ਹਾਂ ਨੇ ਵੱਡਾ ਐਲਾਨ ਕੀਤਾ ਹੈ ਕਿ ਪਾਰਟੀ ਦਾ ਸਾਥ ਛੱਡ ਰਹੇ ਹਨ। ਜਿਸ ਦਾ ਕਾਰਨ ਜੇਜੇਪੀ ਦਾ ਬੀਜੇਪੀ ਨੂੰ ਸਮਰੱਥਨ ਦੇਣਾ ਹੈ। ਤੇਜ ਬਹਾਦੁਰ ਸਤੰਬਰ ਮਹੀਨੇ ‘ਚ ਦੁਸ਼ਿਅੰਤ ਚੌਟਾਲਾ ਦੀ ਮੌਜੂਦਗੀ ‘ਚ ਜੇਜੇਪੀ ‘ਚ ਸ਼ਾਮਲ ਹੋਏ ਸੀ।

ਇਸ ਦੇ ਨਾਲ ਹੀ ਤੇਜ ਬਹਾਦੁਰ ਨੇ ਕਿਹਾ ਕਿ ਦੁਸ਼ਿਅੰਤ ਚੌਟਾਲਾ ਨੇ ਹਰਿਆਣਾ ਦੀ ਜਨਤਾ ਨੂੰ ਧੋਖਾ ਦਿੱਤਾ ਹੈ। ਉਸ ਨੇ ਕਿਹਾ ਕਿ ਇਹ ਉਹੀ ਪਾਰਟੀ ਹੈ ਜਿਸ ਨੂੰ ਜਨਤਾ ਨੇ ਨਕਾਰਿਆ ਸੀ ਅਤੇ ਅੱਜ ਜਦੋਂ ਦੋਵੇਂ ਪਾਰਟੀਆਂ ਇੱਕ ਹੋ ਗਈਆਂ ਹਨ ਤਾਂ ਅਜਿਹੇ ‘ਚ ਜਨਤਾ ਨੂੰ ਦੋਵਾਂ ਦਾ ਵਿਰੋਧ ਕਰਨਾ ਚਾਹਿਦਾ ਹੈ।

ਜੇਜੇਪੀ ਵੱਲੋਂ ਬੀਜੇਪੀ ਦਾ ਸਾਥ ਦੇਣ ਤੋਂ ਨਾਰਾਜ਼ ਤੇਜ ਬਹਾਦੁਰ ਨੇ ਐਲਾਨ ਕੀਤਾ ਹੈ ਕਿ ਜਲਦੀ ਹੀ ਉਹ ਖਾਪ ਪੰਚਾਇਤਾਂ ਨਾਲ ਮਿਲਕੇ ਕਿਸੇ ਵੱਡੇ ਅੰਦੋਲਨ ਦੀ ਸ਼ੁਰੂਆਤ ਕਰਨਗੇ। ਚੋਣਾਂ ‘ਚ ਜੇਜੇਪੀ ਨੇ 10 ਸੀਟਾਂ ‘ਤੇ ਜਿੱਤ ਹਾਸਲ ਕੀਤੀ ਹੈ।