ਵਾਰੰਗਲ: ਤਿਲੰਗਾਨਾ ਦੇ ਵਾਰੰਗਲ 'ਚ ਧਰਮ ਸਾਗਰ ਝੀਲ ਦੇ ਪੱਥਰ 'ਤੇ ਸੈਲਫੀ ਲੈ ਰਹੀ ਵਿਦਿਆਰਥਣ ਦਾ ਪੈਰ ਤਿਲਕ ਗਿਆ ਜਿਸ ਕਾਰਨ ਉਹ ਪਾਣੀ 'ਚ ਡੁੱਬਣ ਲੱਗੀ, ਉਸ ਦੀ ਆਵਾਜ਼ ਸੁਣਕੇ ਇੰਜੀਨੀਅਰਿੰਗ ਦੇ 5 ਵਿਦਿਆਰਥੀਆਂ ਨੇ ਪਾਣੀ 'ਚ ਛਾਲ ਮਾਰ ਦਿੱਤੀ ਪਰ ਵਿਦਿਆਰਥਣ ਨੂੰ ਬਚਾਉਣ ਦੇ ਚੱਕਰ 'ਚ ਪੰਜਾਂ ਵਿਦਿਆਰਥੀਆਂ ਦੀ ਪਾਣੀ 'ਚ ਡੁੱਬਣ ਕਾਰਨ ਮੌਤ ਹੋ ਗਈ।
ਇਸ ਘਟਨਾ ਤੋਂ ਬਾਅਦ ਇਲਾਕੇ 'ਚ ਭਾਰੀ ਸੋਗ ਹੈ ਤੇ ਕਾਲਜ ਦੀ ਮੈਨੇਜਮੈਂਟ ਵੱਲੋਂਕੁਝ ਦਿਨਾਂ ਲਈ ਕਾਲਜ ਬੰਦ ਰੱਖਣ ਦਾ ਫੈਸਲਾ ਲਿਆ ਗਿਆ ਹੈ। ਵਿਦਿਆਰਥੀਆਂ
ਦੇ ਮਾਪੇ ਭਾਰੀ ਦੁੱਖ ਦੀ ਘੜੀ 'ਚੋਂ ਗੁਜ਼ਰ ਰਹੇ ਹਨ।
ਪੁਲਿਸ ਨੇ ਵਿਦਿਆਰਥੀਆਂ ਦਾ ਲਾਸ਼ਾਂ 'ਚ ਪੋਸਟਮਾਰਟਮ ਕਰਵਾ ਕੇ ਲਾਸ਼ਾਂ ਮਾਪਿਆਂ ਨੂੰ ਸੌਂਪ ਦਿੱਤੀਆਂ ਹਨ। ਤਿੰਲਾਗਾਨਾ ਸਰਕਾਰ ਵੱਲੋਂ ਮ੍ਰਿਤਕ ਵਿਦਿਅਰਥੀਆਂ ਦੇ ਮਾਪਿਆਂ ਨੂੰ ਆਰਥਿਕ ਮੱਦਦ ਦੇਣ ਦਾ ਐਲਾਨ ਕੀਤਾ ਗਿਆ ਹੈ।