ਯੂਪੀਐਸਸੀ ਦੀ ਪ੍ਰੀਖਿਆ ਵਿੱਚ ਪਹਿਲਾ ਸਥਾਨ ਪ੍ਰਾਪਤ ਕਰਕੇ ਸਾਲ 2015 ਵਿੱਚ ਸੁਰਖੀਆਂ ਵਿੱਚ ਆਈ ਟੀਨਾ ਡਾਬੀ ਇੱਕ ਵਾਰ ਫਿਰ ਸੁਰਖੀਆਂ ਵਿੱਚ ਆ ਗਈ ਹੈ। ਦਰਅਸਲ ਸੋਮਵਾਰ ਨੂੰ ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਜ਼ਰੀਏ ਇਕ ਖੁਸ਼ਖਬਰੀ ਦਿੱਤੀ ਹੈ। ਟੀਨਾ ਨੇ ਇੱਕ ਤਸਵੀਰ ਸ਼ੇਅਰ ਕਰਦੇ ਹੋਏ ਦੱਸਿਆ ਕਿ ਉਹ ਵਿਆਹ ਦੇ ਬੰਧਨ ਵਿੱਚ ਬੱਝਣ ਜਾ ਰਹੀ ਹੈ। ਇਸ ਤਸਵੀਰ 'ਚ ਉਹ ਬੇਹੱਦ ਖੂਬਸੂਰਤ ਲੱਗ ਰਹੀ ਹੈ ਅਤੇ ਉਸ ਦੇ ਮੰਗੇਤਰ IAS ਪ੍ਰਦੀਪ ਗਵਾਂਡੇ ਉਸ ਦਾ ਹੱਥ ਥਾਮੇ ਨਜ਼ਰ ਆ ਰਹੇ ਹਨ।

 

ਇਸ ਤਸਵੀਰ ਦੇ ਨਾਲ ਉਸ ਨੇ ਫੋਟੋ 'ਚ ਕੈਪਸ਼ਨ ਲਿਖਿਆ ਹੈ, 'ਉਹ ਮੁਸਕਰਾਹਟ ਪਹਿਨ ਰਹੀ ਹੂੰ , ਜੋ ਤੁਮ੍ਹ ਦੇ ਰਹੇ ਹੋ ,ਇਸ ਦੇ ਨਾਲ ਹੀ ਹੈਸ਼ਟੈਗ 'ਚ Fianse ਲਿਖਿਆ ਹੈ। ਇਕ ਪਾਸੇ ਜਿੱਥੇ ਟੀਨਾ ਦੀ ਇਹ ਤਸਵੀਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਣ ਲੱਗੀ ਹੈ, ਉਥੇ ਹੀ ਲੋਕ ਉਸ ਨੂੰ ਨਵੀਂ ਜ਼ਿੰਦਗੀ ਦੀ ਸ਼ੁਰੂਆਤ ਲਈ ਸ਼ੁਭਕਾਮਨਾਵਾਂ ਦੇ ਰਹੇ ਹਨ। ਦੂਜੇ ਪਾਸੇ ਲੋਕ ਉਸ ਦੀ ਮੰਗੇਤਰ ਬਾਰੇ ਜਾਣਨ ਲਈ ਕਾਫੀ ਉਤਸ਼ਾਹਿਤ ਹਨ।

 

ਕੌਣ ਹੈ ਪ੍ਰਦੀਪ ਗਵਾਂਡੇ

 

ਨਵੀਂ ਜ਼ਿੰਦਗੀ ਦੀ ਸ਼ੁਰੂਆਤ ਕਰਨ ਜਾ ਰਹੀ ਟੀਨਾ ਇਸ ਸਮੇਂ ਰਾਜਸਥਾਨ ਦੇ ਵਿੱਤ ਵਿਭਾਗ ਵਿੱਚ ਸੰਯੁਕਤ ਸਕੱਤਰ ਹੈ ਅਤੇ ਪ੍ਰਦੀਪ ਗਵਾਂਡੇ 2013 ਬੈਚ ਦੇ ਆਈਏਐਸ ਅਧਿਕਾਰੀ ਹਨ। ਪ੍ਰਦੀਪ ਇਸ ਸਮੇਂ ਰਾਜਸਥਾਨ ਦੇ ਪੁਰਾਤੱਤਵ ਅਤੇ ਅਜਾਇਬ ਘਰ ਵਿਭਾਗ ਵਿੱਚ ਡਾਇਰੈਕਟਰ ਹਨ। ਪ੍ਰਦੀਪ ਦਾ ਜਨਮ 9 ਦਸੰਬਰ 1980 ਨੂੰ ਹੋਇਆ ਸੀ ਅਤੇ ਉਹ ਟੀਨਾ ਤੋਂ 13 ਸਾਲ ਵੱਡਾ ਹੈ। ਦੱਸ ਦੇਈਏ ਕਿ ਪ੍ਰਦੀਪ ਦਾ ਪੂਰਾ ਨਾਮ Gawande Pradeep Keshaorao ਹੈ। ਪ੍ਰਦੀਪ ਨੇ ਸਰਕਾਰੀ ਮੈਡੀਕਲ ਕਾਲਜ ਨਾਸਿਕ ਤੋਂ ਸੈਕਿੰਡ ਡਿਵੀਜ਼ਨ ਵਿੱਚ ਐਮ.ਬੀ.ਬੀ.ਐਸ. ਬਾਅਦ ਵਿੱਚ ਉਸਨੇ ਯੂਪੀਐਸਸੀ ਦੀ ਪ੍ਰੀਖਿਆ ਪਾਸ ਕੀਤੀ। ਸਿਖਲਾਈ ਤੋਂ ਬਾਅਦ ਉਸ ਨੂੰ ਰਾਜਸਥਾਨ ਕੇਡਰ ਮਿਲਿਆ ਹੈ।

 

7 ਸਾਲ ਪਹਿਲਾਂ ਆਏ ਸੀ ਸੁਰਖੀਆਂ 'ਚ  

ਇਕ ਪਾਸੇ ਜਿੱਥੇ ਟੀਨਾ ਡਾਬੀ ਲਗਾਤਾਰ ਸੋਸ਼ਲ ਮੀਡੀਆ 'ਤੇ ਐਕਟਿਵ ਰਹਿਣ ਕਾਰਨ ਚਰਚਾ 'ਚ ਰਹਿੰਦੀ ਹੈ, ਉਥੇ ਹੀ ਪ੍ਰਦੀਪ ਵੀ 7 ਮਹੀਨੇ ਪਹਿਲਾਂ ਸੁਰਖੀਆਂ 'ਚ ਆਏ ਸਨ। ਦਰਅਸਲ ਪ੍ਰਦੀਪ ਗਵਾਂਡੇ ਕਰੀਬ 7 ਮਹੀਨੇ ਪਹਿਲਾਂ ਰਾਜਸਥਾਨ ਸਕਿੱਲ ਐਂਡ ਆਜੀਵਿਕਾ ਵਿਕਾਸ ਨਿਗਮ (ਆਰ.ਐੱਸ.ਐੱਲ.ਡੀ.ਸੀ.) ਦਾ ਚੀਫ ਮੈਨੇਜਰ ਸੀ। ਉਸ ਸਮੇਂ ਉਹ ਰਿਸ਼ਵਤ ਦੇ ਮਾਮਲੇ ਵਿੱਚ ਜਾਂਚ ਦੇ ਘੇਰੇ ਵਿੱਚ ਸੀ। ਉਸ ਨੂੰ ਏਸੀਬੀ ਟੀਮ ਨੇ ਆਰਐਸਐਲਡੀਸੀ ਦੇ ਮੈਨੇਜਰ ਰਾਹੁਲ ਕੁਮਾਰ ਗਰਗ ਕੋਆਰਡੀਨੇਟਰ ਅਸ਼ੇਕ ਸਾਂਗਵਾਨ ਨੂੰ 5 ਲੱਖ ਰੁਪਏ ਦੀ ਰਿਸ਼ਵਤ ਲੈਂਦਿਆਂ ਰੰਗੇ ਹੱਥੀਂ ਕਾਬੂ ਕੀਤਾ ਗਿਆ ਸੀ। ਆਈਏਐਸ ਟੀਨਾ ਡਾਬੀ ਅਤੇ ਪ੍ਰਦੀਪ ਗਵਾਂਡੇ ਦਾ ਵਿਆਹ ਇਸ ਲਈ ਵੀ ਕਾਫੀ ਚਰਚਾ ਵਿੱਚ ਹੈ ਕਿਉਂਕਿ ਦੋਵਾਂ ਦਾ ਇਹ ਦੂਜਾ ਵਿਆਹ ਹੈ।

 


ਇਹ ਵੀ ਪੜ੍ਹੋ :ਮਹਾਰਾਸ਼ਟਰ ਸਰਕਾਰ 'ਚ ਮੰਤਰੀ ਆਦਿਤਿਆ ਠਾਕਰੇ ਦੇ ਕਾਫਲੇ ਦੀ ਕਾਰ ਹਾਦਸੇ ਦਾ ਸ਼ਿਕਾਰ, ਆਪਸ 'ਚ ਟਕਰਾਏ ਵਾਹਨ