ਮੌਕੇ 'ਤੇ ਪੁੱਜੇ ਪੀਸੀਆਰ ਦੇ ਏਐਸਆਈ ਸੰਜੀਵ ਕੁਮਾਰ ਨੇ ਦੱਸਿਆ ਕਿ ਧੁੰਦ ਕਾਰਨ ਇਹ ਹਾਦਸਾ ਤਕਰੀਬਨ ਸੱਤ ਵਜੇ ਵਾਪਰਿਆ। ਇਸ ਵਿੱਚ ਮੌਕੇ 'ਤੇ ਹੀ ਡਰਾਈਵਰ ਯੁਗਿੰਦਰ ਸਿੰਘ ਪਿੰਡ ਪੰਗਾਰਪੁਰ ਡੇਰਾ ਬੱਸੀ ਕੋਲ ਦਾ ਰਹਿਣ ਵਾਲਾ ਦੀ ਮੌਤ ਹੋ ਗਈ।
ਜੰਮੂ ਦੇ ਰਹਿਣ ਵਾਲੇ ਟਰੱਕ ਡਰਾਈਵਰ ਸੁਦੇਸ਼ ਕੁਮਾਰ ਨੇ ਦੱਸਿਆ ਕਿ ਉਹ ਦਿੱਲੀ ਤੋਂ ਪਠਾਨਕੋਟ ਸਕਰੈਪ ਲੈ ਕੇ ਜਾ ਰਿਹਾ ਸੀ। ਬੀਜਾ ਪੁਲ 'ਤੇ ਗੱਡੀ ਦੀ ਸਾਫ਼ਟ ਟੁੱਟ ਗਈ। ਧੁੰਦ ਕਾਰਨ ਆਪਣੀ ਗੱਡੀ ਖੜ੍ਹੀ ਕਰ ਹੋਰ ਗੱਡੀਆਂ ਨੂੰ ਇੱਕ ਪਾਸਿਓਂ ਕੱਢ ਰਿਹਾ ਸੀ। ਅਚਾਨਕ ਤੇਜ਼ ਰਫਤਾਰ ਨਾਲ ਬਲੈਰੋ ਕੈਂਪਰ ਨੇ ਪਿੱਛੇ ਆ ਕੇ ਟੱਕਰ ਮਾਰੀ ਤੇ ਹਾਦਸਾ ਵਾਪਰ ਗਿਆ।