ਸੰਨੀ ਦੇ ਨਾਲ ਭਾਰਤੀ ਜਨਤਾ ਪਾਰਟੀ ਦੇ ਕਈ ਆਗੂ ਮੌਜੂਦ ਸਨ ਪਰ ਉਨ੍ਹਾਂ ਨਾਲ ਇਸ ਮੌਕੇ ਬੌਬੀ ਦਿਓਲ ਨਹੀਂ ਸੀ। ਸੰਨੀ ਦਿਓਲ ਇਸ ਤੋਂ ਇਲਾਵਾ ਡੇਰਾ ਬਾਵਾ ਲਾਲ ਦਿਆਲ ਜੀ, ਪੰਡੋਰੀ ਧਾਮ (ਗੁਰਦਾਸਪੁਰ) ਅਤੇ ਕਲਾਨੌਰ ਵਿਖੇ ਸਥਿਤ ਇਤਿਹਾਸਕ ਸ਼ਿਵ ਜੀ ਦੇ ਮੰਦਿਰ ਵਿਖੇ ਨਤਮਸਤਕ ਹੋਣਗੇ ਅਤੇ ਇਸ ਤੋਂ ਬਾਅਦ ਗੁਰਦਾਸਪੁਰ ਤੋਂ ਪਠਾਨਕੋਟ ਤੱਕ ਇੱਕ ਰੋਡ ਸ਼ੋਅ ਕੱਢਿਆ ਜਾਵੇਗਾ।
ਸੰਨੀ ਦਿਓਲ ਦਾ 29 ਅਪਰੈਲ ਨੂੰ ਵੀ ਡੇਰਾ ਬਾਬਾ ਨਾਨਕ ਵਿਖੇ ਆਉਣ ਦਾ ਪ੍ਰੋਗਰਾਮ ਸੀ ਪਰ ਉਸ ਦਿਨ ਸੰਨੀ ਦਿਓਲ ਨਾਮਜ਼ਦਗੀ ਪੱਤਰ ਦਾਖਲ ਕਰਨ ਲਈ ਸਿੱਧਾ ਗੁਰਦਾਸਪੁਰ ਚਲੇ ਗਏ। ਪਰ ਉਸ ਦਿਨ ਕਾਂਗਰਸ ਦੇ ਉਮੀਦਵਾਰ ਸੁਨੀਲ ਜਾਖੜ ਆਪਣੇ ਸਮਰਥਕਾਂ ਨਾਲ ਇੱਥੇ ਪੁੱਜੇ ਸੀ।
ਕਰਤਾਰਪੁਰ ਕੋਰੀਡੋਰ ਦੇ ਨਿਰਮਾਣ ਨੂੰ ਲੈ ਕੇ ਦੋਵੇਂ ਪਾਰਟੀਆਂ ਕਰੈਡਿਟ ਲੈਣ ਦੇ ਲਈ ਲੰਬੇ ਚੌੜੇ ਦਾਅਵੇ ਕਰ ਰਹੀਆਂ ਹਨ ਅਤੇ ਇਸ ਕਾਰਨ ਹਰ ਪਾਰਟੀ ਦਾ ਉਮੀਦਵਾਰ ਇੱਥੇ ਪੁੱਜ ਰਿਹਾ ਹੈ