ਚੰਡੀਗੜ੍ਹ: ਸਿੱਖ ਪੀਰੀਅਡ ਡਰਾਮਾ ‘ਦਿ ਬਲੈਕ ਪ੍ਰਿੰਸ’ ਦੀ ਗਲੋਬਲ ਆਨਲਾਈਨ ਰਾਈਟਸ ਹਾਲੀਵੁੱਡ ਪ੍ਰੋਡਕਸ਼ਨ, ਡਿਸਟ੍ਰਿਬਿਊਸ਼ਨ ਅਤੇ ਮਾਰਕੀਟਿੰਗ ਸਟੂਡੀਓ, ਯੂਨੀਗਲੋਬ ਐਂਟਰਨਟੇਨਮੈਂਟ ਵਲੋਂ ਹਾਸਲ ਹਾਸਿਲ ਕੀਤੇ ਗਏ ਹਨ। ਡਿਜੀਟਲ ਪਲੇਟਫਾਰਮ ਅਤੇ ਡੀਵੀਡੀ ‘ਤੇ ਫਿਲਮ “ਦ ਬਲੈਕ ਪ੍ਰਿੰਸ” 10 ਅਪ੍ਰੈਲ ਨੂੰ ਰਿਲੀਜ਼ ਹੋਵੇਗੀ। ਫਿਲਮ ਅੰਗਰੇਜ਼ੀ, ਹਿੰਦੀ ਅਤੇ ਪੰਜਾਬੀ ਭਾਸ਼ਾਵਾਂ 'ਚ ਮਿਲੇਗੀ। 2017 'ਚ ਫਿਲਮ ਦਾ ਨਾਟਕੀ ਰੂਪ ਰਿਲੀਜ਼ ਹੋਇਆ, ਜੋ ਕੀ ਯੂ.ਕੇ. ਦੇ 10 ਟਾਪ ਬਾਕਸ ਆਫਿਸ ਦੀ ਸੂਚੀ ਚ ਸ਼ਾਮਿਲ ਸੀ। “ਦੀ ਬਲੈਕ ਪ੍ਰਿੰਸ” ਪੰਜਾਬ ਦੇ ਰਾਜਾ “ਮਹਾਰਾਜ ਦਲੀਪ ਸਿੰਘ” ਦੀ ਕਹਾਣੀ ਬਿਆਨ ਕਰਦਾ ਹੈ। ਫ਼ਿਲਮ ਦੀ ਕਹਾਣੀ ਮਹਾਰਾਜ ਦਲੀਪ ਸਿੰਘ ਦੇ ਅੰਗਰੇਜ਼ਾਂ ਤੋਂ ਆਪਣਾ ਰਾਜ ਵਾਪਸ ਲੈਣ ਦੇ ਸੰਘਰਸ਼ ‘ਤੇ ਅਧਾਰਿਤ ਹੈ। ਸਤਿੰਦਰ ਸਰਤਾਜ ਨੇ ਇਸ ਫਿਲਮ 'ਚ ਮਹਾਰਾਜ ਦਲੀਪ ਸਿੰਘ ਦਾ ਰੋਲ ਪਲੇ ਕੀਤਾ ਅਤੇ ਐਕਟਿੰਗ ਦੇ ਕਰੀਅਰ ਦੀ ਸ਼ੁਰੂਆਤ ਕੀਤੀ। ਬਾਲੀਵੁੱਡ ਐਕਟਰੈਸ ਸ਼ਬਾਨਾ ਅਜ਼ਾਮੀ ਨੇ ਇਸ ਫ਼ਿਲਮ 'ਚ ਦੇਸ਼ ਤੋਂ ਕੱਢੇ ਗਏ ਰਾਜੇ ਦੀ ਮਾਂ, ਮਹਾਰਾਣੀ ਜਿੰਦਾਂ ਦੀ ਭੂਮਿਕਾ ਨਿਭਾਈ ਹੈ। ਮਸ਼ਹੂਰ ਬ੍ਰਿਟਿਸ਼ ਅਦਾਕਾਰਾ ਜੈਸਨ ਫਲੈਮਿੰਗ ਨੇ ਮਹਾਰਾਜ ਨੂੰ ਪਾਲਣ ਵਾਲੀ, ਡਾ. ਲੌਗਿਨ ਦਾ ਰੋਲ ਪਲੇ ਕੀਤਾ। ਯੂਨੀਗਲੋਬ ਐਂਟਰਟੇਨਮੈਂਟ ਦੀ ਭਾਰਤੀ ਅਮਰੀਕੀ ਪ੍ਰਧਾਨ- ਨਮਰਤਾ ਸਿੰਘ ਗੁਜਰਾਲ ਨੇ ਕਿਹਾ “ ਜਦੋਂ ਮੈਂ ਇਹ ਫ਼ਿਲਮ ਦੇਖੀ ਤਾਂ ਮੇਰੀ ਅੱਖਾਂ ਵਿਚ ਹੰਝੂ ਸਨ। ਇੱਕ ਸਿੱਖ ਵਜੋਂ, ਮੈਨੂੰ ਮਹਾਰਾਜ ਦਲੀਪ ਸਿੰਘ ਦੀ ਕਹਾਣੀ ਨੂੰ ਦੁਨੀਆ ਭਰ 'ਚ ਲਿਆਉਣ ਲਈ ਸਨਮਾਨ ਮਹਿਸੂਸ ਹੋ ਰਿਹਾ ਹੈ| ਇਸ ਫ਼ਿਲਮ ਤੋਂ ਸਾਡੇ ਬੱਚੇ ਸਿੱਖਣਗੇ ਕਿ ਕਿਵੇਂ ਸਿੱਖਾਂ ਨੇ ਧਾਰਮਿਕ ਅਸਹਿਸ਼ਤਾ ਤੇ ਸਿੱਖਾਂ ‘ਤੇ ਅਤਿਆਚਾਰ ਦੇ ਖਿਲਾਫ ਲਗਾਤਾਰ ਲੜਾਈ ਲੜੀ ਹੈ।” ਇਹ ਫਿਲਮ ਭਾਰਤ 'ਚ ਸਾਗਾ ਪ੍ਰੋਡਿਕਸ਼ਨਸ ਦੁਆਰਾ ਹਿੰਦੀ ਤੇ ਪੰਜਾਬੀ 'ਚ ਰਿਲੀਜ਼ ਕੀਤੀ ਜਾਵੇਗੀ| ਭਾਰਤੀ-ਅਮਰੀਕੀ ਨਿਰਦੇਸ਼ਕ ਕਵੀ ਰਾਜ਼ ਨੇ ਕਿਹਾ ਕੀ ਵਿਸਾਖੀ ਦਾ ਮੌਕਾ ਇਸ ਫਿਲਮ ਨੂੰ ਦੁਨੀਆ ਭਰ ਦੇ ਸਿੱਖਾਂ ਨੂੰ ਪੇਸ਼ ਕਰਨ ਲਈ ਸੰਪੂਰਣ ਸਮਾਂ ਲੱਗ ਰਿਹਾ ਸੀ ਕਿਉਂਕਿ ਵੈਸਾਖੀ 'ਤੇ ਸਿੱਖ ਬਹਾਦਰੀ ਦਾ ਜਸ਼ਨ ਮਨਾਉਂਦੇ ਹਨ ਅਤੇ ਫਿਲਮ ‘ਦੀ ਬਲੈਕ ਪ੍ਰਿੰਸ’ ਵੀ ਓਹੀ ਕਰ ਰਹੀ ਹੈ|