ਰੁੜਕਾ ਖੁਰਦ ਦੀ ਜੀਵਨ ਜੋਤੀ ਪਤਨੀ ਸੁਦਰਸ਼ਨ ਕੁਮਾਰ ਨੇ ਦੱਸਿਆ ਕਿ ਉਹ 11 ਜੂਨ 2017 ਨੂੰ ਆਪਣੇ ਪਿੰਡ ਦੇ ਏਜੰਟ ਦੀ ਮਦਦ ਨਾਲ ਸਾਊਦੀ ਅਰਬ ਗਈ ਸੀ, ਉਸ ਨੂੰ ਇਥੋਂ ਜਾਣ ਵੇਲੇ ਦੱਸਿਆ ਗਿਆ ਕਿ ਉਸ ਨੂੰ ਇਕ ਘਰ ਵਿੱਚ ਘਰ ਦਾ ਕੰਮ ਕਰਨਾ ਪਵੇਗਾ, ਜਦ ਕਿ ਉਸ ਤੋਂ ਦਿਨ ਰਾਤ ਕਈ ਘਰਾਂ ‘ਚ ਕੰਮ ਲਿਆ ਜਾਂਦਾ ਤੇ ਤਸ਼ੱਦਦ ਵੀ ਕੀਤਾ ਜਾਂਦਾ ਸੀ।
ਜੀਵਨ ਜੋਤੀ ਨੇ ਦੱਸਿਆ ਕਿ ਉਸ ਦੀ ਡੇਢ ਮਹੀਨੇ ਦੀ ਤਨਖਾਹ ਵੀ ਉਸ ਨੂੰ ਨਹੀਂ ਮਿਲੀ। ਉਹ ਭਾਰਤੀ ਦੂਤਘਰ ਸਾਊਦੀ ਅਰਬ 21 ਦਿਨ ਰਹੀ, ਜਿਸ ਤੋਂ ਬਾਅਦ ਦੂਤਘਰ ਨੇ ਉਸ ਨੂੰ ਵਾਈਟ ਪਾਸਪੋਰਟ ਉਤੇ ਭਾਰਤ ਭੇਜਿਆ ਹੈ। ਘਰ ਪੁੱਜਣ ‘ਤੇ ਜੀਵਨ ਜੋਤੀ ਖੁਸ਼ ਨਜ਼ਰ ਆ ਰਹੀ ਸੀ।