ਅਕਾਲੀ ਦਲ ਦੇ ਸੰਸਦ ਮੈਂਬਰ ਨਰੇਸ਼ ਗੁਜਰਾਲ ਨੇ ਕਿਹਾ ਕਿ ਦੋਵਾਂ ਨੂੰ ਇਹ ਸਮਝਣਾ ਚਾਹੀਦਾ ਹੈ ਕਿ ਉਹ ਦੁਸ਼ਮਣ ਨਹੀਂ ਸਿਰਫ ਵਿਰੋਧੀ ਹਨ। ਭਵਿੱਖ ਵਿੱਚ ਦੋਵੇਂ ਨਵੀਂ ਚੁਣੀ ਜਾਣ ਵਾਲੀ ਸੰਸਦ ਵਿੱਚ ਬੈਠਣਗੇ ਤੇ ਕਾਨੂੰਨ ਬਣਾਉਣਗੇ। ਉਨ੍ਹਾਂ ਕਿਹਾ ਕਿ ਰਾਹੁਲ ਗਾਂਧੀ ਨੂੰ ਕੋਈ ਹੱਕ ਨਹੀਂ ਕਿ ਉਹ ਕਹਿਣ ਕਿ ਪੀਐਮ ਚੋਰ ਹੈ ਤੇ ਇਵੇਂ ਹੀ ਸਾਡੇ ਪੀਐਮ ਵੀ ਜ਼ਿਆਦਾ ਬੋਲ ਜਾਂਦੇ ਹਨ।
ਆਪਣੇ ਸਿੱਧੇ ਬੋਲਾਂ ਲਈ ਜਾਣੇ ਜਾਂਦੇ ਗੁਜਰਾਲ ਨੂੰ ਜਦ ਮੋਦੀ ਵੱਲੋਂ ਸਾਬਕਾ ਪ੍ਰਧਾਨ ਮੰਤਰੀ ਰਾਜੀਵ ਗਾਂਧੀ ਬਾਰੇ ਸਵਾਲ ਕੀਤਾ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਸਾਰੇ ਜਾਣਦੇ ਹਨ ਕਿ 1984 ਦੌਰਾਨ ਕੀ ਹੋਇਆ ਸੀ। ਪਰ ਮੈਂ ਨਿੱਜੀ ਤੌਰ 'ਤੇ ਮਹਿਸੂਸ ਕਰਦਾ ਹਾਂ ਕਿ ਜਦੋਂ ਕੋਈ ਇਸ ਸੰਸਾਰ ਵਿੱਚ ਨਹੀਂ ਰਹਿੰਦਾ ਤਾਂ ਉਸ ਦੀ ਅਲੋਚਨਾ ਕਰਨਾ ਸਹੀ ਨਹੀਂ ਹੈ, ਇਹ ਸਾਡੇ ਦੇਸ਼ ਦੀ ਰਵਾਇਤ ਹੈ।