ਮਹਿੰਗੀ ਬਿਜਲੀ, ਪਹਿਲੀਂ ਤੋਂ ਹੋਰ ਹੋਵੇਗੀ ਮਹਿੰਗੀ..

ਚੰਡੀਗੜ੍ਹ: ਪੰਜਾਬ ਵਿੱਚ ਬਿਜਲੀ ਮਹਿੰਗੀ ਕਰਨ ਦਾ ਸਿਲਸਿਲਾ ਜਾਰੀ ਹੈ। ਪਾਵਰਕਾਮ ਦੀ ਨਵੀਂ ਹਦਾਇਤ ਮੁਤਾਬਿਕ ਨਿਗਮਾਂ ਕਮੇਟੀਆਂ ਦੀ ਹੱਦ ‘ਚ ਬਿਜਲੀ ਦੇ ਬਿੱਲਾਂ ਦੀ ਬਣਦੀ ਰਕਮ ‘ਚ 2 ਫ਼ੀਸਦੀ ਮਿਉਂਸਿਪਲ ਟੈਕਸ 1 ਨਵੰਬਰ ਤੋਂ ਹੀ ਵਸੂਲ ਕੀਤਾ ਜਾਵੇਗਾ। ਇਹ ਵਾਧਾ ਮਿਉਂਸਿਪਲ ਕਮੇਟੀਆਂ, ਨਿਗਮਾਂ, ਕਮੇਟੀਆਂ, ਮਿਉਂਸਪਲ ਕੌਂਸਲਾਂ ਤੇ ਨਗਰ ਪੰਚਾਇਤਾਂ ਦੀ ਹੱਦ ‘ਚ ਸਾਰੇ ਤਰ੍ਹਾਂ ਦੇ ਖਪਤਕਾਰਾਂ ਤੋਂ ਵਸੂਲ ਕੀਤਾ ਜਾਵੇਗਾ। ਜਾਣਕਾਰੀ ਮੁਤਾਬਕ ਜਿਸ ਤਰ੍ਹਾਂ ਪਾਵਰਕੌਮ ਨੇ ਵਿੱਤੀ ਵਰ੍ਹੇ ਦੀਆਂ ਵਧੀਆਂ 9.33 ਫ਼ੀਸਦੀ ਦੇ ਕਰੀਬ ਦਰਾਂ ਦੀ ਪਿਛਲੀ ਰਕਮ ਇਸ ਸਾਲ ਦੇ ਅਪ੍ਰੈਲ ਮਹੀਨੇ ਤੋਂ ਕਿਸ਼ਤਾਂ ‘ਚ ਵਸੂਲਣ ਦਾ ਫ਼ੈਸਲਾ ਕੀਤਾ ਹੈ, ਉਸੇ ਤਰ੍ਹਾਂ ਬਿਜਲੀ ਦੇ ਬਿੱਲਾਂ ਦੀ ਰਕਮ ‘ਚ 2 ਫ਼ੀਸਦੀ ਮਿਉਂਸਿਪਲ ਕਰ ਪਿਛਲੀ ਤਰੀਕ 1 ਨਵੰਬਰ ਤੋਂ ਲਾਗੂ ਹੋਇਆ ਸਮਝਿਆ ਜਾਵੇਗਾ ਜਦਕਿ ਇਸ ਬਾਰੇ ਪਾਵਰ ਕਾਮ ਨੇ ਆਪਣਾ ਸਰਕੁਲਰ 22 ਨਵੰਬਰ ਨੂੰ ਜਾਰੀ ਕੀਤਾ ਹੈ। ਸਾਲ ਦੇ ਆਖ਼ਰੀ ਮਹੀਨਿਆਂ ‘ਚ ਪੰਜਾਬ ਬਿਜਲੀ ਅਥਾਰਿਟੀ ਕਮਿਸ਼ਨ ਵੱਲੋਂ ਮੌਜੂਦਾ ਵਿੱਤੀ ਵਰ੍ਹੇ ਦੀ ਬਿਜਲੀ ਮਹਿੰਗੀ ਕਰਨ ਤੋਂ ਬਾਅਦ ਬਿਜਲੀ ਦੇ ਮਾਮਲੇ ‘ਚ ਖਪਤਕਾਰਾਂ ਨੂੰ ਲਗਾਤਾਰ ਝਟਕਾ ਮਿਲ ਰਿਹਾ ਹੈ।