ਪ੍ਰਸ਼ਾਂਤ ਕਿਸ਼ੋਰ ਨੇ ਟਵੀਟ ਕਰ ਕਿਹਾ, “ਪ੍ਰਧਾਨ ਮੰਤਰੀ ਮੋਦੀ ਕਹਿ ਰਹੇ ਹਨ ਕਿ ਅਜੇ ਐਨਆਰਸੀ ‘ਤੇ ਕੋਈ ਚਰਚਾ ਹੀ ਨਹੀਂ ਹੋਈ। ਇਹ ਉਸ ਦੀ ਦੇਸ਼ ਭਰ ‘ਚ ਐਨਆਰਸੀ ਤੇ ਸੀਏਏ ਖਿਲਾਫ ਹੋ ਰਹੇ ਪ੍ਰਦਰਸ਼ਨ ਦੌਰਾਨ ਇਸ ਮੁੱਦੇ ‘ਤੇ ਚਾਲਾਕ ਵਾਪਸੀ ਹੈ। ਇਸ ਸਿਰਫ ਇੱਕ ਠਹਿਰਾਓ ਹੈ। ਇਸ ‘ਤੇ ਪੂਰਨ-ਵਿਰਾਮ ਨਹੀਂ ਲੱਗਿਆ। ਸਰਕਾਰ ਇਸ ‘ਤੇ ਸੁਪਰੀਮ ਕੋਰਟ ਦੇ ਫੈਸਲੇ ਦਾ ਇੰਤਜ਼ਾਰ ਕਰ ਰਹੀ ਹੈ। ਕੋਰਟ ਦੇ ਆਦੇਸ਼ ਤੋਂ ਬਾਅਦ ਸਾਰੀ ਪ੍ਰਕਿਰੀਆ ਦੁਬਾਰਾ ਸ਼ੁਰੂ ਹੋ ਜਾਵੇਗੀ।
ਕਾਂਗਰਸ ਨਾਗਰਿਕਤਾ ਕਾਨੂੰਨ ਤੇ ਐਨਆਰੀ ਦਾ ਲਗਾਤਾਰ ਵਿਰੋਧ ਕਰ ਰਹੀ ਹੈ। 24 ਦਸੰਬਰ ਨੂੰ ਕਾਂਗਰਸ ਨੇ ਦਿੱਲੀ ਸਥਿਤ ਮਹਾਤਮਾ ਗਾਂਧੀ ਦੀ ਸਮਾਧ ‘ਤੇ ਸੱਤਿਆਗ੍ਰਹਿ ਕੀਤਾ ਸੀ। ਪ੍ਰਸ਼ਾਂਤ ਨੇ ਇਸ ਕਦਮ ਨੂੰ ਲੈ ਕੇ ਰਾਹੁਲ ਦਾ ਧੰਨਵਾਦ ਕੀਤਾ। ਉਧਰ, ਪ੍ਰਧਾਨ ਮੰਤਰੀ ਨੇ ਐਤਵਾਰ ਨੂੰ ਇੱਕ ਰੈਲੀ ‘ਚ ਐਨਆਰਸੀ ਦੇ ਲਈ ਬੰਦੀ ਕੇਂਦਰ ਬਣਵਾਉਣ ਦੀ ਗੱਲ ਨੂੰ ਅਫਵਾਹ ਕਿਹਾ ਸੀ ਤੇ ਕਿਹਾ ਸੀ ਕਿ ਕਾਂਗਰਸ ਤੇ ਅਰਬਨ ਨਕਸਲੀ ਇਹ ਅਫਵਾਹ ਫੈਲਾ ਰਹੇ ਹਨ।