ਮਾਸਕੋ: ਦੁਨੀਆ ਦੇ ਬਹੁਤ ਸਾਰੇ ਦੇਸ਼ ਇਸ ਸਮੇਂ ਕੋਰੋਨਾ ਖਿਲਾਫ ਦਵਾਈ ਬਣਾਉਣ ਵਿੱਚ ਜੁਟੇ ਹੋਏ ਹਨ। ਇਸ ਦੌਰਾਨ ਰੂਸ 10 ਅਗਸਤ ਤੱਕ ਦੁਨੀਆ ਦੀ ਪਹਿਲੀ ਕੋਰੋਨਾ ਵੈਕਸੀਨ ਨੂੰ ਮਨਜ਼ੂਰੀ ਦਿਵਾਉਣ ਦੀਆਂ ਕੋਸ਼ਿਸ਼ਾਂ 'ਚ ਜੁਟਿਆ ਹੋਇਆ ਹੈ। ਰੂਸ ਨੇ ਇਸ ਲਈ ਵਿਸ਼ੇਸ਼ ਰਣਨੀਤੀ ਤਿਆਰ ਕੀਤੀ ਹੈ।
ਸੋਵੀਅਤ ਯੂਨੀਅਨ ਵੱਲੋਂ ਦੁਨੀਆ ਦੇ ਪਹਿਲੇ ਉਪਗ੍ਰਹਿ ਦੇ 1957 ਦੇ ਉਦਘਾਟਨ ਦਾ ਜ਼ਿਕਰ ਕਰਦਿਆਂ, ਰੂਸ ਦੇ ਸਰਬਸ਼ਕਤੀਮਾਨ ਦੌਲਤ ਫੰਡ ਦੇ ਮੁਖੀ ਕਿਰਿਲ ਦਮਿੱਤਰੀਵ ਨੇ ਕਿਹਾ ਕਿ ਇਹ ਇੱਕ ਵਿਸ਼ੇਸ਼ ਪਲ ਸੀ। ਗੌਰਤਲਬ ਹੈ ਕਿ ਰੂਸ ਦਾ Sovereign Wealth Fund ਕੋਰੋਨਾਵੈਕਸੀਨ ਲਈ ਫੰਡਿੰਗ ਕਰ ਰਿਹਾ ਹੈ। ਉਸ ਨੇ ਕਿਹਾ ਕਿ ਅਮਰੀਕੀ ਹੈਰਾਨ ਰਹਿ ਗਏ ਜਦੋਂ ਉਨ੍ਹਾਂ ਨੇ ਸਪੁਤਨਿਕ ਦੇ ਬੀਪਿੰਗ ਬਾਰੇ ਸੁਣਿਆ। ਕੋਰੋਨਾ ਵੈਕਸੀਨ ਦੇ ਨਾਲ ਵੀ ਅਜਿਹਾ ਹੈ। ਰੂਸ ਇਥੇ ਵੀ ਪਹਿਲਾਂ ਪਹੁੰਚੇਗਾ।
ਸੀਐਨਐਨ ਨੇ ਰਿਪੋਰਟ ਦਿੱਤੀ ਕਿ ਰੂਸ ਮਾਸਕੋ ਸਥਿਤ ਗਮਾਲੇਆ ਇੰਸਟੀਚਿਊਟਵਲੋਂ ਬਣਾਈ ਗਈ 10 ਅਗਸਤ ਤੱਕ ਵੈਕਸੀਨ ਨੂੰ ਮਨਜ਼ੂਰੀ ਦੇਣ ਦੀ ਯੋਜਨਾ ਬਣਾ ਰਿਹਾ ਹੈ। ਰੂਸ ਨੇ ਕਥਿਤ ਤੌਰ 'ਤੇ ਕਿਹਾ ਹੈ ਕਿ ਇਕ ਵਾਰ ਜਦੋਂ ਵੈਕਸੀਨ ਜਨਤਕ ਵਰਤੋਂ ਲਈ ਮਨਜ਼ੂਰ ਹੋ ਜਾਂਦਾ ਹੈ, ਤਾਂ ਪਹਿਲਾਂ ਇਹ ਫਰੰਟਲਾਈਨ ਹੈਲਥਕੇਅਰ ਕਰਮਚਾਰੀਆਂ ਨੂੰ ਦਿੱਤੀ ਜਾਂਦੀ ਹੈ। ਰਿਪੋਰਟਾਂ ਅਨੁਸਾਰ ਰੂਸ ਦੀ ਕੋਰੋਨਾ ਵੈਕਸੀਨ ਦਾ ਅਜੇ ਦੂਜਾ ਪੜਾਅ ਪੂਰਾ ਪੂਰਾ ਕਰਨਾ ਬਾਕੀ ਹੈ, ਜਦਕਿ ਦੁਨੀਆ ਭਰ ਵਿੱਚ ਖੋਜ ਕੀਤੇ ਜਾ ਰਹੇ ਕੁਝ ਹੋਰ ਵੈਕਸੀਨ ਦਾ ਟਰਾਇਲ ਤੀਜੇ ਪੜਾਅ ਵਿੱਚ ਹੈ।
ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ