SBI Recruitment: ਸਟੇਟ ਬੈਂਕ ਆਫ਼ ਇੰਡੀਆ ਨੇ 8 ਹਜ਼ਾਰ ਜੂਨੀਅਰ ਐਸੋਸੀਏਟਸ ਦੀਆਂ ਅਸਾਮੀਆਂ 'ਤੇ ਵਕੈਂਸੀ ਕੱਢੀਆਂ ਹਨ। ਇਨ੍ਹਾਂ ਅਸਾਮੀਆਂ ਲਈ ਬਿਨੈ ਕਰਨ ਦੀ ਪ੍ਰਕਿਰਿਆ 26 ਜਨਵਰੀ ਨੂੰ ਖ਼ਤਮ ਹੋ ਰਹੀ ਹੈ। ਐਸਬੀਆਈ ਇਨ੍ਹਾਂ ਅਸਾਮੀਆਂ 'ਤੇ ਚੋਣ ਲਈ ਪ੍ਰੀ ਤੇ ਮੁੱਖ ਪ੍ਰੀਖਿਆ ਲਵੇਗਾ। ਪ੍ਰੀ ਪ੍ਰੀਖਿਆਵਾਂ ਸੰਭਾਵਤ ਤੌਰ 'ਤੇ ਫਰਵਰੀ ਜਾਂ ਮਾਰਚ ਦੇ ਮਹੀਨੇ 'ਚ ਹੋ ਸਕਦੀਆਂ ਹਨ। ਇਸੇ ਤਰ੍ਹਾਂ ਮੁੱਖ ਪ੍ਰੀਖਿਆ ਵੀ 19 ਅਪ੍ਰੈਲ ਨੂੰ ਹੋ ਸਕਦੀ ਹਨ। ਯੋਗਤਾ: ਐਸਬੀਆਈ ਵੱਲੋਂ ਜਾਰੀ ਕੀਤੇ ਗਏ ਨੋਟਿਸ ਮੁਤਾਬਕ ਕਿਸੇ ਵੀ ਵਿਸ਼ੇ ਦੇ ਗ੍ਰੈਜੂਏਟ ਉਮੀਦਵਾਰ ਇਨ੍ਹਾਂ ਅਸਾਮੀਆਂ ਲਈ ਅਪਲਾਈ ਕਰ ਸਕਦੇ ਹਨ, ਸਿਰਫ ਉਹ ਉਮੀਦਵਾਰ ਜਿਨ੍ਹਾਂ ਨੇ 1 ਜਨਵਰੀ, 2020 ਨੂੰ ਜਾਂ ਇਸ ਤੋਂ ਪਹਿਲਾਂ ਗ੍ਰੈਜੂਏਟ ਡਿਗਰੀ ਪਾਸ ਕੀਤੀ ਹੈ, ਉਹ ਇਨ੍ਹਾਂ ਅਸਾਮੀਆਂ ਲਈ ਅਰਜ਼ੀ ਦੇ ਸਕਦੇ ਹਨ। ਉਮਰ ਦੀ ਸੀਮਾ: 1 ਜਨਵਰੀ 2020 ਨੂੰ ਜਿਨ੍ਹਾਂ ਉਮੀਦਵਾਰ ਦੀ ਉਮਰ 20 ਤੋਂ 28 ਸਾਲ ਦੇ ਵਿਚਕਾਰ ਹੈ, ਇਨ੍ਹਾਂ ਅਹੁਦਿਆਂ ਲਈ ਅਰਜ਼ੀ ਦੇ ਸਕਦੇ ਹਨ। ਕਿਵੇਂ ਕਰੀਏ ਅਪਲਾਈ: - ਬਿਨੈ ਕਰਨ ਲਈ ਉਮੀਦਵਾਰ ਆਫੀਸ਼ੀਅਲ ਵੈੱਬਸਾਈਟ ibpsonline.ibps.in 'ਤੇ ਜਾਓ। - ਇਸ ਤੋਂ ਬਾਅਦ ਰਜਿਸਟਰ ਕਰੋ। - ਰਜਿਸਟਰੀ ਹੋਣ ਤੋਂ ਬਾਅਦ ਰਜਿਸਟਰੀ ਨੰਬਰ ਤੇ ਪਾਸਵਰਡ ਨਾਲ ਲੌਗ ਇਨ ਕਰੋ। - ਫਾਰਮ ਭਰੋ ਤੇ ਜਮ੍ਹਾ ਕਰੋ। - ਫੀਸ ਦਾ ਭੁਗਤਾਨ ਕਰੋ। - ਫਾਰਮ ਨੂੰ ਡਾਉਨਲੋਡ ਕਰੋ। ਉਮੀਦਵਾਰ ਹੇਠਾਂ ਦਿੱਤੇ ਸਿੱਧੇ ਲਿੰਕ ਤੋਂ ਵੀ ਸਿੱਧੇ ਅਰਜ਼ੀ ਦੇ ਸਕਦੇ ਹਨ- SBI Junior Associates Posts Recruitment Application Form Direct Link ਪ੍ਰੀ ਪ੍ਰੀਖਿਆ ਦਾ ਪੈਟਰਨ: ਪ੍ਰੀ ਪ੍ਰੀਖਿਆ 'ਚ ਅੰਗਰੇਜ਼ੀ ਭਾਸ਼ਾ, ਸੰਖਿਆਤਮਕ ਯੋਗਤਾ, ਰੀਜਨਿੰਗ ਯੋਗਤਾ ਦੇ ਪ੍ਰਸ਼ਨ ਪੁੱਛੇ ਜਾਣਗੇ। ਪ੍ਰੀਖਿਆ 100 ਅੰਕ ਦੀ ਹੋਵੇਗੀ, ਜਿਸ ਦੇ ਲਈ ਉਮੀਦਵਾਰਾਂ ਨੂੰ 1 ਘੰਟੇ ਦਾ ਸਮਾਂ ਦਿੱਤਾ ਜਾਵੇਗਾ। ਮੁੱਖ ਪ੍ਰੀਖਿਆ ਦਾ ਪੈਟਰਨ: ਮੁੱਖ ਇਮਤਿਹਾਨ 'ਚ ਜਨਰਲ/ਵਿੱਤ ਜਾਗਰੂਕਤਾ, ਜਨਰਲ ਅੰਗਰੇਜ਼ੀ, ਮਾਤਰਾਤਮਕ ਯੋਗਤਾ, ਤਰਕਸ਼ੀਲਤਾ ਤੇ ਕੰਪਿਊਟਰ ਯੋਗਤਾ ਤੋਂ ਪ੍ਰਸ਼ਨ ਪੁੱਛੇ ਜਾਣਗੇ। ਇਮਤਿਹਾਨ 'ਚ ਕੁੱਲ 190 ਪ੍ਰਸ਼ਨ ਆਉਣਗੇ ਜੋ ਕਰਨ ਲਈ 2 ਘੰਟੇ 40 ਮਿੰਟ ਦਿੱਤੇ ਜਾਣਗੇ।

Education Loan Information:

Calculate Education Loan EMI