ਨਵੀਂ ਦਿੱਲੀ: "ਜਮਾਤ-ਉਦ-ਦਾਵਾ ਦਾ ਮੁਖੀ ਤੇ ਅੱਤਵਾਦੀ ਜਥੇਬੰਦੀ ਲਸ਼ਕਰ-ਏ-ਤਾਇਬਾ ਦਾ ਸੰਸਥਾਪਕ ਹਾਫਿਜ਼ ਸਈਅਦ ਪਾਕਿਸਤਾਨ ਦਾ ਅਸਲ ਪ੍ਰਧਾਨ ਮੰਤਰੀ ਹੈ। ਮੌਜੂਦਾ ਭੁਗੋਲਿਕ ਹeਲਾਤ 'ਚ ਪਾਕਿਸਤਾਨ ਦਾ ਗਠਨ ਹੀ ਗਲਤ ਹੈ।" ਪਾਕਿਸਤਾਨ 'ਚ ਜਨਮ ਲੈਣ ਵਾਲੇ ਕੈਨੇਡੀਅਨ ਲੇਖਕ ਤਾਰਿਕ ਫਤਹਿ ਅਜਿਹਾ ਹੀ ਬਿਆਨ ਦੇ ਰਹੇ ਹਨ। ਇੱਕ ਟੀਵੀ ਚੈਨਲ ਨੂੰ ਦਿੱਤੇ ਇੰਟਰਵਿਊ 'ਚ ਤਾਰਿਕ ਨੇ ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਕੀਤਾ ਹੈ।
ਕਰਾਚੀ 'ਚ ਜਨਮ ਲੈਣ ਵਾਲੇ ਫਤਹਿ ਨੇ ਨਿਊਜ਼ ਚੈਨਲ ਨੂੰ ਦਿੱਤੇ ਇੰਟਰਵਿਊ 'ਚ ਕਿਹਾ, "ਮੈਂ ਨਹੀਂ ਜਾਣਦਾ ਕਿ ਤੁਸੀਂ ਭਾਰਤ ਦੇ ਲੋਕ ਕਿਉਂ ਇੰਨੀ ਗਹਿਰੀ ਧਾਰਨਾ ਰੱਖਦੇ ਹੋ ਕਿ ਤੁਸੀਂ ਇਹ ਦੇਖਣ 'ਚ ਨਾਕਾਮ ਹੋ ਕਿ ਦੇਸ਼ ਨੂੰ ਚਲਾ ਕੌਣ ਰਿਹਾ ਹੈ। ਜਮਾਤ-ਉਦ-ਦਾਵਾ ਦੇ ਫੌਜੀਆਂ ਨੇ 10 ਮਹੀਨੇ 'ਚ 30 ਲੱਖ ਬੰਗਲਾਦੇਸ਼ੀਆਂ ਦਾ ਕਤਲ ਕੀਤਾ ਸੀ। ਉਹ ਬਲੂਚ ਲੀਡਰਾਂ ਨੂੰ ਜਹਾਜ਼ 'ਚੋਂ ਸੁੱਟ ਸਕਦੇ ਹਨ, ਲੜਕੀਆਂ ਨਾਲ ਦੁਸ਼ਕਰਮ ਕਰ ਸਕਦੇ ਹਨ।"
ਉਨ੍ਹਾਂ ਕਿਹਾ, "1971 ਦੇ ਯੁੱਧ ਮਗਰੋਂ ਜਦ ਕਰੀਬ 90 ਹਜ਼ਾਰ ਪਾਕਿਸਤਾਨੀ ਯੁੱਧ ਬੰਦੀਆਂ ਨੂੰ ਇੰਦਰਾ ਗਾਂਧੀ ਨੇ ਛੱਡਿਆ ਤਾਂ ਉਨ੍ਹਾਂ ਨੂੰ ਪਾਕਿਸਤਾਨੀ ਫੌਜ ਨੇ 1973 ਤੋਂ 1975 ਤੱਕ ਬਲੋਚਿਸਤਾਨ 'ਚ ਨਰਸੰਹਾਰ ਕਰਨ ਲਈ ਤਾਇਨਾਤ ਕਰ ਦਿੱਤਾ ਸੀ। ਤਾਰਿਕ ਨੇ ਇਹ ਵੀ ਕਿਹਾ ਕਿ ਪਾਕਿਸਤਾਨ ਆਪਣੇ ਆਪ 'ਚ ਕਈ ਸ਼ਬਦ ਲਈ ਹੋਏ ਹੈ। ਇਹ ਆਪਣੇ ਆਪ 'ਚ ਦੇਸ਼ ਨਹੀਂ। ਪਾਕਿਸਤਾਨ ਇੱਕ ਮਜਾਕ ਹੈ, ਜਿਹੜਾ ਸਭ ਦੇ ਨਾਲ ਕੀਤਾ ਜਾ ਰਿਹਾ ਹੈ।