ਬਗਦਾਦ ‘ਚ ਅਮਰੀਕੀ ਦੂਤਾਵਾਸ ਦੇ ਨੇੜੇ ਰਾਕੇਟ ਹਮਲਾ, ਟਰੰਪ ਨੇ ਕਿਹਾ - ਇਰਾਨ ਨੂੰ ਹਰ ਹਮਲੇ ਦਾ ਜਵਾਬ ਦੇਵਾਂਗੇ

ਅਮਰੀਕਾ ਵੱਲੋਂ ਕਈ ਹਵਾਈ ਹਮਲਿਆਂ ‘ਚ ਈਰਾਨੀ ਕਮਾਂਡਰ ਕਾਸੀਮ ਸੁਲੇਮਾਨੀ ਦੇ ਕਤਲ ਤੋਂ ਬਾਅਦ ਅਮਰੀਕਾ ਅਤੇ ਇਰਾਨ 'ਚ ਤਣਾਅ ਹੈ। ਇਸ ਦੌਰਾਨ ਇਰਾਕ ਦੀ ਰਾਜਧਾਨੀ ਬਗਦਾਦ ‘ਚ ਅਮਰੀਕੀ ਦੂਤਘਰ ‘ਤੇ ਫੇਰ ਤੋਂ ਦੋ ਰਾਕੇਟਾਂ ਨਾਲ ਹਮਲਾ ਕੀਤਾ ਗਿਆ। ਇਸ ਤੋਂ ਪਹਿਲਾਂ ਸ਼ਨੀਵਾਰ ਨੂੰ ਯੂਐਸ ਅੰਬੈਸੀ ਅਤੇ ਬਾਲਡ ਏਅਰਬੇਸ 'ਤੇ ਚਾਰ ਰਾਕੇਟਾਂ ਨਾਲ ਹਮਲਾ ਕੀਤਾ ਗਿਆ ਸੀ।

ਵਾਸ਼ਿੰਗਟਨ: ਅਮਰੀਕਾ ਵੱਲੋਂ ਕਈ ਹਵਾਈ ਹਮਲਿਆਂ ‘ਚ ਈਰਾਨੀ ਕਮਾਂਡਰ ਕਾਸੀਮ ਸੁਲੇਮਾਨੀ ਦੇ ਕਤਲ ਤੋਂ ਬਾਅਦ ਅਮਰੀਕਾ ਅਤੇ ਇਰਾਨ 'ਚ ਤਣਾਅ ਹੈ। ਇਸ ਦੌਰਾਨ ਇਰਾਕ ਦੀ ਰਾਜਧਾਨੀ ਬਗਦਾਦ ‘ਚ ਅਮਰੀਕੀ ਦੂਤਘਰ ‘ਤੇ ਫੇਰ ਤੋਂ ਦੋ ਰਾਕੇਟਾਂ ਨਾਲ ਹਮਲਾ ਕੀਤਾ ਗਿਆ। ਇਸ ਤੋਂ ਪਹਿਲਾਂ ਸ਼ਨੀਵਾਰ ਨੂੰ ਯੂਐਸ ਅੰਬੈਸੀ ਅਤੇ ਬਾਲਡ ਏਅਰਬੇਸ 'ਤੇ ਚਾਰ ਰਾਕੇਟਾਂ ਨਾਲ ਹਮਲਾ ਕੀਤਾ ਗਿਆ ਸੀ। ਇਸ ਹਮਲੇ ਤੋਂ ਬਾਅਦ, ਯੂਐਸ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇੱਕ ਵਾਰ ਫੇਰ ਕਿਹਾ ਹੈ ਕਿ ਅਸੀਂ ਇਰਾਨ ਦੇ ਹਰ ਹਮਲੇ ਦਾ ਜਵਾਬ ਦਵਾਂਗੇ।

ਇਸ ਦੇ ਨਾਲ ਹੀ ਡੋਨਾਲਡ ਟਰੰਪ ਨੇ ਕਿਹਾ ਹੈ ਕਿ ਉਸਨੇ ਇਰਾਨ 'ਚ 52 ਥਾਵਾਂ ਦੀ ਚੋਣ ਕੀਤੀ ਹੈ ਅਤੇ ਜੇਕਰ ਇਰਾਨ ਆਪਣੇ ਕਮਾਂਡਰ ਕਾਸੀਮ ਸੁਲੇਮਣੀ ਦੀ ਮੌਤ ਦਾ ਬਦਲਾ ਲੈਣ ਦੀ ਕੋਸ਼ਿਸ਼ ਕਰਦਾ ਹੈ ਤਾਂ ਅਸੀਂ ਉਨ੍ਹਾਂ ਠਿਕਾਣਿਆਂ 'ਤੇ ਬਹੁਤ ਤੇਜ਼ ਅਤੇ ਬਹੁਤ ਖ਼ਤਰਨਾਕ ਜਵਾਬ ਦੇਵਾਂਗੇ। ਟਰੰਪ ਨੇ ਸੁਲੇਮਣੀ ਨੂੰ ਮਾਰਨ ਦਾ ਹੁਕਮ ਦਿੱਤਾ ਸੀ।

ਟਰੰਪ ਪ੍ਰਸ਼ਾਸਨ ਨੇ ਕਿਹਾ ਕਿ ਸੁਲੇਮਣੀ ਦੇ ਕਤਲ ਦਾ ਮਕਸੱਦ ਹੋਣ ਵਾਲੇ ਹਮਲੇ ਨੂੰ ਰੋਕਣਾ ਸੀ। ਉਸ ਮੁਤਾਬਕ ਇਸ ਹਮਲੇ ਨਾਲ ਮੱਧ ਪੂਰਬ 'ਚ ਅਮਰੀਕੀ ਸੈਨਾ ਅਤੇ ਡਿਪਲੋਮੈਟਾਂ ਦੀ ਜਾਨ ਖ਼ਤਰੇ 'ਚ ਪੈ ਸਕਦੀ ਸੀ। ਮਿਡਲ ਈਸਟ 'ਚ ਅਮਰੀਕਾ ਦੇ 60 ਤੋਂ 70 ਹਜ਼ਾਰ ਸੈਨਿਕ ਤਾਇਨਾਤ ਹਨ।

ਉਸੇ ਸਮੇਂ, ਕਾਸੀਮ ਸੁਲੇਮਣੀ ਦੀ ਧੀ ਨੇ ਕਿਹਾ ਹੈ ਕਿ ਉਸਦੇ ਪਿਤਾ ਦੀ ਮੌਤ ਉਸ ਨੂੰ ਤੋੜ ਨਹੀਂ ਸਕਦੀ ਅਤੇ ਅਮਰੀਕਾ ਨੂੰ ਪਤਾ ਹੋਣਾ ਚਾਹੀਦਾ ਹੈ ਕਿ ਉਸਦਾ ਲਹੂ ਬਰਬਾਦ ਨਹੀਂ ਹੋਵੇਗਾ। ਸੁਲੇਮਣੀ ਦੀ ਬੇਟੀ ਜ਼ੈਨਬ ਸੁਲੇਮਣੀ ਨੇ ਲੇਬਨਾਨ ਦੇ ਅਲ-ਮਾਨ ਟੀਵੀ ਨੂੰ ਕਿਹਾ ਕਿ 'ਸਸਤੇ' ਰਾਸ਼ਟਰਪਤੀ ਡੋਨਾਲਡ ਟਰੰਪ ਮਾਰੇ ਗਏ ਇਰਾਨੀ ਨੇਤਾ ਦੀਆਂ ਪ੍ਰਾਪਤੀਆਂ ਨੂੰ ਨਹੀਂ ਮਿਟਾ ਸਕਦੇ। ਗੇਨਬ ਨੇ ਕਿਹਾ ਕਿ ਉਹ ਜਾਣਦੀ ਸੀ ਕਿ ਹਿਜ਼ਬੁੱਲਾ ਨੇਤਾ ਹਸਨ ਨਸਰਾਲਾ ਆਪਣੇ ਪਿਤਾ ਦੀ ਮੌਤ ਦਾ ਬਦਲਾ ਲਵੇਗਾ।