ਗਲੋਬਲ ਟਾਈਮਜ਼ ਦੀ ਖ਼ਬਰ ਮੁਤਾਬਕ ਪ੍ਰਸਿੱਧ ਸੋਸ਼ਲ ਮੀਡੀਆ ਖਾਤੇ ਸੀਨਾ ਵੀਬੋ 'ਤੇ ਚੀਨੀ ਨੇਟਿਜੰਸ ਦਰਮਿਆਨ ਤਿੱਖੀ ਬਹਿਸ ਕਾਰਨ ਚੀਨ ਦੇ ਲੋਕ ਸੁਰੱਖਿਆ ਮੰਤਰਾਲਾ ਤੇ ਚੀਨ ਐਂਟੀ-ਕਲਟ ਐਸੋਸੀਏਸ਼ਨ ਦੀ ਚੇਤਾਵਨੀ ਮਿਲਣ ਮਗਰੋਂ ਚੀਨ ਵਿੱਚ ਯੀ ਨੇਂਗਜਿੰਗ ਨਾਂਅ ਤੋਂ ਮਸ਼ਹੂਰ ਅਦਾਕਾਰਾ ਐਨੀ ਯੀ (49) ਨੇ ਪੋਸਟ ਹਟਾ ਦਿੱਤਾ ਹੈ। ਐਨੀ ਦੇ ਵੀਬੋ 'ਤੇ 1.78 ਤੋਂ ਵੱਧ ਫਾਲੋਅਰਜ਼ ਹਨ।
ਉਸ ਨੇ ਵੀਬੋ 'ਤੇ ਸੋਮਵਾਰ ਨੂੰ ਚੇਨੰਈ ਵਿੱਚ ਵਨਨੇਸ ਯੂਨੀਵਰਸਿਟੀ ਦੇ ਸੰਸਥਾਪਕਾਂ ਦੀ ਭਾਰਤੀ ਅਧਿਆਤਮਕ ਸਿੱਖਿਅਕ ਅੰਮਾ ਤੇ ਸ੍ਰੀ ਭਗਵਾਨ ਦੀਆਂ ਗਿਆਨ ਵਾਲੀਆਂ ਗੱਲਾਂ ਨੂੰ ਸਾਂਝਾ ਕੀਤਾ ਸੀ। ਰਿਪੋਰਟ ਮੁਤਾਬਕ ਸ਼ੱਕੀ ਧਾਰਮਿਕ ਪੰਥ ਬਾਰੇ ਚੀਨੀ ਮੀਡੀਆ ਵਿੱਚ ਤਿੱਖੀ ਬਹਿਸ ਮਗਰੋਂ ਅਦਾਕਾਰਾ ਨੇ ਵਿਵਾਦਿਤ ਭਾਰਤੀ ਅਧਿਆਤਮਕ ਪਾਠਕ੍ਰਮਾਂ ਨੂੰ ਉਤਸ਼ਾਹਤ ਕਰਨ ਵਾਲੀ ਪੋਸਟ ਨੂੰ ਹਟਾ ਦਿੱਤਾ।