ਕੋਰੋਨਾਵਾਇਰਸ ਫੈਲਾਉਣ ਵਾਲੇ ਦੇਸ਼ ਨੇ ਪਾਈ ਕੋਰੋਨਾ ਵਿਰੁੱਧ ਮਹਾਨ ਯੁੱਧ ‘ਚ ਜੀਤ, ਚੀਨੀ ਲੋਕਾਂ ਨੇ ਪਾਇਆ ਵੱਡਾ ਯੋਗਦਾਨ

ਚੀਨ ਵਿਚ ਕੋਰੋਨਾ ਦੇ ਮਾਮਲੇ ਜ਼ੀਰੋ ਵੱਲ ਜਾ ਰਹੇ ਹਨ। ਬੇਸ਼ੱਕ ਚੀਨ ਵਿਚ ਕੋਰੋਨਾ ਦੇ ਫੈਲਣ ਨੂੰ ਨਿਯੰਤਰਿਤ ਕਰਨ ਦੀ ਯੋਗਤਾ ਹੈ।

ਬੀਜਿੰਗ: ਕੋਰੋਨਾਵਾਇਰਸ ਕਾਰਨ ਪੂਰੀ ਦੁਨੀਆ ਪ੍ਰਭਾਵਿੱਤ ਹੈ। ਇਸ ਵਾਇਰਸ ਨੇ ਦੁਨੀਆ ਦੇ ਹਰ ਦੇਸ਼ ਨੂੰ ਆਪਣੇ ਕਹਿਰ ‘ਚ ਫੜਿਆ ਹੈ। ਇਥੋਂ ਤੱਕ ਕਿ ਅਮਰੀਕਾ, ਬ੍ਰਾਜ਼ੀਲ, ਰੂਸ, ਜਾਪਾਨ ਵਰਗੇ ਵੱਡੇ ਦੇਸ਼ ਵੀ ਇਸ ਦੇ ਪ੍ਰਕੋਪ ਤੋਂ ਬਚ ਨਹੀਂ ਸਕੇ। ਦੁਨੀਆ ਵਿਚ ਇਕੋ ਦੇਸ਼ ਹੈ ਜਿੱਥੇ ਮਹਾਮਾਰੀ ਪਹਿਲਾਂ ਭਿਆਨਕ ਰੂਪ ਵਿਚ ਫੈਲੀ, ਫਿਰ ਇਸ ਨੂੰ ਚੰਗੀ ਤਰ੍ਹਾਂ ਕਾਬੂ ਵੀ ਪਾ ਲਿਆ ਗਿਆ। ਚੀਨ ਨੇ ਕੋਰੋਨਾ ਖਿਲਾਫ ਸਖਤ ਇੱਛਾ ਸ਼ਕਤੀ ਦਰਸਾਈ ਹੈ।

ਚੀਨ ਦੇ ਮੀਡੀਆ ਦਾ ਕਹਿਣਾ ਹੈ ਕਿ ਚੀਨੀ ਸਰਕਾਰ ਅਤੇ ਚੀਨੀ ਲੋਕਾਂ ਨੇ ਕੋਰੋਨਾ ਮਹਾਮਾਰੀ ਵਿਰੁੱਧ ਲੜਾਈ ਵਿੱਚ ਸੰਜਮ ਅਤੇ ਦ੍ਰਿੜਤਾ ਦਿਖਾਈ ਹੈ। ਚੀਨ ਨੇ ਇਸ ਮਹਾਮਾਰੀ ਨੂੰ ਸਿਹਤ ਸੰਕਟਕਾਲੀਨ ਮੰਨਿਆ। ਉਨ੍ਹਾਂ ਨੇ ਹੋਰ ਸੂਬਿਆਂ ਅਤੇ ਪ੍ਰਦੇਸ਼ਾਂ ਵਿੱਚ ਸੰਕਰਮਣ ਫੈਲਣ ਨੂੰ ਰੋਕਣ ਲਈ ਰਾਸ਼ਟਰੀ ਸਾਂਝੀ ਰੋਕਥਾਮ ਅਤੇ ਨਿਯੰਤਰਣ ਵਿਧੀ ਸਥਾਪਤ ਕੀਤੀ। ਇਸ ਸਮੇਂ ਦੌਰਾਨ ਚੀਨੀ ਲੋਕਾਂ ਨੇ ਆਪਣੀ ਸਰਕਾਰ ਦਾ ਪੂਰਾ ਸਮਰਥਨ ਕੀਤਾ ਅਤੇ ਆਪਣੀਆਂ ਅਸਧਾਰਨ ਕੋਸ਼ਿਸ਼ਾਂ ਨਾਲ ਮਹਾਮਾਰੀ ਵਿਰੁੱਧ ਲੜਾਈ ਲੜੀ।

ਖਾਸ ਗੱਲ ਇਹ ਹੈ ਕਿ ਮਹਾਮਾਰੀ ਨੂੰ ਤਕਰੀਬਨ ਜਿੱਤਣ ਦੇ ਬਾਵਜੂਦ, ਚੀਨ ਨੇ ਆਪਣੀ ਜੰਗ ਨੂੰ ਢਿੱਲ ਨਹੀਂ ਦਿੱਤੀ। ਜਦੋਂ ਚੀਨ ਨੇ ਮਹਾਮਾਰੀ ਦੀ ਪਹਿਲੀ ਲਹਿਰ ਨੂੰ ਨਿਯੰਤਰਿਤ ਕੀਤਾ, ਉਦੋਂ ਤੋਂ ਚੀਨੀ ਜਨਤਾ ਨੇ ਨਵੇਂ ਫੈਲਣ ਲਈ ਵਧੇਰੇ ਚੌਕਸੀ ਰੱਖੀ। ਇਸ ਨਾਲ ਚੀਨ ਦੀ ਆਰਥਿਕਤਾ ਨੂੰ ਵੀ ਹੁਲਾਰਾ ਮਿਲਿਆ ਹੈ।

ਚੀਨ ਨੂੰ ਚੰਗੀ ਤਰ੍ਹਾਂ ਪਤਾ ਹੈ ਕਿ ਕੋਰੋਨਾ ਖਿਲਾਫ ਉਸਦੀ ਲੜਾਈ ਅਜੇ ਖ਼ਤਮ ਨਹੀਂ ਹੋਈ। ਦਰਅਸਲ, ਇਹ ਇੱਕ ਵਿਸ਼ਵਵਿਆਪੀ ਲੜਾਈ ਹੈ ਅਤੇ ਦੂਜੇ ਦੇਸ਼ਾਂ ਦੇ ਹਾਲਾਤ ਚੀਨ ਦੇ ਯੁੱਧ ਦੇ ਖੇਤਰ ਨੂੰ ਪ੍ਰਭਾਵਿੱਤ ਕਰ ਸਕਦੇ ਹਨ।

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/apps/details?id=com.winit.starnews.hin

https://apps.apple.com/in/app/abp-live-news/id811114904