ਅਮਰੀਕਾ ਨੂੰ ਅੱਖਾਂ ਦਿਖਾਉਣ ਵਾਲਾ ਫਿਦੇਲ ਕਾਸਤਰੋ ਦਾ ਦੇਹਾਂਤ

ਵਾਸ਼ਿੰਗਟਨ : ਕਿਊਬਾ ਦੇ ਸਾਬਕਾ ਰਾਸ਼ਟਰਪਤੀ ਤੇ ਕਮਿਊਨਿਸਟ ਰੇਵੈਲਿਊਸ਼ਨ ਲੀਡਰ ਫਿਦੇਲ ਕਾਸਤਰੋ ਦਾ ਅੱਜ 90 ਸਾਲ ਦੀ ਉਮਰ 'ਚ ਦਿਹਾਂਤ ਹੋ ਗਿਆ ਹੈ। ਉਹ 1976 ਤੋਂ 2008 ਤੱਕ ਕਿਊਬਾ ਦੇ ਰਾਸ਼ਟਰਪਤੀ ਰਹੇ। ਕਿਊਬਾ ਦੇ ਮੌਜੂਦਾ ਰਾਸ਼ਟਰਪਤੀ ਅਤੇ ਫਿਦੇਲ ਦੇ ਭਰਾ ਰਾਓਲ ਕਾਸਤਰੋ ਨੇ ਸਰਕਾਰੀ ਟੈਲੀਵਿਜ਼ਨ ਉੱਤੇ ਇਸ ਗੱਲ ਦੀ ਜਾਣਕਾਰੀ ਦਿੱਤੀ। 1959 ਵਿੱਚ ਕਾਸਤਰੋ ਕ੍ਰਾਂਤੀ ਦੇ ਜਰੀਏ ਅਮਰੀਕਾ ਦੀ ਹਿਮਾਇਤ ਪ੍ਰਾਪਤ ਫੁਲਗੇਂਕਿਓ ਬਤਿਸਤਾ ਦੀ ਤਾਨਾਸ਼ਾਹੀ ਨੂੰ ਖ਼ਤਮ ਕਰ ਕੇ ਸੱਤਾ ਵਿੱਚ ਆਏ ਸਨ। ਇਸ ਤੋਂ ਬਾਅਦ ਉਹ ਕਿਊਬਾ ਦੇ ਪ੍ਰਧਾਨ ਮੰਤਰੀ ਬਣੇ ਅਤੇ 1976 ਤੱਕ ਇਸ ਪੋਸਟ ਉੱਤੇ ਰਹੇ। ਕਾਸਤਰੋ 1976 ਵਿੱਚ 2008 ਤੱਕ ਕਿਊਬਾ ਦੇ ਰਾਸ਼ਟਰਪਤੀ ਵੀ ਰਹੇ। 1959 ਵਿੱਚ ਇਹ ਕਿਊਬਾ ਦੀ ਕਾਮਨਿਸਟ ਪਾਰਟੀ ਦੇ ਪਹਿਲੇ ਸਕੱਤਰ ਬਣੇ। ਇੰਗਲੈਂਡ ਦੀ ਮਹਾਰਾਣੀ ਅਤੇ ਥਾਈਲੈਂਡ ਦੇ ਰਾਜਾ ਤੋਂ ਬਾਅਦ ਫਿਦੇਲ ਦੁਨੀਆ ਦੇ ਤੀਜੇ ਅਜਿਹੇ ਵਿਅਕਤੀ ਹਨ ਜਿੰਨਾ ਨੇ ਲੰਮੇ ਸਮੇਂ ਤੱਕ ਰਾਜ ਕੀਤਾ। ਉਹ 1959 ਤੋਂ 1976 ਤੱਕ ਪ੍ਰਧਾਨ ਮੰਤਰੀ ਅਤੇ 1976 ਤੋਂ 2008 ਤੱਕ ਰਾਸ਼ਟਰਪਤੀ ਰਹੇ। ਬਿਮਾਰੀ ਦੇ ਕਾਰਨ ਉਨ੍ਹਾਂ 2008 ਵਿੱਚ ਆਪਣੇ ਛੋਟੇ ਭਰਾ ਰਾਓਲ ਨੂੰ ਸੱਤਾ ਸੰਭਾਲ ਦਿੱਤੀ ਸੀ। ਫਿਦੇਲ ਦਾ ਦਾਅਵਾ ਸੀ ਕਿ 634 ਵਾਰ ਉਨ੍ਹਾਂ ਦੀ ਹੱਤਿਆ ਦੀ ਕੋਸ਼ਿਸ਼ ਕੀਤੀ ਗਈ। ਫਿਦੇਲ ਦੀ ਹੱਤਿਆ ਦੀ ਕੋਸ਼ਿਸ਼ ਅਸਲ ਵਿੱਚ ਅਮਰੀਕੀ ਖ਼ੁਫ਼ੀਆ ਏਜੰਸੀ ਸੀਆਈਏ ਵੱਲੋਂ ਕੀਤੀ ਜਾ ਰਹੀ ਸੀ। ਫਿਦੇਲ ਦੇ ਅੱਠ ਬੱਚੇ ਹਨ ਅਤੇ ਉਨ੍ਹਾਂ ਦਾ ਵੱਡਾ ਬੇਟਾ ਫਿਦੇਲ ਕਾਸਤਰੋ ਡਿਆਜ਼ ਬਲਾਟਰੋ ਨੂੰ ਉਸ ਦੇ ਪਿਤਾ ਦੀ ਝਲਕ ਮੰਨਿਆ ਜਾਂਦਾ ਹੈ