ਦਰਅਸਲ, ਦੋਵਾਂ ਧਿਰਾਂ ਦੇ ਬੱਚੇ ਕ੍ਰਿਕੇਟ ਮੈਚ ਖੇਡਣ ਦੌਰਾਨ ਆਪਸ ਵਿੱਚ ਲੜ ਪਏ ਸਨ। ਇਸੇ ਸਬੰਧੀ ਦੋਵੇਂ ਧਿਰਾਂ ਪੁਲਿਸ ਚੌਕੀ ਗਈਆਂ ਸੀ ਪਰ ਚੌਕੀ ਵਿੱਚ ਦੋਵਾਂ ਦੀ ਫਿਰ ਬਹਿਸ ਹੋ ਗਈ ਜੋ ਖ਼ੂਨੀ ਝੜਪ ਦਾ ਰੂਪ ਧਾਰ ਗਈ। ਦੋਵਾਂ ਧਿਰਾਂ ਨੇ ਇੱਕ ਦੂਜੇ ਉਤੇ ਗੋਲ਼ੀਬਾਰੀ ਕਰਨੀ ਸ਼ੁਰੂ ਕਰ ਦਿੱਤੀ।
ਇਸ ਘਟਨਾ ਵਿੱਚ ਦੋਵਾਂ ਧਿਰਾਂ ਦੇ ਕੁੱਲ ਸੱਤ ਬੰਦਿਆਂ ਦੀ ਮੌਤ ਹੋ ਗਈ ਤੇ ਇੱਕ ਗੰਭੀਰ ਜ਼ਖ਼ਮੀ ਹੋ ਗਿਆ। ਮ੍ਰਿਤਕ ਸੱਤਾਂ ਜਣਿਆਂ ਵਿੱਚੋਂ ਤਿੰਨ ਇੱਕ ਧਿਰ ਦੇ ਸਨ ਅਤੇ ਚਾਰ ਦੂਜੇ ਗੁੱਟ ਦੇ ਸਨ।