ਜੋਅ ਬਿਡੇਨ ਅਤੇ ਕਮਲਾ ਹੈਰਿਸ ਬਣੇ ਭਾਰਤੀ-ਅਮਰੀਕੀ ਦੀ ਪਸੰਦ, ਲੋਕਾਂ ਨੇ ਟਰੰਪ ਨੂੰ ਕਿਹਾ ਭਾਰਤ ਦਾ 'ਦੁਸ਼ਮਣ'

ਸਿਲੀਕਾਨ ਵੈਲੀ ਦੇ ਉਦਮੀ ਅਜੈ ਜੈਨ ਭੁਟੋਰੀਆ ਨੇ ਕਿਹਾ ਕਿ ਭਾਈਚਾਰਾ ਸਮਝਦਾ ਹੈ ਕਿ ਭਾਰਤ ਦਾ ਅਸਲ ਦੋਸਤ ਅਤੇ ਦੁਸ਼ਮਣ ਕੌਣ ਹੈ। ਡੋਨਾਲਡ ਟਰੰਪ "ਦੁਸ਼ਮਣ" ਹਨ ਜੋ ਵਿਸ਼ਵਵਿਆਪੀ ਮੰਚ 'ਤੇ ਭਾਰਤ ਦੀ ਅਲੋਚਨਾ ਕਰਦੇ ਹਨ।

ਵਾਸ਼ਿੰਗਟਨ: ਅਮਰੀਕਾ ਦੇ ਰਾਸ਼ਟਰਪਤੀ ਅਹੂਦੇ ਦੀਆਣ ਚੋਣਾਂ 'ਚ ਡੈਮੋਕਰੇਟਿਕ ਪਾਰਟੀ ਦੇ ਉਮੀਦਵਾਰ ਜੋਅ ਬਿਡੇਨ ਅਤੇ ਉਪ-ਰਾਸ਼ਟਰਪਤੀ ਅਹੁਦੇ ਦੀ ਉਮੀਦਵਾਰ ਭਾਰਤੀ-ਅਮਰੀਕੀ ਸੈਨੇਟਰ ਕਮਲਾ ਹੈਰਿਸ ਦੇ ਸਮਰਥਕ ਭਾਰਤੀ-ਅਮਰੀਕੀਆਂ ਨੇ ਕਿਹਾ ਹੈ ਕਿ ਡੈਮੋਕਰੇਟਿਕ ਉਮੀਦਵਾਰ ਕਮਿਊਨਿਟੀ ਨੂੰ ਬਿਹਤਰ ਸਮਝਦੇ ਹਨ, ਜਦੋਂ ਕਿ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਇੱਥੇ "ਦੁਸ਼ਮਣ" ਹਨ ਜੋ ਵਿਸ਼ਵਵਿਆਪੀ ਮੰਚ 'ਤੇ ਭਾਰਤ ਦੀ ਆਲੋਚਨਾ ਕਰਦੇ ਹਨ।

ਭਾਰਤੀ ਅਮਰੀਕੀਆਂ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਬਿਡੇਨ ਨੇ ਯੂਐਸ ਦੇ ਸੈਨੇਟਰ ਅਤੇ ਉਪ ਰਾਸ਼ਟਰਪਤੀ ਵਜੋਂ ਕਮਿਊਨਿਟੀ ਦੀ ਮਦਦ ਕੀਤੀ।

ED ਨੇ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਦੇ ਬੇਟੇ ਨੂੰ ਭੇਜਿਆ ਸਮਨ

ਬਰਾਬਰ ਅਵਸਰ ਦੇਣ ਵਾਲੇ ਨੇਤਾ ਦੀ ਜਰੂਰਤ:

ਸਿਲੀਕਾਨ ਵੈਲੀ ਦੇ ਉਦਮੀ ਅਜੈ ਜੈਨ ਭੁਟੋਰੀਆ ਨੇ ਕਿਹਾ, “ਟਰੰਪ ਪ੍ਰਸ਼ਾਸਨ ਦੇ ਚਾਰ ਸਾਲਾਂ ਬਾਅਦ ਅਸੀਂ ਇਹ ਜਾਣਦੇ ਹਾਂ ਕਿ ਸਾਡੇ ਬੱਚਿਆਂ ਅਤੇ ਪੋਤੇ-ਪੋਤੀਆਂ ਨੂੰ ਉਹ ਮੌਕੇ ਨਹੀਂ ਮਿਲਣਗੇ ਜੋ ਸਾਡੇ ਕੋਲ ਸੀ। ਸਾਨੂੰ ਇੱਕ ਅਜਿਹੇ ਨੇਤਾ ਦੀ ਲੋੜ ਹੈ ਜੋ ਸਾਡੀ ਕਮਿਊਨਿਟੀ, ਸਾਡੇ ਕਦਰਾਂ-ਕੀਮਤਾਂ, ਸਾਡੇ ਮਾਣ ਨੂੰ ਸਮਝੇ, ਜੋ ਸਾਡੀ ਮਿਹਨਤ ਦੀ ਕਦਰ ਕਰਦਾ ਹੈ ਅਤੇ ਆਪਣੇ ਪ੍ਰਸ਼ਾਸਨ ਵਿਚ ਬਰਾਬਰ ਦਾ ਮੌਕਾ ਦਿੰਦਾ ਹੈ ਅਤੇ ਸਾਡੀ ਰਾਏ ਲੈਂਦਾ ਹੈ।"

ਭੁਟੋਰਿਆ ਨੇ ਸ਼ੁੱਕਰਵਾਰ ਨੂੰ ਟਰੰਪ ਅਤੇ ਬਿਡੇਨ ਵਿਚਾਲੇ ਆਖਰੀ ਰਾਸ਼ਟਰਪਤੀ ਬਹਿਸ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਰਾਸ਼ਟਰਪਤੀ ਨੇ ਇੱਕ ਆਲਮੀ ਮੰਚ ‘ਤੇ ਭਾਰਤ ਦੀ ਆਲੋਚਨਾ ਕੀਤੀ।

ਬਿਡੇਨ ਅਤੇ ਹੈਰਿਸ ਦੇ ਭਾਰਤੀ-ਅਮਰੀਕੀਆਂ ਨਾਲ ਡੂੰਘੇ ਸਬੰਧ:

ਭੂਟੋਰੀਆ ਨੇ ਕਿਹਾ, “ਬਿਡੇਨ ਨੇ (ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਬਰਾਕ) ਓਬਾਮਾ ਨਾਲ ਵ੍ਹਾਈਟ ਹਾਊਸ ਵਿੱਚ ਦੀਪਵਾਲੀ ਮਨਾਇਆ।” ਉਸਨੇ ਕਿਹਾ ਕਿ ਬਿਡੇਨ ਅਤੇ ਹੈਰਿਸ ਦਾ ਭਾਰਤੀ-ਅਮਰੀਕੀਆਂ ਨਾਲ ਗਹਿਰਾ ਰਿਸ਼ਤਾ ਹੈ।

ਕੈਲੀਫੋਰਨੀਆ ਸਟੇਟ ਅਸੈਂਬਲੀ ਮੈਂਬਰ ਏਸ਼ ਕਾਲਰਾ ਨੇ ਕਿਹਾ ਕਿ ਉਹ ਪਿਛਲੇ ਦੋ ਦਹਾਕਿਆਂ ਤੋਂ ਹੈਰਿਸ ਅਤੇ ਉਸਦੀ ਭੈਣ ਮਾਇਆ ਨੂੰ ਜਾਣਦੀ ਹੈ। ਉਨ੍ਹਾਂ ਕਿਹਾ ਕਿ ਹੈਰਿਸ ਨੂੰ ਉਸਦੀ ਭਾਰਤੀ ਵਿਰਾਸਤ ‘ਤੇ ਮਾਣ ਹੈ। ਕਾਰੋਬਾਰੀ ਅਸ਼ੋਕ ਭੱਟ ਨੇ ਕਿਹਾ ਕਿ ਓਬਾਮਾ-ਬਿਡੇਨ ਦੇ ਸਾਬਕਾ ਪ੍ਰਸ਼ਾਸਨ ਨੇ ਭਾਰਤ ਨੂੰ ਪਹਿਲ ਦਿੱਤੀ ਸੀ।

FATF ਵੱਲੋਂ ਗ੍ਰੇਅ ਲਿਸਟ 'ਚ ਬਰਕਰਾਰ ਰੱਖਣ 'ਤੇ ਪਾਕਿ ਵਿਦੇਸ਼ੀ ਮੰਤਰੀ ਨੇ ਭਾਰਤ ਖਿਲਾਫ ਕੱਢਿਆ ਗੁੱਸਾ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904