Kamala Harris Lost Presidential Election: ਅਮਰੀਕੀ ਰਾਸ਼ਟਰਪਤੀ ਚੋਣ ਵਿੱਚ ਡੋਨਾਲਡ ਟਰੰਪ ਤੋਂ ਹਾਰਨ ਤੋਂ ਬਾਅਦ ਕਮਲਾ ਹੈਰਿਸ ਦੇ ਸਮਰਥਕ ਕਾਫੀ ਨਿਰਾਸ਼ ਹਨ। ਟਰੰਪ ਨੇ ਬਹੁਮਤ ਦਾ ਅੰਕੜਾ ਪਾਰ ਕਰਕੇ ਕਮਲਾ ਹੈਰਿਸ ਨੂੰ ਹਰਾਇਆ ਸੀ। ਹਾਲਾਂਕਿ ਹੁਣ ਕਮਲਾ ਹੈਰਿਸ ਦੀ ਟੀਮ ਦੇ ਇੱਕ ਸਾਬਕਾ ਕਰਮਚਾਰੀ ਨੇ ਰਾਸ਼ਟਰਪਤੀ ਜੋਅ ਬਾਇਡੇਨ ਤੋਂ ਅਹੁਦੇ ਤੋਂ ਅਸਤੀਫਾ ਦੇਣ ਦੀ ਮੰਗ ਕੀਤੀ ਹੈ। ਕਮਲਾ ਹੈਰਿਸ ਦੀ ਟੀਮ ਦੇ ਸਾਬਕਾ ਸੂਚਨਾ ਨਿਰਦੇਸ਼ਕ ਜਮਾਲ ਸਿਮੰਸ ਦੀ ਇਹ ਮੰਗ ਅਜਿਹੇ ਸਮੇਂ 'ਚ ਆਈ ਹੈ ਜਦੋਂ ਚੋਣ ਜਿੱਤਣ ਤੋਂ ਬਾਅਦ ਡੋਨਾਲਡ ਟਰੰਪ ਦੇ ਸਹੁੰ ਚੁੱਕਣ 'ਚ ਸਿਰਫ 2 ਮਹੀਨੇ ਬਾਕੀ ਹਨ।
ਦਰਅਸਲ ਕਮਲਾ ਹੈਰਿਸ ਦੀ ਟੀਮ ਦੇ ਸਾਬਕਾ ਸੂਚਨਾ ਨਿਰਦੇਸ਼ਕ ਜਮਾਲ ਸਿਮੰਸ ਨੇ ਐਤਵਾਰ ਨੂੰ ਇੱਕ ਟਾਕ ਸ਼ੋਅ ਵਿੱਚ ਅਮਰੀਕੀ ਰਾਸ਼ਟਰਪਤੀ ਜੋ ਬਾਇਡੇਨ ਨੂੰ ਰਾਸ਼ਟਰਪਤੀ ਦੇ ਅਹੁਦੇ ਤੋਂ ਅਸਤੀਫਾ ਦੇਣ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਬਾਇਡੇਨ ਨੂੰ ਹੁਣ ਅਸਤੀਫਾ ਦੇ ਕੇ ਕਮਲਾ ਹੈਰਿਸ ਨੂੰ ਅਮਰੀਕਾ ਦੀ ਪਹਿਲੀ ਮਹਿਲਾ ਰਾਸ਼ਟਰਪਤੀ ਬਣਾਉਣਾ ਚਾਹੀਦਾ ਹੈ। ਹਾਲਾਂਕਿ ਕਮਲਾ ਹੈਰਿਸ ਦਾ ਇਹ ਕਾਰਜਕਾਲ ਬਹੁਤ ਘੱਟ ਸਮੇਂ ਲਈ ਹੋਵੇਗਾ।
ਜਮਾਲ ਸਿਮੰਸ ਨੇ ਆਪਣੀ ਇੱਕ ਸੋਸ਼ਲ ਮੀਡੀਆ ਪੋਸਟ ਵਿੱਚ ਲਿਖਿਆ, "ਜੋ ਬਾਇਡੇਨ ਆਪਣੇ ਕਾਰਜਕਾਲ ਦੌਰਾਨ ਸ਼ਾਨਦਾਰ ਰਿਹਾ ਹੈ, ਪਰ ਉਸਨੂੰ ਇੱਕ ਆਖਰੀ ਵਾਅਦਾ ਪੂਰਾ ਕਰਨਾ ਚਾਹੀਦਾ ਹੈ ਤੇ ਸਮੇਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਬਦਲਾਅ ਵੱਲ ਕਦਮ ਚੁੱਕਣਾ ਚਾਹੀਦਾ ਹੈ।"
'30 ਦਿਨਾਂ 'ਚ ਅਸਤੀਫਾ ਦੇ ਸਕਦੇ ਹਨ ਜੋ ਬਾਇਡੇਨ'
ਸਾਬਕਾ ਸੂਚਨਾ ਨਿਰਦੇਸ਼ਕ ਜਮਾਲ ਸਿਮੰਸ ਨੇ ਕਿਹਾ, “ਜੋ ਬਾਇਡੇਨ ਅਗਲੇ 30 ਦਿਨਾਂ ਵਿੱਚ ਰਾਸ਼ਟਰਪਤੀ ਅਹੁਦੇ ਤੋਂ ਅਸਤੀਫਾ ਦੇ ਸਕਦੇ ਹਨ ਤੇ ਕਮਲਾ ਹੈਰਿਸ ਨੂੰ ਸੰਯੁਕਤ ਰਾਜ ਦੀ ਪਹਿਲੀ ਮਹਿਲਾ ਰਾਸ਼ਟਰਪਤੀ ਬਣਾ ਸਕਦੇ ਹਨ। ਇਹ ਸਾਡੇ ਡੈਮੋਕਰੇਟਸ ਦੇ ਕੰਮ ਕਰਨ ਦੇ ਤਰੀਕੇ ਨੂੰ ਬਦਲਣ ਦਾ ਸਮਾਂ ਹੈ। ”
'ਬਾਇਡੇਨ ਆਪਣਾ ਵਾਅਦਾ ਪੂਰਾ ਕਰ ਸਕਦਾ ਹੈ'
ਜਮਾਲ ਸਿਮੰਸ ਨੇ ਕਿਹਾ, “ਇਸ ਵੇਲੇ ਕਮਲਾ ਹੈਰਿਸ ਨੂੰ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਕੇ ਅਮਰੀਕਾ ਦੀ ਪਹਿਲੀ ਮਹਿਲਾ ਰਾਸ਼ਟਰਪਤੀ ਬਣਾਉਣਾ ਜੋ ਬਾਇਡੇਨ ਦੇ ਨਿਯੰਤਰਣ ਵਿੱਚ ਹੈ। ਜੇ ਉਹ ਅਜਿਹਾ ਕਰਦੀ ਹੈ ਤਾਂ ਇਸ ਨਾਲ ਜੋ ਬਾਇਡੇਨ ਦਾ ਆਖਰੀ ਵਾਅਦਾ ਪੂਰਾ ਹੋਵੇਗਾ ਤੇ ਕਮਲਾ ਹੈਰਿਸ ਅਮਰੀਕਾ ਦੀ 47ਵੀਂ ਅਤੇ ਪਹਿਲੀ ਮਹਿਲਾ ਰਾਸ਼ਟਰਪਤੀ ਬਣ ਜਾਵੇਗੀ।