ਆਪਣੇ ਹਫ਼ਤਾ ਲੰਮੇ ਭਾਰਤ ਦੌਰੇ 'ਤੇ ਆਏ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਆਗਰਾ ਦੇ ਨਾਲ-ਨਾਲ ਅੰਮ੍ਰਿਤਸਰ, ਅਹਿਮਦਾਬਾਦ, ਮੁੰਬਈ ਤੇ ਨਵੀਂ ਦਿੱਲੀ ਜਾਣਗੇ। ਟਰੂਡੋ ਦਾ ਇਸ ਦੌਰੇ 'ਤੇ ਆਉਣ ਦਾ ਮਕਸਦ ਮਹਿਲਾ ਸਸ਼ਕਤੀਕਰਨ ਤੇ ਵਪਾਰ ਵਿੱਚ ਵਾਧਾ ਕਰਨ ਦੇ ਨਾਲ-ਨਾਲ ਭਾਰਤ ਤੇ ਕੈਨੇਡਾ ਦਰਮਿਆਨ ਵਿੱਤੀ ਮਜ਼ਬੂਤੀ ਲਿਆਉਣਾ ਹੈ।
ਜਸਟਿਨ ਟਰੂਡੋ ਪਰਿਵਾਰ ਤੋਂ ਇਲਾਵਾ ਆਪਣੇ 5 ਮੰਤਰੀਆਂ ਨਾਲ ਭਾਰਤ ਪੁੱਜੇ ਹਨ। 17 ਫਰਵਰੀ ਨੂੰ ਭਾਰਤ ਪੁੱਜੇ ਕੈਨੇਡੀਅਨ ਪ੍ਰਧਾਨ ਮੰਤਰੀ ਦਾ 23 ਤਾਰੀਖ਼ ਨੂੰ ਰਾਸ਼ਟਰਪਤੀ ਰਾਮ ਨਾਥ ਕੋਵਿੰਦ ਰਾਸ਼ਟਰਪਤੀ ਭਵਨ ਵਿੱਚ ਰਸਮੀ ਸਵਾਗਤ ਕਰਨਗੇ।