ਆਬੂ ਧਾਬੀ ਦੇ ਇੱਕ ਨੈਸ਼ਨਲ ਅਖ਼ਬਾਰ ਨੇ ਦੱਸਿਆ ਕਿ ਔਰਤ ਨੂੰ ਆਪਣੇ ਪ੍ਰੇਮੀ ਦੇ ਕਤਲ ਦੇ ਇਲਜ਼ਾਮ ‘ਚ ਗ੍ਰਿਫ਼ਤਾਰ ਕੀਤਾ ਗਿਆ। ਉਸ ‘ਤੇ ਇਲਜ਼ਾਮ ਹੈ ਕਿ ਉਸ ਨੇ ਆਪਣੇ ਪ੍ਰੇਮੀ ਦੀ ਹੱਤਿਆ ਸਿਰਫ ਇਸ ਲਈ ਕੀਤੀ ਕਿਉਂਕਿ ਉਹ ਕਿਸੇ ਹੋਰ ਨਾਲ ਵਿਆਹ ਕਰਨਾ ਚਾਹੁੰਦਾ ਸੀ। ਇਸ ਔਰਤ ਨੇ ਦੱਸਿਆ ਕਿ ਉਸ ਨੇ ਆਪਣੇ 20 ਸਾਲਾ ਪ੍ਰੇਮੀ ਦਾ ਕਤਲ ਕੀਤਾ ਹੈ।
ਇੰਨਾ ਹੀ ਨਹੀਂ ਉਸ ਨੇ ਆਪਣੇ ਬਿਆਨ ‘ਚ ਕਬੂਲ ਕੀਤਾ ਹੈ ਕਿ ਉਸ ਨੇ ਮੁੰਡੇ ਦੇ ਸਰੀਰ ਦੇ ਟੁਕੜੇ ਕਰ ਉਸ ਨੂੰ ਬਰਿਆਨੀ ‘ਚ ਮਿਲਾ ਕੇ ਮਜ਼ਦੂਰਾਂ ਤੇ ਕੁੱਤਿਆਂ ਨੂੰ ਖਵਾ ਦਿੱਤੀ। ਇਹ ਕਤਲ ਤਾਂ ਕਾਫੀ ਪਹਿਲਾਂ ਹੋ ਚੁੱਕਿਆ ਸੀ, ਜਿਸ ਦਾ ਖੁਲਾਸਾ ਉਦੋਂ ਹੋਇਆ ਜਦੋਂ ਮੁੰਡੇ ਦਾ ਭਰਾ ਉਸ ਦੀ ਭਾਲ ਕਰਦੇ ਹੋਏ ਕੁੜੀ ਦੇ ਘਰ ਪਹੁੰਚਿਆ ਤੇ ਉਸ ਨੂੰ ਕੁੜੀ ਦੇ ਘਰ ਤੋਂ ਦੰਦ ਮਿਲਿਆ।
ਡੀਐਨਏ ਜਾਂਚ ‘ਚ ਪਤਾ ਲੱਗਿਆ ਹੈ ਕਿ ਦੰਦ ਮ੍ਰਿਤਕ ਮੁੰਡੇ ਦਾ ਹੀ ਹੈ। ਆਪਣੇ ਕਬੂਲਨਾਮੇ ਤੋਂ ਬਾਅਦ ਕੁੜੀ ਦੇ ਦਿਮਾਗ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ। ਜਾਂਚ ਪੂਰੀ ਹੋਣ ਤੋਂ ਬਾਅਦ ਕੁੜੀ ‘ਤੇ ਮੁਕੱਦਮਾ ਚੱਲੇਗਾ।