ਪਾਕਿਸਤਾਨ ਦੀ ਕਿਸਮਤ ਦਾ ਫੈਸਲਾ ਕੱਲ੍ਹ
ਏਬੀਪੀ ਸਾਂਝਾ | 24 Jul 2018 02:14 PM (IST)
ਇਸਲਾਮਾਬਾਦ: ਪਾਕਿਸਤਾਨ ਦੀ ਕਿਸਮਤ ਦਾ ਫੈਸਲਾ ਕੱਲ੍ਹ ਹੋਏਗਾ। ਬੁੱਧਵਾਰ ਨੂੰ ਪਾਕਿਸਤਾਨ ਵਿੱਚ ਆਮ ਚੋਣਾਂ ਹੋਣਗੀਆਂ। ਦੇਸ਼ ਦੀ ਸੰਸਦ ਦੇ ਹੇਠਲੇ ਸਦਨ ਵਿੱਚ 272 ਸੀਟਾਂ ’ਤੇ ਸਿੱਧੀ ਵੋਟਿੰਗ ਹੋਏਗੀ। ਦੇਸ਼ ਵਿੱਚ ਕੁੱਲ 10 ਕਰੋੜ 59 ਲੱਖ 55 ਹਜ਼ਾਰ 407 ਰਜਿਸਟਰਡ ਵੋਟਰ ਦੇਸ਼ ਦੀ ਤੀਜੀ ਸਥਾਈ ਸਰਕਾਰ ਬਣਾਉਣਗੇ। ਪਾਕਿਸਤਾਨ ਵਿੱਚ ਬਹੁਮਤ ਲਈ ਇੱਕ ਪਾਰਟੀ ਨੂੰ ਜਨਰਲ ਸੀਟਾਂ ਵਿੱਚੋਂ 137 ਸੀਟਾਂ ਹਾਸਲ ਕਰਨੀਆਂ ਪੈਣਗੀਆਂ। ਚੋਣ ਸਰਵੇਖਣ ਵਿੱਚ ਕ੍ਰਿਕੇਟਰ ਇਮਰਾਨ ਖਾਨ ਦੀ ਪਾਰਟੀ ਅੱਗੇ ਹੈ। SDPI ਤੇ ਹੇਰਾਲਡ ਮੈਗਜ਼ੀਨ ਮੁਤਾਬਕ ਸਰਵੇਖਣ ਵਿੱਚ ਪਾਕਿਸਤਾਨ ਇਨਸਾਫ ਪਾਰਟੀ, ਸੱਤੀਧਾਰੀ ਮੁਸਲਿਮ ਲੀਗ ਤੋਂ 4 ਫੀਸਦੀ ਵੋਟਾਂ ਨਾਲ ਅੱਗੇ ਹੈ।