ਟਲਿਆ ਇੱਕ ਹੋਰ ਵੱਡਾ ਹਾਦਸਾ, ਭਾਰਤ ਆਉਂਦੇ ਜਹਾਜ਼ ਦੀ ਐਮਰਜੈਂਸੀ ਲੈਂਡਿੰਗ

ਫਰਾਂਸ ਦੀ ਰਾਜਧਾਨੀ ਪੈਰਿਸ ਤੋਂ ਮੁੰਬਈ ਆ ਰਹੇ ਜਹਾਜ਼ ਨੂੰ ਐਮਰਜੈਂਸੀ ਲੈਂਡਿੰਗ ਕਰਕੇ ਇਰਾਨ ‘ਚ ਉਤਾਰਿਆ ਗਿਆ। ਅਜਿਹਾ ਕਰਨ ਨਾਲ ਇੱਕ ਵੱਡਾ ਹਵਾਈ ਹਾਦਸਾ ਹੋਣ ਤੋਂ ਬਚ ਗਿਆ। ਘਟਨਾ ਬੁੱਧਵਾਰ ਦੀ ਹੈ।

ਤਹਿਰਾਨ: ਫਰਾਂਸ ਦੀ ਰਾਜਧਾਨੀ ਪੈਰਿਸ ਤੋਂ ਮੁੰਬਈ ਆ ਰਹੇ ਜਹਾਜ਼ ਨੂੰ ਐਮਰਜੈਂਸੀ ਲੈਂਡਿੰਗ ਕਰਕੇ ਇਰਾਨ ‘ਚ ਉਤਾਰਿਆ ਗਿਆ। ਅਜਿਹਾ ਕਰਨ ਨਾਲ ਇੱਕ ਵੱਡਾ ਹਵਾਈ ਹਾਦਸਾ ਹੋਣ ਤੋਂ ਬਚ ਗਿਆ। ਘਟਨਾ ਬੁੱਧਵਾਰ ਦੀ ਹੈ। ਇਸ ਦੌਰਾਨ ਜਹਾਜ਼ ਨੂੰ ਕਈ ਘੰਟੇ ਇਰਾਨ ‘ਚ ਠਹਿਰਾਉਣ ਤੋਂ ਬਾਅਦ ਮੁੰਬਈ ਲਈ ਦੁਬਈ ਹੁੰਦੇ ਹੋਏ ਉਡਾਣ ਭਰੀ। ਜਹਾਜ਼ ਕੰਪਨੀ ‘ਜੂਨ’ ਦਾ ਏਅਰਬਸ ਏ340 ਜਹਾਜ਼ ਇਰਾਨ ਦੇ ਇਸਫ਼ਹਾਨ ਸ਼ਹਿਰ ‘ਚ ਉੱਤਰਿਆ। ਕੰਪਨੀ ਦੇ ਬਿਆਨ ਮੁਤਾਬਕ ਉਡਾਣ ਨੰਬਰ ਏਐਫ218 ਨੂੰ ਵੈਂਟੀਲੇਸ਼ਨ ਸਰਕਿਟ ‘ਚ ਗੜਬੜੀ ਕਰਕੇ ਸਾਵਧਾਨੀ ਵਰਤਦੇ ਹੋਏ ਲੈਂਡ ਕਰਵਾਇਆ ਗਿਆ। ਇਰਾਨ ਨੇ ਦੱਸਿਆ ਕਿ ਸਥਾਨਕ ਅਧਿਕਾਰੀਆਂ ਨੇ ਯਾਤਰੀਆਂ ਨੂੰ ਸੇਵਾ ਮੁਹੱਈਆ ਕਰਵਾਈ। ਫਲਾਈਟ ‘ਚ ਸਫ਼ਰ ਕਰ ਰਹੇ ਸਾਰੇ ਯਾਤਰੀ ਸੁਰੱਖਿਅਤ ਹਨ। ਏਅਰ ਫਰਾਂਸ ਨੇ ਦੱਸਿਆ ਕਿ ਸਥਾਨਕ ਮੁਰੰਮਤ ਦਲ ਨੇ ਜਹਾਜ਼ ਦੀ ਜਾਂਚ ਕੀਤੀ। ਇਸ ਤੋਂ ਬਾਅਦ ਫਲਾਈਟ ਨੂੰ ਰਵਾਨਾ ਕੀਤਾ ਗਿਆ।