ਮਾਮਲਾ ਇੰਡੋਨੇਸ਼ੀਆ ਦੇ ਪੱਛਮੀ ਨੂਸਾ ਤੇਂਗਰਾ ਸੂਬੇ ਦਾ ਹੈ। ਇੱਥੇ ਚਾਹਿਆਨੀ ਨਾਂਅ ਦੀ ਔਰਤ ਨੇ ਆਪਣੇ ਪਤੀ ਪੁਰਨਾਮਾ ਤੋਂ ਉਸ ਦੇ ਫ਼ੋਨ ਦਾ ਕੋਡ ਪੁੱਛਿਆ ਤਾਂ ਉਸ ਨੇ ਮਨ੍ਹਾ ਕਰ ਦਿੱਤਾ। ਇਸ ਤੋਂ ਚਿੜ੍ਹੀ ਪਤਨੀ ਨੇ ਪਹਿਲਾਂ ਤਾਂ ਪਤੀ ਨਾਲ ਬਹਿਸ ਕੀਤੀ ਤੇ ਫਿਰ ਪੈਟਰੋਲ ਪਾ ਕੇ ਉਸ ਨੂੰ ਅੱਗ ਲਾ ਦਿੱਤੀ।
ਅੱਗ ਕਾਰਨ ਨੌਜਵਾਨ ਬੁਰੀ ਤਰ੍ਹਾਂ ਝੁਲਸ ਗਿਆ ਤੇ ਉਸ ਨੂੰ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ। ਪਰ ਉੱਥੇ ਦੋ ਦਿਨ ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ। ਪੁਲਿਸ ਨੇ ਚਾਹਿਆਨੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ ਅਤੇ ਉਸ ਵਿਰੁੱਧ ਕਾਨੂੰਨੀ ਕਾਰਵਾਈ ਕੀਤੀ ਜਾ ਰਹੀ ਹੈ।