ਦਿੱਖ 'ਚ ਛੋਟਾ ਹੈ ਇਹ ਜਾਨਵਰ ਪਰ ਮੂੰਹ 'ਚ ਨੇ 1000 ਤੋਂ ਵੱਧ ਦੰਦ, ਦੇਖੋ ਤਸਵੀਰਾਂ

ਸਨੇਲ ਆਪਣੇ ਦੰਦਾਂ ਨੂੰ ਲੈ ਕੇ ਕਾਫੀ ਚਰਚਾ 'ਚ ਰਹਿੰਦੀ ਹੈ। ਜੇਕਰ ਅਸੀਂ ਇਸ ਦੇ ਆਕਾਰ 'ਤੇ ਨਜ਼ਰ ਮਾਰੀਏ ਤਾਂ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਘੋਗੇ ਦੇ ਦੰਦ ਨਹੀਂ ਹੋਣਗੇ, ਪਰ ਅਜਿਹਾ ਨਹੀਂ ਹੈ। ਘੋਗੇ ਦੇ ਦੰਦ ਹੁੰਦੇ ਹਨ ਅਤੇ ਉਨ੍ਹਾਂ ਦੀ ਗਿਣਤੀ ਵੀ 1000 ਤੋਂ ਵੱਧ ਹੈ।

ਬੀਬੀਸੀ ਸਾਇੰਸ ਫੋਕਸ ਦੀ ਇੱਕ ਰਿਪੋਰਟ ਦੇ ਮੁਤਾਬਕ, ਘੋਗਿਆਂ ਦੇ 1000 ਤੋਂ 12 ਹਜ਼ਾਰ ਦੰਦ ਹੁੰਦੇ ਹਨ। ਪਰ, ਉਹ ਆਮ ਦੰਦਾਂ ਨਾਲੋਂ ਵੱਖਰੇ ਹੁੰਦੇ ਹਨ।

ਘੋਗੇ ਦੇ ਸਿਰਫ ਦੰਦ ਹੁੰਦੇ ਹਨ ਅਤੇ ਇਹ ਦੰਦਾਂ ਵਾਲੀ ਜੀਭ ਹੁੰਦੀ ਹੈ। ਇਸ ਨੂੰ ਰਡੁਲਾ ਕਿਹਾ ਜਾਂਦਾ ਹੈ ਅਤੇ ਇਸ ਜੀਭ ਰਾਹੀਂ ਆਪਣਾ ਭੋਜਨ ਖਾਂਦਾ ਹੈ। ਬਹੁਤ ਸਾਰੇ ਘੋਗੇ ਅਜਿਹੇ ਹਨ ਜਿਨ੍ਹਾਂ ਦੀ ਜੀਭ ਵੀ ਜ਼ਹਿਰੀਲੀ ਹੁੰਦੀ ਹੈ।

ਘੋਗੇ ਦੇ ਹਜ਼ਾਰਾਂ ਦੰਦ ਅੱਧਾ ਮਿਲੀਮੀਟਰ ਲੰਬੇ ਹੁੰਦੇ ਹਨ ਅਤੇ ਇੱਕ ਝਟਕੇ ਵਿੱਚ ਕੀੜੇ ਖਾ ਜਾਂਦੇ ਹਨ। ਇੱਥੋਂ ਤੱਕ ਕਿ ਲਿਮਪੇਟ ਵਰਗੀਆਂ ਕੁਝ ਨਸਲਾਂ ਦੰਦਾਂ ਨਾਲ ਚੱਟਾਨ ਨੂੰ ਤੋੜ ਦਿੰਦੀਆਂ ਹਨ, ਇਸ ਲਈ ਤੁਸੀਂ ਕਲਪਨਾ ਕਰ ਸਕਦੇ ਹੋ ਕਿ ਇਸਦੇ ਦੰਦ ਕਿੰਨੇ ਖਤਰਨਾਕ ਹਨ।

ਇਹ ਵੀ ਕਿਹਾ ਜਾਂਦਾ ਹੈ ਕਿ ਘੋਗੇ ਦੇ ਦੰਦ ਹੀਰਾ ਬਣਾਉਣ ਜਿੰਨਾ ਦਬਾਅ ਸਹਿ ਸਕਦੇ ਹਨ। ਇਸੇ ਲਈ ਘੋਗੇ ਦੇ ਦੰਦ ਬਹੁਤ ਖਾਸ ਮੰਨੇ ਜਾਂਦੇ ਹਨ।