Dogs Cry: ਰਾਤ ਨੂੰ ਅਕਸਰ ਕਿਉਂ ਰੋਂਦੇ ਕੁੱਤੇ ? ਕੀ ਸੱਚਮੁੱਚ ਉਨ੍ਹਾਂ ਨੂੰ ਨਜ਼ਰ ਆਉਂਦੀ ਕਿਸੇ ਦੀ ਆਤਮਾ

Dogs:ਸਰਦੀਆਂ ਦੇ ਮੌਸਮ ਵਿੱਚ ਤੁਸੀਂ ਦੇਖਿਆ ਹੋਵੇਗਾ ਕਿ ਰਾਤ ਹੁੰਦੇ ਹੀ ਕੁੱਤੇ ਰੋਣਾ ਸ਼ੁਰੂ ਕਰ ਦਿੰਦੇ ਨੇ। ਕੁਝ ਲੋਕ ਮੰਨਦੇ ਹਨ ਕਿ ਕੁੱਤੇ ਅਜਿਹਾ ਇਸ ਲਈ ਕਰਦੇ ਹਨ ਕਿਉਂਕਿ ਉਹ ਆਤਮਾਵਾਂ ਨੂੰ ਦੇਖ ਸਕਦੇ। ਪਰ ਕੀ ਇਹ ਸੱਚ ਹੈ, ਆਓ ਜਾਣਦੇ ਹਾਂ।

( Image Source : Freepik )

ਬਚਪਨ ਵਿੱਚ ਜਦੋਂ ਰਾਤ ਨੂੰ ਕੁੱਤਿਆਂ ਅਤੇ ਬਿੱਲੀਆਂ ਦੇ ਰੋਣ ਦੀ ਆਵਾਜ਼ ਆਉਂਦੀ ਸੀ ਤਾਂ ਘਰ ਦੇ ਬਜ਼ੁਰਗ ਕਹਿੰਦੇ ਸਨ ਕਿ ਇੰਝ ਲੱਗਦਾ ਸੀ ਜਿਵੇਂ ਉਨ੍ਹਾਂ ਨੇ ਕੋਈ ਆਤਮਾ ਨੂੰ ਦੇਖਿਆ ਹੋਵੇ। ਖਾਸ ਕਰਕੇ ਪਿੰਡਾਂ ਵਿੱਚ ਇਹ ਗੱਲ ਆਮ ਬੋਲੀ ਜਾਂਦੀ ਸੀ। ਹਾਲਾਂਕਿ, ਜੇ ਤੁਸੀਂ ਇਸ ਪਿੱਛੇ ਵਿਗਿਆਨਕ ਤਰਕ ਲੱਭਣ ਦੀ ਕੋਸ਼ਿਸ਼ ਕਰੋਗੇ, ਤਾਂ ਤੁਸੀਂ ਖਾਲੀ ਹੱਥ ਰਹਿ ਜਾਓਗੇ।

ਮਾਹਿਰਾਂ ਦਾ ਮੰਨਣਾ ਹੈ ਕਿ ਸਰਦੀਆਂ ਵਿੱਚ ਜਾਨਵਰ ਖਾਸ ਕਰਕੇ ਕੁੱਤੇ ਇਸ ਲਈ ਰੋਂਦੇ ਹਨ ਕਿਉਂਕਿ ਉਨ੍ਹਾਂ ਨੂੰ ਠੰਡ ਲੱਗ ਰਹੀ ਹੈ। ਕਈ ਵਾਰ ਉਹ ਆਪਣੀ ਭਾਸ਼ਾ ਵਿੱਚ ਦੂਜੇ ਕੁੱਤਿਆਂ ਨੂੰ ਕੋਈ ਨਾ ਕੋਈ ਸੁਨੇਹਾ ਦੇ ਰਹੇ ਹੁੰਦੇ ਹਨ।

ਇਸ ਦੇ ਨਾਲ ਹੀ ਕੁਝ ਲੋਕਾਂ ਦਾ ਮੰਨਣਾ ਹੈ ਕਿ ਜੇਕਰ ਦਿਨ 'ਚ ਕੁੱਤੇ ਨੂੰ ਸੱਟ ਲੱਗ ਜਾਂਦੀ ਹੈ ਤਾਂ ਰਾਤ ਨੂੰ ਠੰਡਾ ਦਾ ਮੌਸਮ ਹੋਣ 'ਤੇ ਉਨ੍ਹਾਂ ਦਾ ਦਰਦ ਵਧ ਜਾਂਦਾ ਹੈ, ਇਸ ਕਾਰਨ ਉਹ ਰੋਂਦੇ ਵੀ ਹਨ।

ਕੁੱਤਿਆਂ ਦੇ ਰੋਣ ਦਾ ਕਾਰਨ ਭੁੱਖ ਵੀ ਹੋ ਸਕਦੀ ਹੈ। ਦਰਅਸਲ, ਸਰਦੀਆਂ ਵਿੱਚ ਰਾਤਾਂ ਲੰਬੀਆਂ ਹੁੰਦੀਆਂ ਹਨ, ਇਸ ਲਈ ਹਨੇਰਾ ਹੋਣ ਤੋਂ ਬਾਅਦ ਜਦੋਂ ਕੁੱਤਿਆਂ ਨੂੰ ਖਾਣ ਲਈ ਕੁਝ ਨਹੀਂ ਮਿਲਦਾ, ਤਾਂ ਉਹ ਰਾਤ ਨੂੰ ਭੁੱਖ ਲੱਗਣ ਕਾਰਨ ਰੋਣ ਲੱਗ ਜਾਂਦੇ ਹਨ।

ਪਰਿਵਾਰ ਤੋਂ ਵੱਖ ਹੋਣਾ ਵੀ ਕੁੱਤਿਆਂ ਦੇ ਰੋਣ ਦਾ ਕਾਰਨ ਹੈ। ਦਰਅਸਲ, ਕੁੱਤੇ ਪਰਿਵਾਰਕ ਜੀਵ ਹੁੰਦੇ ਹਨ, ਜਦੋਂ ਉਹ ਆਪਣੇ ਸਮੂਹ ਤੋਂ ਵੱਖ ਹੋ ਜਾਂਦੇ ਹਨ ਜਾਂ ਪਾਲਤੂ ਕੁੱਤਾ ਆਪਣੇ ਮਾਲਕ ਜਾਂ ਪਰਿਵਾਰ ਤੋਂ ਵੱਖ ਹੋ ਜਾਂਦਾ ਹੈ, ਤਾਂ ਇਹ ਰਾਤ ਨੂੰ ਰੋਣਾ ਸ਼ੁਰੂ ਕਰ ਦਿੰਦਾ ਹੈ।

ਕੁਝ ਮਾਹਿਰਾਂ ਦਾ ਮੰਨਣਾ ਹੈ ਕਿ ਵਧਦੀ ਉਮਰ ਕਾਰਨ ਕੁੱਤਿਆਂ ਵਿੱਚ ਡਰ ਪੈਦਾ ਹੋਣਾ ਸ਼ੁਰੂ ਹੋ ਜਾਂਦਾ ਹੈ। ਅਜਿਹੇ 'ਚ ਜਦੋਂ ਉਹ ਰਾਤ ਨੂੰ ਇਕੱਲੇ ਹੁੰਦੇ ਹਨ ਅਤੇ ਇਕੱਲੇ ਮਹਿਸੂਸ ਕਰਦੇ ਹਨ ਤਾਂ ਉਹ ਰੋਣ ਲੱਗ ਜਾਂਦੇ ਹਨ।