ਇਨਕਮ ਟੈਕਸ ਰਿਟਰਨ ਭਰਨ ਤੋਂ ਬਾਅਦ ਕਿੰਨੇ ਦਿਨ ਬਾਅਦ ਆਉਂਦਾ ਹੈ ਪੈਸਾ? ਜਾਣੋ ਪੂਰਾ ਵੇਰਵਾ

ਇਨਕਮ ਟੈਕਸ ਰਿਫੰਡ ਭਰਨ ਦੀ ਆਖਰੀ ਮਿਤੀ 31 ਜੁਲਾਈ 2023 ਹੈ। ਜੇਕਰ ਤੁਸੀਂ ITR ਫਾਈਲ ਕੀਤੀ ਹੈ, ਤਾਂ ਟੈਕਸ ਵਿਭਾਗ ਤੁਹਾਨੂੰ ਸੂਚਿਤ ਕਰਦਾ ਹੈ ਕਿ ਤੁਹਾਡਾ ਰਿਫੰਡ ਆਵੇਗਾ ਜਾਂ ਨਹੀਂ। ਜੇਕਰ ਤੁਹਾਡੀ ਰਿਟਰਨ ਸਹੀ ਹੈ ਤਾਂ ਐਸਐਮਐਸ ਰਾਹੀਂ ਜਾਣਕਾਰੀ ਦਿੱਤੀ ਜਾਵੇਗੀ। ਇਸ ਤੋਂ ਇਲਾਵਾ ਈਮੇਲ ਵੀ ਭੇਜੀ ਜਾਂਦੀ ਹੈ।

ਇਨਕਮ ਟੈਕਸ ਡਿਪਾਰਟਮੈਂਟ ਇਸ ਬਾਰੇ ਜਾਣਕਾਰੀ ਦਿੰਦਾ ਹੈ ਕਿ ਤੁਹਾਡੇ ਖਾਤੇ ਵਿੱਚ ਕਿੰਨਾ ਰਿਫੰਡ ਆਵੇਗਾ। ਇਹ ਜਾਣਕਾਰੀ ਇਨਕਮ ਟੈਕਸ ਐਕਟ ਦੀ ਧਾਰਾ 143 (1) ਦੇ ਤਹਿਤ ਭੇਜੀ ਜਾਂਦੀ ਹੈ ਅਤੇ ਇੱਕ ਕ੍ਰਮ ਨੰਬਰ ਵੀ ਦਿੱਤਾ ਜਾਂਦਾ ਹੈ।

ਰਿਫੰਡ ਸਿੱਧਾ ਤੁਹਾਡੇ ਬੈਂਕ ਖਾਤੇ ਵਿੱਚ ਆ ਜਾਂਦਾ ਹੈ। ਜੇਕਰ ITR ਭਰਦੇ ਸਮੇਂ ਜਾਣਕਾਰੀ ਮਿਸਮੈਚ ਹੁੰਦੀ ਹੈ, ਤਾਂ ਰਿਫੰਡ ਆਉਣ ਵਿੱਚ ਦੇਰ ਹੋ ਸਕਦੀ ਹੈ। ਹਾਲਾਂਕਿ, ਜੇਕਰ ਰਿਫੰਡ ਸਹੀ ਢੰਗ ਨਾਲ ਭਰਿਆ ਗਿਆ ਹੈ, ਤਾਂ ਇਹ ਬਹੁਤ ਛੇਤੀ ਆਉਂਦਾ ਹੈ।

ਕੇਂਦਰੀ ਪ੍ਰਤੱਖ ਟੈਕਸ ਬੋਰਡ (ਸੀਬੀਡੀਟੀ) ਦੇ ਚੇਅਰਮੈਨ ਨਿਤਿਨ ਗੁਪਤਾ ਦੇ ਅਨੁਸਾਰ, ਆਈਟੀਆਰ ਫਾਈਲਿੰਗ ਦੇ ਨਾਲ ਰਿਫੰਡ ਆਉਣ ਵਿੱਚ ਵੀ ਤੇਜ਼ੀ ਆਈ ਹੈ। ਰਿਟਰਨ ਫਾਈਲ ਕਰਨ ਦੇ 30 ਦਿਨਾਂ ਦੇ ਅੰਦਰ ਰਿਫੰਡ ਜਾਰੀ ਕੀਤੇ ਗਏ ਹਨ।

ਸੀਬੀਡੀਟੀ ਚੇਅਰਮੈਨ ਦੇ ਅਨੁਸਾਰ, ਵਿੱਤੀ ਸਾਲ 2022-23 ਵਿੱਚ ਟੈਕਸ ਰਿਫੰਡ ਲਈ ਔਸਤ ਸਮਾਂ 16 ਦਿਨ ਹੈ। ਜਦੋਂ ਕਿ ਪਿਛਲੇ ਵਿੱਤੀ ਸਾਲ ਲਈ ਇਹ 26 ਦਿਨ ਸੀ। ਤਕਨਾਲੋਜੀ ਦੇ ਅੱਪਡੇਟ ਹੋਣ ਕਰਕੇ ਰਿਫੰਡ ਵਿੱਚ ਤੇਜ਼ੀ ਆਈ ਹੈ।

ਜੇਕਰ ਤੁਸੀਂ ਇਨਕਮ ਟੈਕਸ ਰਿਫੰਡ ਫਾਈਲ ਕਰਨਾ ਚਾਹੁੰਦੇ ਹੋ, ਤਾਂ ਤੁਸੀਂ ਦੋ ਤਰੀਕਿਆਂ ਨਾਲ ਫਾਈਲ ਕਰ ਸਕਦੇ ਹੋ। ਰਿਟਰਨ ਈ-ਫਾਈਲਿੰਗ ਵੈਬਸਾਈਟ ਅਤੇ Tin NSDL ਵੈਬਸਾਈਟ ਤੋਂ ਫਾਈਲ ਕੀਤੇ ਜਾ ਸਕਦੇ ਹਨ।