RBI Rules:ਜੇ ਤੁਹਾਡੇ ਕੋਲ ਵੀ 2000 ਦਾ ਪਾਟਿਆ ਨੋਟ ਹੈ ਤਾਂ ਹੁਣ ਬਦਲੇ 'ਚ ਮਿਲਣਗੇ ਇੰਨ੍ਹੇ ਰੁਪਏ

Reserve Bank of India: ਭਾਰਤੀ ਰਿਜ਼ਰਵ ਬੈਂਕ (RBI) ਨੇ 2000 ਰੁਪਏ ਦੇ ਨੋਟ (2000 rupees note) ਨੂੰ ਚਲਣ ਤੋਂ ਬਾਹਰ ਕਰਨ ਦਾ ਫੈਸਲਾ ਕੀਤਾ ਹੈ, ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਜੇ ਤੁਹਾਡੇ ਕੋਲ 2000 ਰੁਪਏ ਦਾ ਫੱਟਿਆ ਹੋਇਆ ਨੋਟ ਹੈ, ਤਾਂ ਤੁਹਾਨੂੰ ਇਸ ਦੀ ਕੀਮਤ ਕਿੰਨੀ ਹੋਵੇਗੀ?

ਜੇ ਤੁਸੀਂ ਨਹੀਂ ਜਾਣਦੇ ਤਾਂ ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਫਟੇ ਹੋਏ 2000 ਰੁਪਏ ਦੇ ਨੋਟ (2000 rupees mutilated note) ਦੇ ਬਦਲੇ ਤੁਹਾਨੂੰ ਕਿੰਨੇ ਪੈਸੇ ਮਿਲਣਗੇ।

ਬਦਲੇ ਜਾ ਸਕਦੇ ਨੇ ਨੋਟ : ਜਾਣਕਾਰੀ ਦਿੰਦੇ ਹੋਏ RBI ਨੇ ਕਿਹਾ ਹੈ ਕਿ ਤੁਹਾਡੇ ਕੋਲ 23 ਮਈ ਤੋਂ 30 ਸਤੰਬਰ ਤੱਕ ਦਾ ਸਮਾਂ ਹੈ। ਤੁਸੀਂ ਇਸ ਮਿਆਦ ਦੇ ਦੌਰਾਨ ਆਪਣੇ ਨੋਟ ਬੈਂਕ ਵਿੱਚ ਜਮ੍ਹਾ ਕਰਵਾ ਸਕਦੇ ਹੋ ਜਾਂ ਉਹਨਾਂ ਨੂੰ ਬਦਲਵਾ ਸਕਦੇ ਹੋ। ਇਸ ਸਮੇਂ 2000 ਰੁਪਏ ਦੇ ਨੋਟ ਨੂੰ ਬਦਲਣ ਨੂੰ ਲੈ ਕੇ ਲੋਕਾਂ ਦੇ ਦਿਮਾਗ 'ਚ ਕਈ ਸਵਾਲ ਆ ਰਹੇ ਹਨ।

ਫਟੇ ਨੋਟਾਂ ਨੂੰ ਬਦਲਣ ਲਈ ਤੁਹਾਨੂੰ ਮਿਲਦੇ ਨੇ ਘੱਟ ਪੈਸੇ : ਰਿਜ਼ਰਵ ਬੈਂਕ ਦੇ ਨਿਯਮਾਂ ਮੁਤਾਬਕ ਕੱਟੇ ਹੋਏ ਨੋਟ ਵੀ ਬਦਲੇ ਜਾ ਸਕਦੇ ਹਨ। ਦੇਸ਼ ਵਿੱਚ ਬੇਕਾਰ ਨੋਟਾਂ ਨੂੰ ਬਦਲਣ ਦੇ ਨਿਯਮ ਥੋੜੇ ਵੱਖਰੇ ਹਨ। ਆਰਬੀਆਈ ਨੇ ਦੱਸਿਆ ਕਿ ਫਟੇ ਹੋਏ ਨੋਟਾਂ ਨੂੰ ਬਦਲਣ 'ਤੇ ਉਸ ਦੀ ਸ਼ਰਤ ਮੁਤਾਬਕ ਭੁਗਤਾਨ ਕੀਤਾ ਜਾਵੇਗਾ। ਜੇ ਤੁਹਾਡੇ ਕੋਲ ਵੀ 2000 ਰੁਪਏ ਦਾ ਫਟਾ ਹੋਇਆ ਨੋਟ ਹੈ ਤਾਂ ਚਿੰਤਾ ਕਰਨ ਦੀ ਕੋਈ ਲੋੜ ਨਹੀਂ ਹੈ।

ਕਿੰਨੀ ਹੋਣੀ ਚਾਹੀਦੀ ਹੈ ਨੋਟ ਦੀ ਲੰਬਾਈ ਅਤੇ ਚੌੜਾਈ : ਆਰਬੀਆਈ ਨੇ ਕਿਹਾ ਹੈ ਕਿ ਕੱਟੇ ਹੋਏ ਨੋਟਾਂ ਦੀ ਬਦਲੀ ਉਨ੍ਹਾਂ ਦੀ ਸਥਿਤੀ 'ਤੇ ਨਿਰਭਰ ਕਰਦੀ ਹੈ। ਆਰਬੀਆਈ ਦੀ ਵੈੱਬਸਾਈਟ ਮੁਤਾਬਕ 2000 ਰੁਪਏ ਦੇ ਨੋਟ ਦੀ ਲੰਬਾਈ 16.6, ਚੌੜਾਈ 6.6 ਅਤੇ ਖੇਤਰਫਲ 109.56 ਹੈ। ਅਜਿਹੇ 'ਚ ਜੇ ਨੋਟ 88 ਵਰਗ ਸੈਂਟੀਮੀਟਰ ਦਾ ਹੈ ਤਾਂ ਤੁਹਾਨੂੰ ਪੂਰੇ ਪੈਸੇ ਮਿਲਣਗੇ, ਜਦਕਿ 44 ਵਰਗ ਸੈਂਟੀਮੀਟਰ 'ਤੇ ਸਿਰਫ ਅੱਧੇ ਪੈਸੇ ਹੀ ਮਿਲਣਗੇ।

ਆਰਬੀਆਈ ਦਫ਼ਤਰ ਵਿੱਚ ਜਮ੍ਹਾ ਕਰਵਾਏ ਜਾ ਸਕਦੇ ਹਨ ਨੋਟ : ਬੈਂਕ ਕਟੇ ਹੋਏ ਨੋਟਾਂ ਨੂੰ ਬਦਲਣ ਲਈ ਗਾਹਕਾਂ ਤੋਂ ਕੋਈ ਚਾਰਜ ਨਹੀਂ ਲੈਂਦਾ ਹੈ, ਪਰ ਉਹ ਜ਼ਿਆਦਾ ਖਰਾਬ ਹਾਲਤ ਵਿੱਚ ਨੋਟਾਂ ਨੂੰ ਬਦਲਣ ਤੋਂ ਇਨਕਾਰ ਕਰ ਸਕਦਾ ਹੈ। ਜਿਨ੍ਹਾਂ ਨੋਟਾਂ ਦੀ ਹਾਲਤ ਖ਼ਰਾਬ ਹੈ, ਤੁਸੀਂ ਉਨ੍ਹਾਂ ਨੋਟਾਂ ਨੂੰ ਆਰਬੀਆਈ ਦਫ਼ਤਰ ਵਿੱਚ ਜਮ੍ਹਾਂ ਕਰਵਾ ਸਕਦੇ ਹੋ।