Samsung Pay Hike: ਸੈਮਸੰਗ ਚੁੱਕਣ ਦਾ ਰਿਹੈ ਅਜਿਹਾ ਕਦਮ, ਸਾਰੇ ਕਰਮਚਾਰੀਆਂ ਦਾ ਹੋਵੇਗਾ ਨੁਕਸਾਨ
Samsung Cost Cutting: ਸੈਮਸੰਗ ਦੁਨੀਆ ਦੀ ਸਭ ਤੋਂ ਵੱਡੀ ਮੇਮੋਰੀ ਚਿੱਪ ਤੇ ਸਮਾਰਟਫੋਨ ਬਣਾਉਣ ਵਾਲੀ ਕੰਪਨੀ ਹੈ। ਮਾਰਚ ਤਿਮਾਹੀ ਦੇ ਦੌਰਾਨ ਸੈਮਸੰਗ ਦਾ ਪ੍ਰਦਰਸ਼ਨ ਕਾਫੀ ਖਰਾਬ ਰਿਹਾ ਹੈ ਤੇ ਮੁਨਾਫਾ 96 ਫੀਸਦੀ ਡਿੱਘ ਗਿਆ ਹੈ।
ਸੈਮਸੰਗ
1/5
Samsung Cost Cutting: ਦੱਖਣੀ ਕੋਰੀਆ ਦੀ ਸਭ ਤੋਂ ਵੱਡੀ ਕੰਪਨੀ ਸੈਮਸੰਗ ਇਲੈਕਟ੍ਰਾਨਿਕਸ (Samsung Electronics) ਨੇ ਦੁਨੀਆ ਭਰ ਵਿੱਚ ਪੈਦਾ ਹੋਏ ਪ੍ਰਤੀਕੂਲ ਆਰਥਿਕ ਹਾਲਾਤ ਦੇ ਵਿਚਕਾਰ ਲਾਗਤਾਂ ਨੂੰ ਘਟਾਉਣ ਲਈ ਇੱਕ ਵੱਖਰਾ ਤਰੀਕਾ ਅਪਣਾਇਆ ਹੈ। ਦੁਨੀਆ ਭਰ ਦੀਆਂ ਬਹੁਤ ਸਾਰੀਆਂ ਕੰਪਨੀਆਂ ਇਸ ਸਮੇਂ ਖਰਚਿਆਂ ਨੂੰ ਘਟਾਉਣ ਲਈ ਆਪਣੇ ਕਰਮਚਾਰੀਆਂ ਨੂੰ ਛਾਂਟ ਰਹੀਆਂ ਹਨ। ਇਸ ਨਾਲ ਹੀ ਸੈਮਸੰਗ ਕਰਮਚਾਰੀਆਂ ਦੀ ਤਨਖਾਹ ਵਿੱਚ ਵਾਧਾ ਘਟਾ ਕੇ ਕੰਮ ਕਰਨ ਜਾ ਰਹੀ ਹੈ।
2/5
ਸੈਮਸੰਗ ਦੁਨੀਆ ਦੀ ਸਭ ਤੋਂ ਵੱਡੀ ਮੈਮੋਰੀ ਚਿੱਪ ਅਤੇ ਸਮਾਰਟਫੋਨ ਨਿਰਮਾਤਾ ਹੈ। ਲਾਗਤ ਘਟਾਉਣ ਦੇ ਉਪਾਵਾਂ ਬਾਰੇ ਕੰਪਨੀ ਦੇ ਪ੍ਰਬੰਧਨ ਅਤੇ ਕਰਮਚਾਰੀਆਂ ਵਿਚਕਾਰ ਗੱਲਬਾਤ ਚੱਲ ਰਹੀ ਸੀ। ਦੱਖਣੀ ਕੋਰੀਆ ਦੀ ਯੋਨਹਾਪ ਨਿਊਜ਼ ਏਜੰਸੀ ਮੁਤਾਬਕ ਗੱਲਬਾਤ ਤੋਂ ਬਾਅਦ ਦੋਵੇਂ ਪੱਖ ਇਸ ਗੱਲ 'ਤੇ ਸਹਿਮਤ ਹੋਏ ਹਨ ਕਿ ਪ੍ਰਤੀਕੂਲ ਹਾਲਾਤਾਂ ਦੇ ਮੱਦੇਨਜ਼ਰ ਬੋਰਡ ਆਫ਼ ਡਾਇਰੈਕਟਰਜ਼ ਦੇ ਮੈਂਬਰਾਂ ਦੇ ਤਨਖ਼ਾਹ ਸਕੇਲ 'ਚ ਕੋਈ ਵਾਧਾ ਨਹੀਂ ਕੀਤਾ ਜਾਵੇਗਾ, ਜਦਕਿ ਕਰਮਚਾਰੀਆਂ ਲਈ ਵਾਧੇ ਦੀ ਦਰ ਆਮ ਨਾਲੋਂ ਘਟ ਹੋਵੇਗੀ।
3/5
ਇਸ ਸਮਝੌਤੇ ਤੋਂ ਬਾਅਦ ਸੈਮਸੰਗ ਕਰਮਚਾਰੀਆਂ ਨੂੰ ਉਨ੍ਹਾਂ ਦੀ ਤਨਖਾਹ 'ਚ ਔਸਤਨ 4.1 ਫੀਸਦੀ ਦਾ ਵਾਧਾ ਮਿਲਣ ਵਾਲਾ ਹੈ। ਪਿਛਲੇ ਸਾਲ ਕੰਪਨੀ ਦੇ ਕਰਮਚਾਰੀਆਂ ਨੂੰ 9 ਫੀਸਦੀ ਦਾ ਵਾਧਾ ਮਿਲਿਆ ਸੀ। ਇਹ ਇੱਕ ਦਹਾਕੇ ਵਿੱਚ ਸਭ ਤੋਂ ਵੱਡਾ ਵਾਧਾ ਸੀ, ਪਰ ਕਰਮਚਾਰੀਆਂ ਦੀ ਮੰਗ ਤੋਂ ਘੱਟ ਸੀ। ਹੁਣ ਇਹ ਵਾਧਾ ਪਿਛਲੇ ਸਾਲ ਦੇ ਮੁਕਾਬਲੇ ਅੱਧੇ ਤੋਂ ਵੀ ਘੱਟ ਹੋਣ ਜਾ ਰਿਹਾ ਹੈ। ਕੰਪਨੀ ਦੇ ਕਰਮਚਾਰੀ ਖਰਾਬ ਪ੍ਰਦਰਸ਼ਨ, ਚਿਪ ਸੰਕਟ ਅਤੇ ਵਿਸ਼ਵ ਆਰਥਿਕ ਮੰਦੀ ਵਰਗੀਆਂ ਚੁਣੌਤੀਆਂ ਦੇ ਮੱਦੇਨਜ਼ਰ ਇਸ ਕਟੌਤੀ ਲਈ ਸਹਿਮਤ ਹੋਏ ਹਨ।
4/5
ਸੈਮਸੰਗ ਦੀ ਮੈਨੇਜਮੈਂਟ ਅਤੇ ਕਰਮਚਾਰੀਆਂ ਵਿਚਾਲੇ ਹੋਈ ਗੱਲਬਾਤ 'ਚ ਤਨਖਾਹ ਵਾਧੇ ਤੋਂ ਇਲਾਵਾ ਕੁਝ ਮੁੱਦਿਆਂ 'ਤੇ ਵੀ ਸਹਿਮਤੀ ਬਣੀ, ਜਿਸ 'ਚ ਕਿਰਤ ਨੀਤੀਆਂ ਨਾਲ ਜੁੜੇ ਕੁਝ ਮੁੱਦੇ ਵੀ ਸ਼ਾਮਲ ਹਨ।
5/5
ਹੁਣ ਸੈਮਸੰਗ ਦੀਆਂ ਉਨ੍ਹਾਂ ਮਹਿਲਾ ਕਰਮਚਾਰੀਆਂ ਦੇ ਕੰਮ ਦੇ ਘੰਟੇ ਘਟਾਏ ਜਾਣਗੇ ਜੋ ਗਰਭਵਤੀ ਹੋਣਗੀਆਂ। ਹਾਲਾਂਕਿ, ਹੁਣ ਕੰਪਨੀ ਜਾਂ ਕਰਮਚਾਰੀਆਂ ਦੁਆਰਾ ਕੋਈ ਅਧਿਕਾਰਤ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਨਿਊਜ਼ ਏਜੰਸੀ ਦਾ ਕਹਿਣਾ ਹੈ ਕਿ ਇਸ ਦਾ ਐਲਾਨ ਅੰਦਰੂਨੀ ਤੌਰ 'ਤੇ ਕੀਤਾ ਗਿਆ ਹੈ।
Published at : 16 Apr 2023 05:48 PM (IST)