ਐਸ਼ਵਰਿਆ ਰਾਏ ਦੀ ਧੀ ਆਰਾਧਿਆ ਬੱਚਨ ਫਿਰ ਹੋਈ ਟਰੋਲ, ਲੋਕ ਬੋਲੇ- ਇੰਨੇਂ ਸਾਲਾਂ ਤੋਂ ਉਹੀ ਪੁਰਾਣਾ ਹੇਅਰ ਸਟਾਇਲ

ਪਿਛਲੇ ਦਿਨ 'ਨੀਤਾ ਮੁਕੇਸ਼ ਅੰਬਾਨੀ ਕਲਚਰਲ ਸੈਂਟਰ' ਦੇ ਸ਼ਾਨਦਾਰ ਲਾਂਚ ਈਵੈਂਟ ਵਿੱਚ ਭਾਰਤ ਅਤੇ ਵਿਦੇਸ਼ ਦੀਆਂ ਕਈ ਮਸ਼ਹੂਰ ਹਸਤੀਆਂ ਨੇ ਸ਼ਿਰਕਤ ਕੀਤੀ। ਇਸ ਸਮਾਗਮ ਵਿੱਚ ਬੀ-ਟਾਊਨ ਦੇ ਸਾਰੇ ਏ-ਲਿਸਟਰ ਸਿਤਾਰਿਆਂ ਦਾ ਮੇਲਾ ਵੀ ਲਗ ਗਿਆ।

ਫਿਲਹਾਲ ਸੋਸ਼ਲ ਮੀਡੀਆ 'ਤੇ ਇਸ ਦੀਆਂ ਤਸਵੀਰਾਂ ਸਾਹਮਣੇ ਆ ਰਹੀਆਂ ਹਨ। ਅੰਬਾਨੀ ਪਰਿਵਾਰ ਦੇ ਸਮਾਗਮ 'ਚ ਬਾਲੀਵੁੱਡ ਅਦਾਕਾਰਾ ਐਸ਼ਵਰਿਆ ਰਾਏ ਬੱਚਨ ਵੀ ਆਪਣੀ ਬੇਟੀ ਆਰਾਧਿਆ ਬੱਚਨ ਨਾਲ ਪਹੁੰਚੀ। ਹਾਲਾਂਕਿ ਅਦਾਕਾਰਾ ਦੀ ਬੇਟੀ ਨੂੰ ਸੋਸ਼ਲ ਮੀਡੀਆ 'ਤੇ ਟ੍ਰੋਲ ਕੀਤਾ ਜਾ ਰਿਹਾ ਹੈ।

'ਨੀਤਾ ਮੁਕੇਸ਼ ਅੰਬਾਨੀ ਕਲਚਰਲ ਸੈਂਟਰ' ਦੇ ਲਾਂਚਿੰਗ ਈਵੈਂਟ 'ਚ ਐਸ਼ਵਰਿਆ ਅਤੇ ਉਨ੍ਹਾਂ ਦੀ ਬੇਟੀ ਰਵਾਇਤੀ ਪਹਿਰਾਵੇ 'ਚ ਪਹੁੰਚੀ। ਦੋਵੇਂ ਮਾਂ-ਧੀ ਬਹੁਤ ਖੂਬਸੂਰਤ ਲੱਗ ਰਹੀਆਂ ਸਨ। ਜਿੱਥੇ ਆਰਾਧਿਆ ਦੀ ਸਾਦਗੀ ਬਹੁਤ ਸਾਰੇ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਰਹੀ ਹੈ

ਉੱਥੇ ਕਈਆਂ ਨੇ ਇਹ ਵੀ ਕਿਹਾ ਕਿ ਬੱਚਨ ਪਰਿਵਾਰ ਦੀ ਧੀ ਆਰਾਧਿਆ ਹੋਰ ਸਟਾਰਕਿਡਜ਼ ਵਾਂਗ ਦਿਖਾਵਾ ਨਹੀਂ ਕਰਦੀ। ਹਾਲਾਂਕਿ ਕਈ ਯੂਜ਼ਰਸ ਨੇ ਆਰਾਧਿਆ ਨੂੰ ਟ੍ਰੋਲ ਵੀ ਕੀਤਾ। ਦਰਅਸਲ ਆਰਾਧਿਆ ਆਪਣੇ ਹੇਅਰਸਟਾਈਲ ਕਾਰਨ ਟ੍ਰੋਲ ਹੋ ਰਹੀ ਹੈ।

ਕਈ ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਐਸ਼-ਅਭਿਸ਼ੇਕ ਦੀ ਬੇਟੀ ਆਰਾਧਿਆ ਦੇ ਹੇਅਰ ਸਟਾਈਲ 'ਤੇ ਸਵਾਲ ਚੁੱਕੇ ਹਨ। ਇਕ ਯੂਜ਼ਰ ਨੇ ਕਮੈਂਟ 'ਚ ਲਿਖਿਆ, ''ਪਰਮਾਨੈਂਟ ਹੇਅਰਸਟਾਈਲ,''

ਦੂਜੇ ਨੇ ਲਿਖਿਆ, ''ਕੋਈ ਇਸ ਦਾ ਹੇਅਰ ਸਟਾਈਲ ਬਦਲੋ ਯਾਰ ਇਕ ਹੋਰ ਨੇ ਲਿਖਿਆ, “ਉਸ ਦਾ ਹੇਅਰ ਸਟਾਈਲ ਬਹੁਤ ਬੇਕਾਰ ਹੈ। ਇਸਨੂੰ ਬਦਲੋ। ਇਸ ਦੇ ਨਾਲ ਹੀ ਇੱਕ ਯੂਜ਼ਰ ਨੇ ਕਮੈਂਟ ਕੀਤਾ, ਯਾਰ, ਆਪਣੀ ਧੀ ਦਾ ਹੇਅਰ ਸਟਾਈਲ ਬਦਲ ਦਿਓ, ਬਚਪਨ ਤੋਂ ਉਹੀ ਸੇਮ ਚੱਲ ਰਿਹਾ ਹੈ। ਇੱਕ ਨੇ ਲਿਖਿਆ, ਦੋਵਾਂ ਮਾਂ-ਧੀ ਨੂੰ ਆਪਣੇ ਹੇਅਰ ਸਟਾਈਲ ਬਦਲਣ ਦੀ ਲੋੜ ਹੈ।

ਹਾਲਾਂਕਿ ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਆਰਾਧਿਆ ਨੂੰ ਟ੍ਰੋਲ ਕੀਤਾ ਗਿਆ ਹੋਵੇ। ਆਰਾਧਿਆ ਦਾ ਹੱਥ ਫੜਨ ਲਈ ਕਈ ਵਾਰ ਐਸ਼ ਨੂੰ ਟ੍ਰੋਲ ਕੀਤਾ ਗਿਆ ਹੈ।

ਇਸ ਦੇ ਨਾਲ ਹੀ ਐਸ਼ਵਰਿਆ ਨੂੰ ਆਰਾਧਿਆ ਨੂੰ ਇਕੱਲੀ ਆਪਣੀ ਫੋਟੋ ਕਲਿੱਕ ਕਰਨ ਦੀ ਇਜਾਜ਼ਤ ਨਾ ਦੇਣ 'ਤੇ ਟ੍ਰੋਲ ਕੀਤਾ ਗਿਆ ਹੈ।